Евгений Соколовский

Бӕллын ам клип сисынмӕ: Евгений Соколовский йӕ фыццаг тӕлмӕнты тыххӕй Хуссар Ирӕй

12
(ранӕуӕггонд 12:39 14.09.2021)
Уӕрӕсейаг композитор ӕмӕ пианист дыццӕджы ралӕудзӕн Хуссар Ирыстоны Паддзахадон драмон театры сценӕйыл. Sputnik пресс-центры уый радзырдта Хуссар Ирыстонӕй йӕ фыццаг тӕлмӕнты тыххӕй

ЦХИНВАЛ, 14 сен – Sputnik, Козаты Диана. Зындгонд пианист, композитор Евгений Соколовский радзырдта йӕ пресс-конференцийы Sputnik, кӕй бӕллы сисын музыкалон видеоклип Хуссар Ирыстоны тыххӕй.

Музыкант ӕрцыд республикӕмӕ йӕ концертон программӕимӕ. Уый дыццӕджы ралӕудзӕн Хуссар Ирыстоны Паддзахадон драмон театры сценӕйыл ног театралон сезоны хӕдразмӕ.

"Мах нӕ фӕлмӕцӕм фӕлхатт кӕнын, хуссар Ирыстоны кӕй ис диссаджы ӕрдз. Бӕллын ам клип сисынмӕ. Сӕдӕ проценты уымӕн уыдзӕн стыр ӕнтыст. Уымӕн ӕмӕ мӕн фидарӕй уырны, иууыл хуыздӕр декорации кӕй у ӕрдз ", – загъта Соколовский.

Раздӕр паддзахадон театры директор Уалыты Мӕдинӕ банысан кодта, концерты кӕй айзӕлдзысты куыд Соколовскийӕн йӕхи уацмыстӕ, афтӕ стыр композитортӕ – Бах, Бетховен ӕмӕ Вивальдийы композицитӕ дӕр.

Евгений Соколовский - композитор, пианист, виртуоз, ӕхсӕнадӕмон фортепианон конкурстӕ ӕмӕ фестивальты бирӕ хаттыты лауреат. У Уӕрӕсейы музыкалон цӕдис ӕмӕ Уӕрӕсейаг авторон ӕхсӕнады уӕнг. Уый йӕ курдиатӕй балхӕдта канд Уӕрӕсейы меломанты зӕрдӕтӕ нӕ, фӕлӕ ма йын йе сфӕлдыстад уарзынц Европӕ ӕмӕ Азийы дӕр.

12
Цхинвал

Фондз ФТЦ ӕмӕ цыппар хъыгдардбаййафӕджы: МХМ радзырдтой къуырийы уавӕры тыххӕй

2
(ранӕуӕггонд 14:38 27.09.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 27 сен — Sputnik. Хуссар Ирыстоны фӕндӕгтыл ивгъуыд къуыри ӕрцыд фондз аварийы, кӕцыты фӕстиуӕгӕн бахъыгдард сты цыппар адӕймаджы. Уый тыххӕй къуырисӕры фехъусын кодта республикӕйы Мидхъуыддӕгты министрады (МХМ) пресс-службӕ.

Афтӕ ма Паддзахадон автоинспекцийы кусджытӕ сбӕрӕг кодтой фӕндагон змӕлды 196 фӕткхалды.

"Цыппар шофыры фӕдыл сарӕзтӕуыд административон протоколтӕ хӕдтулгӕ нозтджынӕй скъӕрыны тыххӕй", - банысан кодтой пресс-службӕйы.

Уагдоны бафтыдтой, зӕгъгӕ, иу къуыримӕ республикӕйы территорийыл регистрацигонд ӕрцыд иу фыдракӕнд, кӕцы раргом кодтой мидхъуыддӕгты органтӕ. Алыгъуызон фӕткхӕлдты тыххӕй бӕрнмӕ ӕрбаздахтой цалдӕр адӕймаджы, уыдонӕй иуы – наркотикон фӕрӕзтӕй ӕнӕзаконон пайда кӕныны тыххӕй.

2
Аграрон хӕдзарад Южной сад ныссадздзӕн фӕткъуыйы ног хуызтӕ

Аграрон хӕдзарад "Южной сад" ныссадздзӕн фӕткъуыйы ног хуызтӕ

3
(ранӕуӕггонд 15:10 27.09.2021)
Цъунары хъӕуы уӕвӕг дыргъдоны фӕзындзӕн фӕткъуыйы ног хуызтӕ, ныридӕгӕн дзы зайы Италийӕ ласт ӕртӕ хуызы

ЦХИНВАЛ, 27 окт - Sputnik, Плиты Фатимæ. Аграрон хӕдзарад "Южной сад" уалдзӕджы ныссадздзӕн фӕткъуыйы ног хуызтӕ. Дыргъдӕттӕм бафтдзӕн уӕлӕмхас ноджы 33 гектары зӕххытӕ, фехъусын кодта Sputnik хӕдзарады директор Бекъойты Леван.

"Уалдзӕджы ӕрбалӕугӕ азы хӕдзарад ныссадздзӕн фӕткъуыйы ног хуызтӕ. Нӕ дыргъдӕтты территори фӕуӕрӕх уыдзӕн ноджы 30 гектарӕй фылдӕр", - загъта Бекъойты Леван.

"Южный сад" у Хуссар Ирыстоны территорийыл аграрон инвестпроекты ӕвӕрццӕг дӕнцӕг. 2020 азы арвыста 350 тоннӕйы фӕткъуы фӕсарӕнты базармӕ.

Уыимӕ иумӕ ма хӕдзарад лӕггад кӕны йӕ тыллӕгӕй скъолатӕн, сабидӕттӕн ӕмӕ уагдӕттӕн. Ӕрвыл фӕззӕг фӕткъуы байуарынц ӕнӕаргъӕй банысангонд уагдӕтты. 

Уӕрӕсейаг инвесторы фӕрӕзтӕй фӕткъуыты хӕдзарад сарӕзтӕуыд 2019 уалдзӕджы Хуссар Ирыстоны Цхинвалы районы Цъунары хъӕуы. Ӕртӕ сорты фӕткъуыбӕлӕсты талатӕ ӕрластой Италийӕ ӕмӕ сӕ ныссагътой 50 гектары территорийыл.

3