Карантин

Хуссар Иры ноджы ӕртӕ скъолайы бакодтой карантин

17
(ранӕуӕггонд 15:02 27.09.2021)
Уымӕй размӕ ӕнгӕс аххосӕгтӕм гӕсгӕ карантин бакодтой фӕндзӕм астӕуккаг скъолайы ӕмӕ 18 сабидоны

ЦХИНВАЛ, 27 сен - Sputnik, Плиты Фатимӕ. Хуссар Ирыстоны ноджы ӕртӕ скъола сӕхгӕдтой коронавирусы апарахаты аххосӕй. Ахуыры процесс ӕрурӕдтой Цхинвалы ӕхсӕзӕм ӕмӕ фарастӕм ӕмӕ Ленингоры районы Захъхъоры скъолаты, уый тыххӕй фехъусын кодта Sputnik ахуырады министрады кадрты хайады хистӕр Бекъойты Елена.

Уымӕй размӕ ӕнгӕс аххосӕгтӕм гӕсгӕ карантин бакодтой фӕндзӕм астӕуккаг скъолайы ӕмӕ 18 сабидоны.

"Карантин бакодтой 7 октябрьмӕ 6-ӕм, 9-ӕм ӕмӕ Захъхъоры скъолаты, фӕндзӕм скъола ӕхгӕд ӕрцыд раздӕр, уый йӕ куыст ӕрурӕдта 30 сентябрьмӕ",- загъта уый.

Йӕ ныхӕстӕм гӕсгӕ, кӕцыдӕр ахуырадон уагдӕтты та сӕхгӕдтой ӕрмӕст кълӕстӕ.

"Кълӕстӕ ӕхгӕд ӕрцыдысты гимназитӕ "Альбион" ӕмӕ Рухс"-ы, Аивӕдты лицейы, фыццӕгӕм, ӕртыккӕгӕм, дыууадӕсӕм скъолаты, стӕй ма Дзау, Мугут ӕмӕ Громы хъӕуы скъолаты", - бахахх кодта Бекъойты Елена.

Уый ма бафтыдта, уымӕй дарддӕр ма вирусӕй бахизыны нысанӕн тобӕтӕ архайы 18, 17, 16, 6 ӕмӕ 1-ӕм сабидӕтты.

Хуссар Ирыстоны фӕстаг рӕстӕджы фылдӕр кӕны коронавирусӕй рынчынты нымӕц, се 'хсӕн ис сывӕллӕттӕ дӕр. Югосетпотребнадзоры лабораториты майрӕмбон ӕмӕ сабаты сарӕзтӕуыд 582 иртӕсты, уыдонӕй COVID-19 сбӕрӕг кодтой 119 адӕймагӕн. Медикты хъусдарды бын ма сты 933 адӕймаджы

17
Хуссар Иры фӕстаг хӕрзбон загътой номдзыд артисткӕ Галуанты Людмилайӕн

Хуссар Иры фӕстаг хӕрзбон загътой номдзыд артисткӕ Галуанты Людмилайӕн

20
(ранӕуӕггонд 16:03 22.10.2021)
Галуанты Людмила йӕ цардӕй ахицӕн 85-аздзыдӕй. Уый бавӕрдтой Хуссар Ирыстоны Националон пантеоны. Номдзыд артисткӕйӕн фӕстаг хӕрзбон загътой Паддзахадон драмон театры

ЦХИНВАЛ, 22 окт - Sputnik, Козаты Диана. Сӕдӕгай адӕм ӕрбацыдысты, цӕмӕй фӕстаг хӕрзбон зӕгъой Хуссар Ирыстоны Адӕмон артисткӕ Галуанты Людмилайӕн. Номдзыд актрисӕ, ирон интеллигенцийы ирд минӕварӕн майрӕмбоны загътой фӕстаг хӕрзбон.

