сабиты фӕзуат

Хуссар Иры столицӕйы Гафезы уынгыл фӕсивӕд сараздзӕн сабиты фӕзуат

38
(ранӕуӕггонд 16:34 23.09.2021)
Сывӕллӕттӕн хиирхӕфсӕн фӕзуаты арӕзтад рагӕй уыд нывӕзтгонд, фӕлӕ ныффӕстиат ис объективон аххосӕгтӕм гӕсгӕ. Ныр ӕй ныфс дӕттынц дыууӕ мӕйы ӕмгъуыдмӕ сцӕттӕ кӕнын

ЦХИНВАЛ, 23 сен - Sputnik, Плиты Фатимӕ. Хуссар Ирыстоны сӕйраг сахары Гафезы уынджы 16-ӕм ӕмӕ 16-ӕм А хӕдзары хсӕн сывӕллӕтты фӕзуаты арӕзтад фӕуыдзӕн 20 ноябрьмӕ, фехъусын кодта Sputnik проекты ӕмавтор Габатты Альберт.

Арӕзтад цӕуы фӕсивӕдон политикӕ ӕмӕ спорты комитеты грантон конкурсы хӕрдзтӕй. 2019 азы хуыздӕр проектыл банымадтой Плиты Андрей, Габатты Альберт ӕмӕ Мамиты Григорийы фӕнд Гафезы уынджы сабитӕн хъазӕн фӕзуаты саразыны фӕдыл. Автортӕй иу - Плиты Андрей трагикон ӕгъдауӕй фӕмард. Хъуыддаг дарддӕр кӕнынц ӕмавтортӕ, ӕххуыс сын кӕны Андрейы ӕфсымӕр дӕр.

"Ныффӕстиат нын ис сывӕллӕтты фӕзуаты арӕзтад. Фыццаг аххосаг уыд пандеми, стӕй та фӕрӕзты рахицӕн кӕнынимӕ сӕвзӕрд проблемӕтӕ. Ацы азы райдианы райстам гранты 300 мин сомы. Фӕзуаты ифтонгады иу хай ӕрхӕццӕ ис Дзӕуджыхъӕумӕ ныридӕгӕн", - загъта Габатты Альберт.

Йӕ ныхӕстӕм гӕсгӕ, уыдон 300 мин сомӕй архайынц куыд хуыздӕр ифтонгад равзарыныл, цӕмӕй фӕзуат уа гъӕдджын ӕмӕ ӕдас. 

"20 ноябрьмӕ хъуамӕ ӕппӕт дӕр саразӕм. Знауыры районы разамынад та нын ныфс радта сырх змис раласынӕй фӕзуатмӕ", - бафтыдта проекты ӕмавтор.

Сывӕллӕтты хиирхӕфсӕн фӕзуатмӕ рагӕй ӕнхъӕлмӕ кӕсынц районы цӕрджытӕ дӕр.

"Рагӕй ӕнхъӕлмӕ кӕсӕм. Нӕхӕдӕг фӕзуаты бацӕттӕ кодтам, фӕкаст нӕм горӕты администраци дӕр. Ныр ма нӕ каст у лӕппутӕм, цӕмӕй уыдон цы ныфс бавӕрдтой, уый сӕххӕст кӕной", - загъта районы цӕрӕг Хуыгаты Аведик.

38
Хуссар Иры фӕстаг хӕрзбон загътой номдзыд артисткӕ Галуанты Людмилайӕн

Хуссар Иры фӕстаг хӕрзбон загътой номдзыд артисткӕ Галуанты Людмилайӕн

24
(ранӕуӕггонд 16:03 22.10.2021)
Галуанты Людмила йӕ цардӕй ахицӕн 85-аздзыдӕй. Уый бавӕрдтой Хуссар Ирыстоны Националон пантеоны. Номдзыд артисткӕйӕн фӕстаг хӕрзбон загътой Паддзахадон драмон театры

ЦХИНВАЛ, 22 окт - Sputnik, Козаты Диана. Сӕдӕгай адӕм ӕрбацыдысты, цӕмӕй фӕстаг хӕрзбон зӕгъой Хуссар Ирыстоны Адӕмон артисткӕ Галуанты Людмилайӕн. Номдзыд актрисӕ, ирон интеллигенцийы ирд минӕварӕн майрӕмбоны загътой фӕстаг хӕрзбон.

