Сатихъар

Знауыры районы скъуыддзаг кӕнынц Сихиаты хъӕуы цӕрджыты проблемӕ

27
(ранӕуӕггонд 14:41 15.09.2021)
Донифтонгады проблемӕ у хуссарирыстойнаг хъӕуты сӕйрагдӕр проблемӕтӕй иу

ЦХИНВАЛ, 15 сен - Sputnik, Гӕбӕраты Элина. Знауыры районы Сихиаты хъӕуы уадзынц донифтонгады хӕххытӕ. Районон администрацийы пресс-службӕ куыд хъусын кӕны, афтӕмӕй хъӕуы адӕмӕн рагӕй уыд нуазыны доны цухдзинад.

Куыстытӕ уагъд цӕуынц районы администрацийы 2021 азы нывӕзтмӕ гӕсгӕ.

"Хъӕуы рагӕй уыд нуазыны донимӕ проблемӕ, уый фӕдыл адӕм дон кодтой ласгӕ. Ӕввахс фидӕны сын сараздзысты донифтонгад, куыстытӕ уый фӕдыл активонӕй уадзынц", - банысан кодта пресс-секретарь Оттаты Алена.

Йӕ ныхӕстӕм гӕсгӕ, хъӕуы ис доны суар, фӕлӕ къахӕй уырдӕм цӕуын у зын, сӕйраджыдӕр, хистӕр кары адӕмӕн.

"Сихиаты раздӕр уыд ӕртынӕй фылдӕр хӕдзары. Цӕрджытӕм уыд бирӕ хъӕууон хӕдзарадон продукци, куыстой колхозы дӕр. Ныр та хъӕуы цӕрынц ӕрмӕстдӕр ӕртӕ бинонтӕ", - загъта Оттаты Алена.

Уый ма бафтыдта, зӕгъгӕ, районы администрацийы нывӕзты ис рауадзын дон районы ӕндӕр хъӕутӕм дӕр.

27
Цхинвал

Фондз ФТЦ ӕмӕ цыппар хъыгдардбаййафӕджы: МХМ радзырдтой къуырийы уавӕры тыххӕй

2
(ранӕуӕггонд 14:38 27.09.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 27 сен — Sputnik. Хуссар Ирыстоны фӕндӕгтыл ивгъуыд къуыри ӕрцыд фондз аварийы, кӕцыты фӕстиуӕгӕн бахъыгдард сты цыппар адӕймаджы. Уый тыххӕй къуырисӕры фехъусын кодта республикӕйы Мидхъуыддӕгты министрады (МХМ) пресс-службӕ.

Афтӕ ма Паддзахадон автоинспекцийы кусджытӕ сбӕрӕг кодтой фӕндагон змӕлды 196 фӕткхалды.

"Цыппар шофыры фӕдыл сарӕзтӕуыд административон протоколтӕ хӕдтулгӕ нозтджынӕй скъӕрыны тыххӕй", - банысан кодтой пресс-службӕйы.

Уагдоны бафтыдтой, зӕгъгӕ, иу къуыримӕ республикӕйы территорийыл регистрацигонд ӕрцыд иу фыдракӕнд, кӕцы раргом кодтой мидхъуыддӕгты органтӕ. Алыгъуызон фӕткхӕлдты тыххӕй бӕрнмӕ ӕрбаздахтой цалдӕр адӕймаджы, уыдонӕй иуы – наркотикон фӕрӕзтӕй ӕнӕзаконон пайда кӕныны тыххӕй.

2
Аграрон хӕдзарад Южной сад ныссадздзӕн фӕткъуыйы ног хуызтӕ

Аграрон хӕдзарад "Южной сад" ныссадздзӕн фӕткъуыйы ног хуызтӕ

3
(ранӕуӕггонд 15:10 27.09.2021)
Цъунары хъӕуы уӕвӕг дыргъдоны фӕзындзӕн фӕткъуыйы ног хуызтӕ, ныридӕгӕн дзы зайы Италийӕ ласт ӕртӕ хуызы

ЦХИНВАЛ, 27 окт - Sputnik, Плиты Фатимæ. Аграрон хӕдзарад "Южной сад" уалдзӕджы ныссадздзӕн фӕткъуыйы ног хуызтӕ. Дыргъдӕттӕм бафтдзӕн уӕлӕмхас ноджы 33 гектары зӕххытӕ, фехъусын кодта Sputnik хӕдзарады директор Бекъойты Леван.

"Уалдзӕджы ӕрбалӕугӕ азы хӕдзарад ныссадздзӕн фӕткъуыйы ног хуызтӕ. Нӕ дыргъдӕтты территори фӕуӕрӕх уыдзӕн ноджы 30 гектарӕй фылдӕр", - загъта Бекъойты Леван.

"Южный сад" у Хуссар Ирыстоны территорийыл аграрон инвестпроекты ӕвӕрццӕг дӕнцӕг. 2020 азы арвыста 350 тоннӕйы фӕткъуы фӕсарӕнты базармӕ.

Уыимӕ иумӕ ма хӕдзарад лӕггад кӕны йӕ тыллӕгӕй скъолатӕн, сабидӕттӕн ӕмӕ уагдӕттӕн. Ӕрвыл фӕззӕг фӕткъуы байуарынц ӕнӕаргъӕй банысангонд уагдӕтты. 

Уӕрӕсейаг инвесторы фӕрӕзтӕй фӕткъуыты хӕдзарад сарӕзтӕуыд 2019 уалдзӕджы Хуссар Ирыстоны Цхинвалы районы Цъунары хъӕуы. Ӕртӕ сорты фӕткъуыбӕлӕсты талатӕ ӕрластой Италийӕ ӕмӕ сӕ ныссагътой 50 гектары территорийыл.

3