Похороны Людмилы Галавановой
© Sputnik / Natalia Airiyan
Хуссар Иры фӕстаг хӕрзбон загътой номдзыд артисткӕ Галуанты Людмилайӕн

Граждайнаг панихидӕ ацыд Паддзахадон драмон театры бӕстыхайы, кӕцыйы сценӕйыл Галуанты Людмила сӕххӕст кодта дӕсгай фӕлгонцтӕ. Йӕ фӕстаг фӕлгонц театры сценӕйыл уый сӕххӕст кодта спектакль "Ныййарӕджы кадӕг"-ы. Йӕ коллегӕты ныхӕстӕм гӕсгӕ, фӕстаг ӕзты уымӕн йӕ бӕллиц уыд ногӕй рахизын сценӕмӕ.

Похороны Людмилы Галавановой
© Sputnik / Natalia Airiyan
Хуссар Иры фӕстаг хӕрзбон загътой номдзыд артисткӕ Галуанты Людмилайӕн

Фыдохы митинг адарддӕр ис Театралон фӕзуатыл.

"Людмилайыл гӕнӕн ис бирӕ дзурын, фӕлӕ дзырдтӕ алыхатт дӕр фаг нӕ уыдзысты", - загъта актрисӕйы коллегӕ Къацты Филипп.

Ӕрӕмбырдуӕвджытӕ дзырдтой Галуанты Людмилайы поэтикон курдиаты тыххӕй, йӕ бӕрзонд граждайнаг позицийыл, йӕ хайбавӕрдыл Хуссар Ирыстоны паддзахаддзинады арӕзтадмӕ.

Хуссар Ирыстоны парламенты цалдӕр ӕрсидты депутат Кокойты Тарзаны ныхӕстӕм гӕсгӕ, Галуанты Людмилайы сфӕлдыстадон курдиат нырма хъӕуы сахуыр кӕнын, уымӕн ӕмӕ йын уыд диссаджы граждайнаг ӕмӕ ӕхсӕнадон позици.

Зындгонд актрисӕйӕн фӕстаг хӕрзбон зӕгъынмӕ ӕрбацыд республикӕйы къухдариуӕгад дӕр президент Бибылты Анатолийы сӕргълӕудӕй.

Паддзахады сӕргълӕууӕг бахахх кодта, Галуанты Людмила алкӕцы фӕлгонц дӕр ӕххӕст кодта бӕрзонд ӕмвӕзадыл.

Похороны Людмилы Галавановой
© Sputnik / Natalia Airiyan
Хуссар Иры фӕстаг хӕрзбон загътой номдзыд артисткӕ Галуанты Людмилайӕн

"Абон Галуанты Людмила сӕххӕст кодта сценӕйыл йӕ фӕстаг фӕлгонц. Фӕлгонц, кӕцы йын нӕ радта режиссер ӕмӕ йыл кӕцы нӕ фидауы. Фӕлӕ уӕззау низ нӕ радта фадат уымӕн сӕххӕст кӕнын фӕлгонц, кӕцыйы йын цӕттӕ кодтой йӕ 85 азы юбилеймӕ", - загъта президент.

Поэт Чехойты Александр бафарста тӕфӕрфӕсы телтӕ, кӕцытӕ ӕрбарвыстой оперон зарӕггӕнӕг Джиоты Вероника, кинорежиссер, актер, продюсер, зарӕггӕнӕг Салбиты Аким, Хуссар Ирыстоны минӕвар Уӕрӕсейы Гасситы Знауыр, Цӕгат Ирыстоны парламенты депутаттӕ, Мӕскуыйы ирон ӕхсӕнад, Цӕгат Ирыстоны академион театр ӕмӕ ӕндӕртӕ.

Похороны Людмилы Галавановой
© Sputnik / Natalia Airiyan
Хуссар Иры фӕстаг хӕрзбон загътой номдзыд артисткӕ Галуанты Людмилайӕн

Галуанты Людмилайы чырын хастой театры актертӕ. Йӕ фӕдыл айхъуыст Сагкаты Валерийы зарӕг "Мӕ Ирыстон", кӕцыйӕн ӕмдзӕвгӕ ныффыста Галуанты Людмила йӕхӕдӕг. Ацы уацмыс бирӕтӕ нымайынц бӕстӕйы ӕнӕофициалон гимныл.

