Цхинвалы ацӕудзӕн ленк кӕнынӕй турнир Республикӕйы бонмӕ

Цхинвалы ацӕудзӕн ленк кӕнынӕй турнир Республикӕйы бонмӕ

21
Ерысты старт нысангонд у 20 сентябры 10 сахатмӕ

ЦХИНВАЛ, 14 сен - Sputnik, Плиты Фатимӕ. Хуссар Ирыстоны ленк кӕныны федераци хоны Республикӕйы боны цытӕн турнирмӕ. Майдантыл тохы бацӕудзысты Хуссар ӕмӕ Цӕгат Ирыстоны спортсментӕ.

Ерысты старт нысангонд у 20 сентябры 10 сахатмӕ.

"Ӕнхъӕлмӕ кӕсӕм 200 архайӕгмӕ, сӕ нымӕцы Цӕгат Кавказы хӕххон-металлургон институты (СКГМИ) командӕ. Архайынц ӕхсӕз кары категори, чызджытӕ ӕмӕ лӕппутӕ дӕр хицӕнтӕй. Кары категоримӕ гӕсгӕ ерыстӕ цӕуынц ӕртӕ дистанцийыл - 25,50 ӕмӕ 100 метры сӕрибар стилы", - радзырдта Sputnik ленк кӕныны федерацийы хистӕр Евгения Терлеева.

Йӕ ныхӕстӕм гӕсгӕ, республикӕйы бонӕн нывонд турнир ссис ӕрвылазон традици.

"Турнир уадзӕм ӕрвылаз. Ерыстӕ сты рейтинг саразыны циклы сконды, сӕ фӕрцы бӕрӕг кӕнӕм спортсменты цӕттӕдзинад", - бафтыдта уый.

Тренер ма бафтыдта, радон ерыстӕ уыдзысты ӕртӕ мӕйы фӕстӕ, уый уыдзӕн республикӕйы чемпионат.

"Ноябры сывӕллӕтты турнир аивтам финансон фӕрӕзты цухдзинад ӕмӕ пандемийы аххосӕй. Уымӕ гӕсгӕ, ацы турниры фӕстӕ ерысты нывӕзт ӕрурӕмдзыстӕм ӕртӕ мӕйы ӕмгъуыдмӕ. Ӕнӕ уый та секциты куыст сӕрдыгон улӕфты фӕстӕ сног ис августӕй", - банысан кодта Евгения Терлеева. 

Ӕдӕппӕтӕй Хуссар Ирыстоны ленк кӕныны секциты архайы 550 сывӕллоны. Цхинвалы кусы дыууӕ бассейны - "Олимп" ӕмӕ "Дельфин".

21
РБМЦ сырх зонӕ

Хуссар Иры хицауад медиктӕн фиддонтӕн рахицӕн кодта 10 милуан сомӕй фылдӕр

2
(ранӕуӕггонд 16:09 16.09.2021)
Фӕрӕзтӕ рахицӕн кӕныны фӕдыл скъуыддзаг рахастӕуыд цыппӕрӕмы республикӕйы хицауады ӕнӕрадон рабадтыл

ЦХИНВАЛ, 16 сен - Sputnik. Хуссар Ирыстоны хицауад рахицӕн кодта йӕ фӕстауӕрцон фондӕй 10,2 милуан сомы сӕрмагонд социалон фиддонтӕн медиктӕн ӕмӕ ӕндӕр кусджытӕн коронавирусимӕ тохы тыххӕй, хъусын кӕны министрты кабинеты пресс-службӕ.

Скъуыддзаг рахастӕуыд хицауады ӕнӕрадон рабадтыл. Фӕрӕзтӕ байуӕрстой афтӕмӕй:

  • Республикон бирӕпрофилон медицинон центр 2021 азы 1 майӕ 31 августы онг периоды тыххӕй райсдзӕн 9 425 210 сомы
  • Дзауы районон рынчындон 1 апрелӕй 31 августы онг периодӕн райсдзӕн 350 750 сомы
  • Къуайсайы рынчындон 22 июнӕй 31 августы онг периодӕн райсдзӕн – 347 833 сомы
  • Знауыры районон рынчындон 1 июнӕй 31 августы онг периодӕн райсдзӕн – 79 250 сомы
  • Цхинвалы районы амбулаторон ӕххуысы центр 1 июлӕй 31 августы онг периодӕн райсдзӕн 73 750 сомы

Хицауады сӕрдар Бекъойты Геннадий бахӕс кодта Ӕнӕниздзинад хъахъхъӕнынады министрадӕн хъус дарын рахицӕнгонд фӕрӕзты хардз кӕнынмӕ ӕмӕ бавдисын Финансты министрадӕн хыгъдлӕвӕрд уый фӕдыл.

2
хъӕууонхӕдзарадон техникӕ

Хуссар Иры хъӕууон хӕдзарад баххӕст ис ног техникӕйӕ

3
(ранӕуӕггонд 16:09 16.09.2021)
Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ

ЦХИНВАЛ, 16 сен – Sputnik, Плиты Фатимӕ. Хуссар Ирыстоны хъӕууон хӕдзарады министрад баххӕст кодта йӕ техникон базӕ ног ифтонгадӕй. 2021 азы уагдоны къухы бафтыд ноджы 42 иууӕджы, фехъусын кодта Sputnik министрады кусӕг Мулдарты Игорь.

Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ. 

"Фыццаг хатт самал кодтам дуруидзӕн ӕмӕ картофӕфснайӕн машинӕ. Уымӕй размӕ нӕм уыд картофкъахӕн, фӕлӕ ног ифтонгад у егъаудӕр авналӕнтимӕ", - загъта уый.

Мулдарты Игоры ныхӕстӕм гӕсгӕ, ног техникӕйыл кусын бынӕттонтӕн амыдтой ӕрцӕуӕггаг специалисттӕ.

"Техникӕ цы амалиуӕгад рауагъта, уый кусджытӕ рцыдысты, ам бынаты сӕмбырд кодтой хъӕууонхӕдзарадон техникӕ ӕмӕ бацамыдтой бынӕттонтӕн сӕ куыст. Стӕй ма рӕстӕгӕй-рӕстӕгмӕ цӕудзысты ӕмӕ бӕлвырд кӕндзысты сӕ техникон уавӕр", - бафтыдта министрады кусӕг.

3