Похороны Людмилы Галавановой
© Sputnik / Natalia Airiyan
Хуссар Иры фӕстаг хӕрзбон загътой номдзыд артисткӕ Галуанты Людмилайӕн

Граждайнаг панихидӕ ацыд Паддзахадон драмон театры бӕстыхайы, кӕцыйы сценӕйыл Галуанты Людмила сӕххӕст кодта дӕсгай фӕлгонцтӕ. Йӕ фӕстаг фӕлгонц театры сценӕйыл уый сӕххӕст кодта спектакль "Ныййарӕджы кадӕг"-ы. Йӕ коллегӕты ныхӕстӕм гӕсгӕ, фӕстаг ӕзты уымӕн йӕ бӕллиц уыд ногӕй рахизын сценӕмӕ.

Похороны Людмилы Галавановой
© Sputnik / Natalia Airiyan
Хуссар Иры фӕстаг хӕрзбон загътой номдзыд артисткӕ Галуанты Людмилайӕн

Фыдохы митинг адарддӕр ис Театралон фӕзуатыл.

"Людмилайыл гӕнӕн ис бирӕ дзурын, фӕлӕ дзырдтӕ алыхатт дӕр фаг нӕ уыдзысты", - загъта актрисӕйы коллегӕ Къацты Филипп.

Ӕрӕмбырдуӕвджытӕ дзырдтой Галуанты Людмилайы поэтикон курдиаты тыххӕй, йӕ бӕрзонд граждайнаг позицийыл, йӕ хайбавӕрдыл Хуссар Ирыстоны паддзахаддзинады арӕзтадмӕ.

Хуссар Ирыстоны парламенты цалдӕр ӕрсидты депутат Кокойты Тарзаны ныхӕстӕм гӕсгӕ, Галуанты Людмилайы сфӕлдыстадон курдиат нырма хъӕуы сахуыр кӕнын, уымӕн ӕмӕ йын уыд диссаджы граждайнаг ӕмӕ ӕхсӕнадон позици.

Зындгонд актрисӕйӕн фӕстаг хӕрзбон зӕгъынмӕ ӕрбацыд республикӕйы къухдариуӕгад дӕр президент Бибылты Анатолийы сӕргълӕудӕй.

Паддзахады сӕргълӕууӕг бахахх кодта, Галуанты Людмила алкӕцы фӕлгонц дӕр ӕххӕст кодта бӕрзонд ӕмвӕзадыл.

Похороны Людмилы Галавановой
© Sputnik / Natalia Airiyan
Хуссар Иры фӕстаг хӕрзбон загътой номдзыд артисткӕ Галуанты Людмилайӕн

"Абон Галуанты Людмила сӕххӕст кодта сценӕйыл йӕ фӕстаг фӕлгонц. Фӕлгонц, кӕцы йын нӕ радта режиссер ӕмӕ йыл кӕцы нӕ фидауы. Фӕлӕ уӕззау низ нӕ радта фадат уымӕн сӕххӕст кӕнын фӕлгонц, кӕцыйы йын цӕттӕ кодтой йӕ 85 азы юбилеймӕ", - загъта президент.

Поэт Чехойты Александр бафарста тӕфӕрфӕсы телтӕ, кӕцытӕ ӕрбарвыстой оперон зарӕггӕнӕг Джиоты Вероника, кинорежиссер, актер, продюсер, зарӕггӕнӕг Салбиты Аким, Хуссар Ирыстоны минӕвар Уӕрӕсейы Гасситы Знауыр, Цӕгат Ирыстоны парламенты депутаттӕ, Мӕскуыйы ирон ӕхсӕнад, Цӕгат Ирыстоны академион театр ӕмӕ ӕндӕртӕ.

Похороны Людмилы Галавановой
© Sputnik / Natalia Airiyan
Хуссар Иры фӕстаг хӕрзбон загътой номдзыд артисткӕ Галуанты Людмилайӕн

Галуанты Людмилайы чырын хастой театры актертӕ. Йӕ фӕдыл айхъуыст Сагкаты Валерийы зарӕг "Мӕ Ирыстон", кӕцыйӕн ӕмдзӕвгӕ ныффыста Галуанты Людмила йӕхӕдӕг. Ацы уацмыс бирӕтӕ нымайынц бӕстӕйы ӕнӕофициалон гимныл.

