РХИ театр

Хуссар Иры театры кусджытӕ сӕ квалификаци фӕбӕрзонддӕр кӕндзысты Мӕскуыйы

13
(ранӕуӕггонд 12:44 15.09.2021)
Культурон уагдоны директор Уалыты Мӕдинӕйы ныхӕстӕм гӕсгӕ, кусджытӕ ахуыр кӕндзысты скъолайы, кӕцы цӕттӕ кӕны театралон аивады менеджерты

ЦХИНВАЛ, 15 сен – Sputnik, Козаты Диана. Хуссар Ирыстоны Паддзахадон драмон театры кусджытӕ сӕ квалификации фӕбӕрзонддӕр кӕндзысты Г. Дадамяны номыл сценӕйон аивады архайджыты Уӕлдӕр скъолайы Мӕскуыйы, фехъусын кодта пресс-конференцийы Sputnik театры директор Уалыты Мӕдинӕ.

Сценӕйон аивады архайджыты Уӕлдӕр скъола – Уӕрӕсейы фыццаг ӕнӕпаддзахадон ахуырадон уагдон, кӕцы цӕттӕ кӕны менеджерты культурӕйы къабазы. Бындур ын ӕрӕвӕрдта 1988 азы профессор, Уӕрӕесйы аивӕдты сгуыхт архайӕг Геннадий Дадамян.

"Дадамяны номыл скъола ныр 34 азы дӕргъы цӕттӕ кӕны театралон аивӕдты менеджерты. Уыдон сты адӕм, кӕцытӕ хъуамӕ организации кӕной сфӕлдыстадон процесс, бӕрӕг кӕной, куыд хъуамӕ рӕза театр нырыккон уавӕрты. Уым ахуыр кӕнынц театрты архайгӕ директортӕ, арт-менеджертӕ, пиаргӕнджытӕ", – банысан кодта Уалион.

Мадина Валиева
© Sputnik / Natalia Airiyan
РХИ театры директор Уалыты Мӕдинӕ

Йӕ ныхӕстӕм гӕсгӕ, фидӕнмӕ театры къухдариуӕг хъавы арвитын йӕ кусджыты сӕ квалификации фӕбӕрзонддӕр кӕнынмӕ факультет "Заведующий постановочной частью"-мӕ.

"Нырыккон театр – фадӕтты театр. Уый чысыл ахызт стандарттӕй  ӕмӕ агуры йӕхи равдисыны ног формӕтӕ. Мах арвитдзыстӕм нӕ кусджыты, цӕмӕй уыдон ӕххӕстбӕрцӕй пайда кӕной нӕ театры фадӕттӕй", - балхынцъ кодта уагдоны директор.

13
Цхинвал

Фондз ФТЦ ӕмӕ цыппар хъыгдардбаййафӕджы: МХМ радзырдтой къуырийы уавӕры тыххӕй

2
(ранӕуӕггонд 14:38 27.09.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 27 сен — Sputnik. Хуссар Ирыстоны фӕндӕгтыл ивгъуыд къуыри ӕрцыд фондз аварийы, кӕцыты фӕстиуӕгӕн бахъыгдард сты цыппар адӕймаджы. Уый тыххӕй къуырисӕры фехъусын кодта республикӕйы Мидхъуыддӕгты министрады (МХМ) пресс-службӕ.

Афтӕ ма Паддзахадон автоинспекцийы кусджытӕ сбӕрӕг кодтой фӕндагон змӕлды 196 фӕткхалды.

"Цыппар шофыры фӕдыл сарӕзтӕуыд административон протоколтӕ хӕдтулгӕ нозтджынӕй скъӕрыны тыххӕй", - банысан кодтой пресс-службӕйы.

Уагдоны бафтыдтой, зӕгъгӕ, иу къуыримӕ республикӕйы территорийыл регистрацигонд ӕрцыд иу фыдракӕнд, кӕцы раргом кодтой мидхъуыддӕгты органтӕ. Алыгъуызон фӕткхӕлдты тыххӕй бӕрнмӕ ӕрбаздахтой цалдӕр адӕймаджы, уыдонӕй иуы – наркотикон фӕрӕзтӕй ӕнӕзаконон пайда кӕныны тыххӕй.

2
Аграрон хӕдзарад Южной сад ныссадздзӕн фӕткъуыйы ног хуызтӕ

Аграрон хӕдзарад "Южной сад" ныссадздзӕн фӕткъуыйы ног хуызтӕ

3
(ранӕуӕггонд 15:10 27.09.2021)
Цъунары хъӕуы уӕвӕг дыргъдоны фӕзындзӕн фӕткъуыйы ног хуызтӕ, ныридӕгӕн дзы зайы Италийӕ ласт ӕртӕ хуызы

ЦХИНВАЛ, 27 окт - Sputnik, Плиты Фатимæ. Аграрон хӕдзарад "Южной сад" уалдзӕджы ныссадздзӕн фӕткъуыйы ног хуызтӕ. Дыргъдӕттӕм бафтдзӕн уӕлӕмхас ноджы 33 гектары зӕххытӕ, фехъусын кодта Sputnik хӕдзарады директор Бекъойты Леван.

"Уалдзӕджы ӕрбалӕугӕ азы хӕдзарад ныссадздзӕн фӕткъуыйы ног хуызтӕ. Нӕ дыргъдӕтты территори фӕуӕрӕх уыдзӕн ноджы 30 гектарӕй фылдӕр", - загъта Бекъойты Леван.

"Южный сад" у Хуссар Ирыстоны территорийыл аграрон инвестпроекты ӕвӕрццӕг дӕнцӕг. 2020 азы арвыста 350 тоннӕйы фӕткъуы фӕсарӕнты базармӕ.

Уыимӕ иумӕ ма хӕдзарад лӕггад кӕны йӕ тыллӕгӕй скъолатӕн, сабидӕттӕн ӕмӕ уагдӕттӕн. Ӕрвыл фӕззӕг фӕткъуы байуарынц ӕнӕаргъӕй банысангонд уагдӕтты. 

Уӕрӕсейаг инвесторы фӕрӕзтӕй фӕткъуыты хӕдзарад сарӕзтӕуыд 2019 уалдзӕджы Хуссар Ирыстоны Цхинвалы районы Цъунары хъӕуы. Ӕртӕ сорты фӕткъуыбӕлӕсты талатӕ ӕрластой Италийӕ ӕмӕ сӕ ныссагътой 50 гектары территорийыл.

3