Уӕрӕсейаг базӕ цӕттӕ кӕны егъау ахуыртӕм хӕстон ӕхстытимӕ

Уӕрӕсейаг базӕ цӕттӕ кӕны егъау ахуыртӕм хӕстон ӕхстытимӕ

9
(ранӕуӕггонд 11:16 14.09.2021)
Республикӕйы ахуыртӕ сты Хуссар ӕфсӕддон зылды дыууӕварсон батальонон тактикон маневрты хай. Уыдон ма цӕудзысты Волгограды областы, Хъӕрӕсе-Балхъары ӕмӕ Цӕцӕны

ЦХИНВАЛ, 14 сен - Sputnik. Хуссар Ирыстоны 58-ӕм ӕфсады 4-ӕм уӕрӕсейаг ӕфсӕддон базӕйы батальонон тактикон къордтӕ сӕххӕст кодтой марш Дзарцъемы полигонмӕ дыууӕварсон тактикон ахуырты фӕлгӕтты, кӕцытӕ цӕудзысты 20-24 сентябры, фехъусын кодта дыццӕджы Хуссар ӕфсӕддон зылды пресс-службӕйы хистӕр Вадим Астафьев.

"Маршы фӕлгӕтты техникӕйы колоннӕйыл сӕмбӕлдысты дзырдӕй ныхмӕлӕууӕджы "диверсанттӕ". Тактикон къорды ӕфсӕддонтӕ рӕстӕгыл ссардтой ныхмӕлӕуджыты, бацыдысты ахуырадон тохы, цӕмӕй колоннӕ ацӕуа ӕдас районмӕ", - радзырдта уый.

Уӕрӕсейаг ӕфсӕддонтӕ ма бакуыстой алыгъуызон тактикон приемтыл сӕ балцы рӕстӕджы полигонмӕ.

"Хуссар Ирыстоны хӕстон тактикон ахуыртӕм ӕдӕппӕт ӕрбаздахтой иу мин ӕфсӕддоны, афтӕ ма техникӕйы 200 иуӕджы, сӕ нымӕцы комплекс "Тунгуска", зенитон-ракетон комплекс "Стрела", артиллерион хӕцӕнгарз "Акация", минометтӕ "Сани", гранатометтӕ АГС-17 и РПГ-7В", - банысан кодта Астафьев.

Хуссар ӕфсӕддон зылды ацы къуыри уагъд цӕуынц цыппар дыууӕварсон батальонон тактикон ахуыртӕ полигонтыл, кӕцытӕ сты цӕудзысты Волгограды областы, Хъӕрӕсе-Балхъары, Цӕцӕны ӕмӕ Хуссар Ирыстоны.

9
РБМЦ сырх зонӕ

Хуссар Иры хицауад медиктӕн фиддонтӕн рахицӕн кодта 10 милуан сомӕй фылдӕр

2
(ранӕуӕггонд 16:09 16.09.2021)
Фӕрӕзтӕ рахицӕн кӕныны фӕдыл скъуыддзаг рахастӕуыд цыппӕрӕмы республикӕйы хицауады ӕнӕрадон рабадтыл

ЦХИНВАЛ, 16 сен - Sputnik. Хуссар Ирыстоны хицауад рахицӕн кодта йӕ фӕстауӕрцон фондӕй 10,2 милуан сомы сӕрмагонд социалон фиддонтӕн медиктӕн ӕмӕ ӕндӕр кусджытӕн коронавирусимӕ тохы тыххӕй, хъусын кӕны министрты кабинеты пресс-службӕ.

Скъуыддзаг рахастӕуыд хицауады ӕнӕрадон рабадтыл. Фӕрӕзтӕ байуӕрстой афтӕмӕй:

  • Республикон бирӕпрофилон медицинон центр 2021 азы 1 майӕ 31 августы онг периоды тыххӕй райсдзӕн 9 425 210 сомы
  • Дзауы районон рынчындон 1 апрелӕй 31 августы онг периодӕн райсдзӕн 350 750 сомы
  • Къуайсайы рынчындон 22 июнӕй 31 августы онг периодӕн райсдзӕн – 347 833 сомы
  • Знауыры районон рынчындон 1 июнӕй 31 августы онг периодӕн райсдзӕн – 79 250 сомы
  • Цхинвалы районы амбулаторон ӕххуысы центр 1 июлӕй 31 августы онг периодӕн райсдзӕн 73 750 сомы

Хицауады сӕрдар Бекъойты Геннадий бахӕс кодта Ӕнӕниздзинад хъахъхъӕнынады министрадӕн хъус дарын рахицӕнгонд фӕрӕзты хардз кӕнынмӕ ӕмӕ бавдисын Финансты министрадӕн хыгъдлӕвӕрд уый фӕдыл.

2
хъӕууонхӕдзарадон техникӕ

Хуссар Иры хъӕууон хӕдзарад баххӕст ис ног техникӕйӕ

3
(ранӕуӕггонд 16:09 16.09.2021)
Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ

ЦХИНВАЛ, 16 сен – Sputnik, Плиты Фатимӕ. Хуссар Ирыстоны хъӕууон хӕдзарады министрад баххӕст кодта йӕ техникон базӕ ног ифтонгадӕй. 2021 азы уагдоны къухы бафтыд ноджы 42 иууӕджы, фехъусын кодта Sputnik министрады кусӕг Мулдарты Игорь.

Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ. 

"Фыццаг хатт самал кодтам дуруидзӕн ӕмӕ картофӕфснайӕн машинӕ. Уымӕй размӕ нӕм уыд картофкъахӕн, фӕлӕ ног ифтонгад у егъаудӕр авналӕнтимӕ", - загъта уый.

Мулдарты Игоры ныхӕстӕм гӕсгӕ, ног техникӕйыл кусын бынӕттонтӕн амыдтой ӕрцӕуӕггаг специалисттӕ.

"Техникӕ цы амалиуӕгад рауагъта, уый кусджытӕ рцыдысты, ам бынаты сӕмбырд кодтой хъӕууонхӕдзарадон техникӕ ӕмӕ бацамыдтой бынӕттонтӕн сӕ куыст. Стӕй ма рӕстӕгӕй-рӕстӕгмӕ цӕудзысты ӕмӕ бӕлвырд кӕндзысты сӕ техникон уавӕр", - бафтыдта министрады кусӕг.

3