Хуссар Иры президент ӕрсидт активон хайад райсын УФ Паддзахадон думӕмӕ ӕвзӕрстыты

© Sputnik / Natalia Airiyan Бибылты Анатолий
Бибылты Анатолий - Sputnik Хуссар Ирыстон, 1920, 17.09.2021
Рафыссын
Республикӕйы цӕрджыты 90 процентӕй фылдӕрӕн, хуссарирыстойнагӕр дарддӕр ма ис уӕрӕсейаг ӕмбӕстӕгад дӕр, ӕмӕ сӕ бон у хайад райсын Уӕрӕсейы парламентмӕ ӕвзӕрстыты
ЦХИНВАЛ, 17 сен - Sputnik. Хуссар Ирыстоны президент Бибылты Анатолий ӕрсидт Уӕрӕсейы ӕмбӕстӕгтӕм, кӕцытӕ цӕрынц республикӕйы, активон хайад райсын УФ Паддзахадон думӕмӕ ӕвзӕрстыты.
Паддзахадон думӕмӕ ӕвзӕрстытӕ - Sputnik Хуссар Ирыстон, 1920, 15.09.2021
Ӕвзӕрстытӕ цӕуынц активонӕй: УФ минӕварад Хуссар Иры хъӕлӕсдӕттыны тыххӕй
Хицауадон рабадтыл, кӕцы цыд паддзахады сӕргълӕууӕджы къухдариуӕгады бын, Бибылты Анатолий зӕрдыл ӕрбалӕууын кодта Уӕрӕсейы ахсджиаг бынаты тыххӕй Хуссар Ирыстоны райрӕзты.
"Уырны мӕ, Уӕрӕсейы алкӕцы ӕмбӕстаджы хӕс дӕр кӕй у ӕрбацӕуын ӕвзарӕн фадыгмӕ ӕмӕ схъӕлӕс кӕнын. Мах зонӕм, нӕ республикӕйы алкӕцы къабазы дӕр Уӕрӕсейӕн кӕй ис ахсджиаг бынат. Мах бузныг стӕм политикон къухдариуӕгад ӕмӕ уӕрӕсейӕгтӕн, кӕцытӕ иууыл уӕззаудӕр период фервӕзын кодтой нӕ адӕмы", - загъта Бибылты Анатолий.
Президент бахӕс кодта министртӕ ӕмӕ уагдӕтты разамонджытӕн сорганизаци кӕнын сӕ коллективты ӕмбарынгӕнӕн куыст ацы ӕвзӕрстыты нысаниуӕджы тыххӕй, афтӕ ма ӕрсидт республикӕйы ӕхсӕнадмӕ активон хайад райсын хъӕлӕсдӕттыны.
Паддзахадон думӕмӕ депутатты ӕвзӕрстыты хъӕлӕс кӕныны фадат ис Уӕрӕсейы ӕмбӕстӕгтӕн, кӕцытӕ цӕрынц Хуссар Ирыстоны, 17, 18 ӕмӕ 19 сентябры ӕвзарӕн фадгуыты, кӕцытӕ гом уыдзысты куыд столицӕйы, афтӕ республикӕйы районты дӕр.
Ног хабӕртты лентӕ
0