Галуанты Людмила ахицӕн йӕ цардӕй 85-аздзыдӕй. Уый бавӕрдтой Хуссар Ирыстоны Националон пантеоны.

24

Хуссар Иры коронавирусӕй фӕрынчынуӕвджыты иумӕйаг нымӕц ахызт дыууӕ минӕй

19
(ранӕуӕггонд 13:39 22.10.2021)
Майрӕмбоны райсоммӕ уагдоны бӕрӕггӕнӕнтӕм гӕсгӕ, медикты хъусдарды бын сты 2036 пациенты, кӕцытыл бахӕцыд коронавирусон инфекци

 

ЦХИНВАЛ, 22 окт - Sputnik. Коронавирусӕй фӕрынчынуӕвджыты иумӕйаг нымӕц, кӕцытӕ сты Хуссар Ирыстоны дохтырты хъусдарды бын, майрӕмбонмӕйы бӕрӕггӕнӕнтӕм гӕсгӕ ахызт дыууӕ минӕй, фехъусын кодтой Sputnik Югосетпортебнадзоры. 

"Цыппӕрӕмы нӕ лабораторийы сарӕзтӕуыд 321 иртӕсты, уыдонӕй COVID-19 сбӕрӕг кодтой 81 адӕймагӕн. Дохтырты хъусдарды бын цы рынчынтӕ ис, уыдоны иумӕйаг нымӕц у 2036", - банысан кодтой уагдоны.

Югосетпотребнадзоры ма куыд фехъусын кодтой, афтӕмӕй ивгъуыд суткӕйы медицинон хыгъдӕй систой 40 пациенты.

Пандемийы райдайӕнӕй COVID-19 Хуссар Ирыстоны бахӕцыд 7986 адӕймагыл, сӕнӕниз сты 5950 пациенты. 

19
Гӕбӕраты Юрий

Гӕбӕраты Юрий Галуанты Людайы тыххӕй: уый уыд поэт-трибунӕ

0
(ранӕуӕггонд 13:24 24.10.2021)
Газет "Хурзӕирн"-ы сӕйраг редактор Гӕбӕраты Юрийы раныхас Галуанты Людмилайӕн фӕстаг харзбон зӕгъыны церемонийы
Гӕбӕраты Юрий: Галуанты Людмилайы хъуыд трибуна, цӕмӕй тох кодтаит

Фыдохы церемонийы раныхасы газет "Хурзӕрин"-ы сӕйраг редактор Галуанты Людмилайы схуыдта "нӕ нӕргӕ хох, нӕ цӕугӕ мӕсыг рафӕлдӕхт", кӕд ӕмӕ сылгоймагӕй афтӕ никуы фӕдзурынц, уӕддӕр.

"Людайы поэзи нӕ хъуыд, уый хъуыд ӕрмӕстдӕр трибуна, цӕмӕй йӕ наци, йӕ радтӕг адӕмы сӕрыл тох кодтаит, ӕмӕ йыл тох кодта, ӕцӕгӕй лӕугӕ мӕсыг ӕмӕ цӕугӕ хох куыд у, афтӕ", - загъта Гӕбӕраты Юрий.

Редактор куыд банысан кодта, уымӕ гӕсгӕ Людмила Графы чызг йӕ царды девизӕн равзӕрста Джыккайты Шамилы ныхӕстӕ: "Нӕхи йедтӕмӕ никӕй хъӕуӕм мах, нӕхӕдӕг та нӕ аууӕрдӕм нӕхиуыл".

"Уымӕн ӕмӕ йӕ зыдта, нӕхӕдӕг куыннӕ скӕуӕм нӕхиуыл, уӕд нӕ бӕсты ничи зӕгъдзӕн нӕ сӕрыл дӕр, ӕмӕ йын уымӕ гӕсгӕ йӕ поэзи схонӕм атфӕ: Люда уыд поэт-трибунӕ", - бафиппайдта Юрий.

Уый ма бафтыдта йӕ ныхасы, зӕгъгӕ, Галуанты Людмила ӕрмӕст "Ныййараджы кадӕг"-ы йедтӕмӕ куы никуы ахъазыдаид сценӕйыл, уӕддӕр уыд аккаг, цӕмӕй Иры дзыллӕтӕ ацы фӕзуаты ӕрбамбырд уыдаиккой.

0
Темӕтӕ:
Радио иронау