Галуанты Людмила ахицӕн йӕ цардӕй 85-аздзыдӕй. Уый бавӕрдтой Хуссар Ирыстоны Националон пантеоны.

20

Хуссар Иры коронавирусӕй фӕрынчынуӕвджыты иумӕйаг нымӕц ахызт дыууӕ минӕй

15
(ранӕуӕггонд 13:39 22.10.2021)
Майрӕмбоны райсоммӕ уагдоны бӕрӕггӕнӕнтӕм гӕсгӕ, медикты хъусдарды бын сты 2036 пациенты, кӕцытыл бахӕцыд коронавирусон инфекци

 

ЦХИНВАЛ, 22 окт - Sputnik. Коронавирусӕй фӕрынчынуӕвджыты иумӕйаг нымӕц, кӕцытӕ сты Хуссар Ирыстоны дохтырты хъусдарды бын, майрӕмбонмӕйы бӕрӕггӕнӕнтӕм гӕсгӕ ахызт дыууӕ минӕй, фехъусын кодтой Sputnik Югосетпортебнадзоры. 

"Цыппӕрӕмы нӕ лабораторийы сарӕзтӕуыд 321 иртӕсты, уыдонӕй COVID-19 сбӕрӕг кодтой 81 адӕймагӕн. Дохтырты хъусдарды бын цы рынчынтӕ ис, уыдоны иумӕйаг нымӕц у 2036", - банысан кодтой уагдоны.

Югосетпотребнадзоры ма куыд фехъусын кодтой, афтӕмӕй ивгъуыд суткӕйы медицинон хыгъдӕй систой 40 пациенты.

Пандемийы райдайӕнӕй COVID-19 Хуссар Ирыстоны бахӕцыд 7986 адӕймагыл, сӕнӕниз сты 5950 пациенты. 

15
Кокойты Тарзан

Кокойты Тарзан: Галуанты Людайӕн иууыл диссаг уыд йе 'мбӕстагон позици

0
(ранӕуӕггонд 12:48 23.10.2021)
Парламенты раздӕры депутат, мидхъуыдтӕгты министры хӕдивӕг Кокойты Тарзаны раныхас Галуанты Людмилайӕн фӕстаг харзбон зӕгъыны церемонийы
Кокойты Тарзан: Галуанты Людайӕн иууыл диссаг уыд йӕ ӕмбӕстагон позици

Хуссар Ирыстоны аивад ӕмӕ интеллигенцийы минӕвӕрттӕ хӕрзбон загътой Адӕмон артисткӕ, поэт Галуанты Людмилайӕн. Фыдохы митинджы церемонийы Кокойты Тарзан йӕ раныхасы банысан кодта, Людмилайӕн йе сфӕлдыстадон курдиат нырма иртӕстгонд кӕй не ‘рцыд.

"Фӕлӕ иууыл диссаг уыд йӕ ӕмбӕстагон позици. Ирыстоны сӕрмӕ сау мигътӕ куы ‘ртымбыл сты, ӕмӕ ныл гадзрахатӕй куы рацыдысты алӕрдыгӕй дӕр, уӕд хъуыддаг цӕмӕ цӕуы, уый алчи не ‘мбӕрста. Фӕлӕ Галуанты Люда уыд, чи йӕ ‘мбӕрста, уыдонӕй", - загъта Кокойты Тарзан.

Тарзаны ныхӕстӕм гӕсгӕ, Галуанты Людмилайы фӕлтӕр сӕхиуыл банкъардтой ирон ӕвзаг, культурӕ ӕмӕ националон традициты дӕлдзиныг.

"Диссаг уыд йӕ ныфсхаст, парламенты кусгӕйӕ афтӕ дзырдта – ныфсхастдзинад дам у уӕлахизӕн йе ‘мбис", - банысан кодта Кокойты Тарзан.

Уый ма куыд бафиппайдта, афтӕмӕй Людмила Графы чызг ӕмбӕрста, сӕрибардзинад кӕй никуы вӕййы лӕварӕй дӕтгӕ.

0
Темӕтӕ:
Радио иронау