Арӕнгӕрон зонӕ

Хуссар Иры арӕнхалджыты нымӕц иу мӕймӕ дыууӕ хатт фӕфылдӕр ПӔК

17
(ранӕуӕггонд 13:42 14.09.2021)
Хуссар Ирыстоны Арӕнгӕрон службӕ августы ӕрурӕдта дыууӕ хатт фылдӕр арӕнхалджыты ивгъуыд мӕймӕ абаргӕйӕ

ЦХИНВАЛ, 14 сен - Sputnik. Хуссар Ирыстоны паддзахадон арӕныл августы ӕрурӕдтой 38 арӕнхалӕджы, уыдонӕй 14 фехӕлдтой паддзахадон арӕны режим ӕмӕ 24 та арӕнгӕрон режим, хъусын кӕны республикӕйы Паддзахадон ӕдасдзинады комитеты (ПӔК) пресс-службӕ. Мӕй раздӕр, июлы, ПӔК Арӕнгӕрон службӕ ӕрурӕдта 19 арӕнхалӕджы.

"Административон ивар фӕкодтой 22 адӕймаджы, 4 адӕймаджы феддӕдуар кодтой РХИ территорийӕ ӕнӕ иварон санкцитӕй, 10 арӕнхалӕджы бафӕдзӕхстой, дыууӕ адӕймаджы фӕдыл та бакодтой уголовон хъуыддӕгтӕ", - хъусын кӕны уагдоны пресс-службӕ.

ПӔК зӕрдыл ӕрбалӕууын кодтой, адӕммӕ кӕй хъуамӕ уой бӕлвырдгӕнӕн документтӕ Хуссар Ирыстоны арӕнгӕрон зонӕйы куы уой, уӕд.

17
Цхинвал

Фондз ФТЦ ӕмӕ цыппар хъыгдардбаййафӕджы: МХМ радзырдтой къуырийы уавӕры тыххӕй

2
(ранӕуӕггонд 14:38 27.09.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 27 сен — Sputnik. Хуссар Ирыстоны фӕндӕгтыл ивгъуыд къуыри ӕрцыд фондз аварийы, кӕцыты фӕстиуӕгӕн бахъыгдард сты цыппар адӕймаджы. Уый тыххӕй къуырисӕры фехъусын кодта республикӕйы Мидхъуыддӕгты министрады (МХМ) пресс-службӕ.

Афтӕ ма Паддзахадон автоинспекцийы кусджытӕ сбӕрӕг кодтой фӕндагон змӕлды 196 фӕткхалды.

"Цыппар шофыры фӕдыл сарӕзтӕуыд административон протоколтӕ хӕдтулгӕ нозтджынӕй скъӕрыны тыххӕй", - банысан кодтой пресс-службӕйы.

Уагдоны бафтыдтой, зӕгъгӕ, иу къуыримӕ республикӕйы территорийыл регистрацигонд ӕрцыд иу фыдракӕнд, кӕцы раргом кодтой мидхъуыддӕгты органтӕ. Алыгъуызон фӕткхӕлдты тыххӕй бӕрнмӕ ӕрбаздахтой цалдӕр адӕймаджы, уыдонӕй иуы – наркотикон фӕрӕзтӕй ӕнӕзаконон пайда кӕныны тыххӕй.

2
Аграрон хӕдзарад Южной сад ныссадздзӕн фӕткъуыйы ног хуызтӕ

Аграрон хӕдзарад "Южной сад" ныссадздзӕн фӕткъуыйы ног хуызтӕ

3
(ранӕуӕггонд 15:10 27.09.2021)
Цъунары хъӕуы уӕвӕг дыргъдоны фӕзындзӕн фӕткъуыйы ног хуызтӕ, ныридӕгӕн дзы зайы Италийӕ ласт ӕртӕ хуызы

ЦХИНВАЛ, 27 окт - Sputnik, Плиты Фатимæ. Аграрон хӕдзарад "Южной сад" уалдзӕджы ныссадздзӕн фӕткъуыйы ног хуызтӕ. Дыргъдӕттӕм бафтдзӕн уӕлӕмхас ноджы 33 гектары зӕххытӕ, фехъусын кодта Sputnik хӕдзарады директор Бекъойты Леван.

"Уалдзӕджы ӕрбалӕугӕ азы хӕдзарад ныссадздзӕн фӕткъуыйы ног хуызтӕ. Нӕ дыргъдӕтты территори фӕуӕрӕх уыдзӕн ноджы 30 гектарӕй фылдӕр", - загъта Бекъойты Леван.

"Южный сад" у Хуссар Ирыстоны территорийыл аграрон инвестпроекты ӕвӕрццӕг дӕнцӕг. 2020 азы арвыста 350 тоннӕйы фӕткъуы фӕсарӕнты базармӕ.

Уыимӕ иумӕ ма хӕдзарад лӕггад кӕны йӕ тыллӕгӕй скъолатӕн, сабидӕттӕн ӕмӕ уагдӕттӕн. Ӕрвыл фӕззӕг фӕткъуы байуарынц ӕнӕаргъӕй банысангонд уагдӕтты. 

Уӕрӕсейаг инвесторы фӕрӕзтӕй фӕткъуыты хӕдзарад сарӕзтӕуыд 2019 уалдзӕджы Хуссар Ирыстоны Цхинвалы районы Цъунары хъӕуы. Ӕртӕ сорты фӕткъуыбӕлӕсты талатӕ ӕрластой Италийӕ ӕмӕ сӕ ныссагътой 50 гектары территорийыл.

3