Тедеты Олеся

Хуссар Иры социалон фонды сæргъ слæууыд Тедеты Олеся

33
(ранӕуӕггонд 14:31 01.10.2021)
Скъуыддзаг рахастæуыд майрæмбоны хицауады рабатыл. Социалон фонды разамонæгæй снысаны размæ Тедеты Олеся куыста финансты министрады

ЦХИНВАЛ, 1 окт — Sputnik, Козаты Диана. Хуссар Ирыстоны хицауад сфидар кодта барамынд Тедеты Олесяйы республикæйы Социалон фонды разамонæджы бынатмæ снысан кæныны фæдыл.

Цыппæрæмы президент ссæрибар кодта Тасойты Азæйы Пенсион фонды хистæры бынатæй (августы уагдоны ном раивтой Социалон фондмæ).

Скъуыддзаг рахастæуыд майрæмбоны хицауады рабатыл. Социалон фонды разамонæгæй снысаны размæ Тедеты Олеся куыста финансты министрады.

Цыбыр биографион справкæ

Тедеты Олеся Тедеева райгуырд 1981 азы. 2004 азы каст фæцис ХИПУ-йы экономикæйы факультеты специальность "Финансы и кредит".

2017 æмæ 2020 æзты рацыд квалификаци фæбæрзонддæр кæныны курсытæ Цæгат Кавказы хæххон металлургон институт æмæ "Кабардино-Балкарский государственный университет имени Х.М. Бербекова"-йы.

Социалон фонды разамонæджы бынатмæ снысаны размæ куыста Хуссар Ирыстоны финансты министрады.

33
Сыбыраг кедр

Экологион организацийы хъӕппӕрисӕй Хуссар Иры садзынц сыбыраг кедртӕ

5
Талатӕ Хуссар Ирыстонӕн лӕвар кӕны уӕрӕсейаг змӕлд "Кедры России", бӕлӕстӕ дӕттынц тыллӕг ӕмӕ хорз сыгъдӕг кӕнынц уӕлдӕф

ЦХИНВАЛ, 25 окт - Sputnik, Плиты Фатимӕ. Хуссар Ирыстоны столицӕ ӕмӕ Цхинвалы районы ныссадздзысты сыбыраг кедртӕ. Бынӕттон экологион организаци "Зеленая Алания" талатӕ самал кодта Уӕрӕсейы егъау проект "Кедры России"-йы фӕрцы. 

"Зеленая Алания"-йы разамонӕг Габайты Зӕлинӕйы ныхӕстӕм гӕсгӕ, сыбыраг кедртӕ байуардзысты дыккаг ӕмӕ ӕхсӕзӕм скъолайыл, Цхинвалы район ӕмӕ хъӕды хӕдзарадыл. Уыдон развӕлгъау сарӕзтой заказ.

"Талатӕ сты гыццыл нырма ӕмӕ сӕм хъӕуы кӕсын. Уагдӕттӕй дарддӕр ма дзы ратдзыстӕм хицӕн адӕймӕгтӕн. Иумӕйагӕй та кедрӕн хъӕуы бирӕ бынат, алкӕцы газоны сын бынат нӕ фаг кӕны", - загъта Габайты Зӕлинӕ.

Уый ма бафтыдта, сыбыраг кедры ӕвӕрццаг ӕууӕлтӕй иу у уӕлдӕф тынг кӕй сыгъдӕг кӕны.

"Дӕтты тыллӕг дӕр, фӕлӕ уымӕй дарддӕр тынг бирӕ дӕтты туаггуыр",- бафтыдта уый.

Сыбираг кедртӕ экологион организаци "Зеленая Алания" ныридӕгӕн уары уагдӕттыл, ацы къуыри хъуамӕ 'рцӕуой сагъд.

5
ЛЭП

Хуссар Иры баззад ӕнӕ рухсӕй фӕстауӕрцон хаххыл куыстыты тыххӕй

7
Республикӕйы ӕмбисӕхсӕв ахицӕн кодтой электроэнерги цалцӕггӕнӕнӕн куыстыты тыххӕй

ЦХИНВАЛ, 25 окт - Sputnik. Хуссар Ирыстоны ахицӕн кодтой рухс къуырисӕры, 00.00 сахатӕй фӕстӕмӕ. Электроэнерги ахицӕн кодтой Хуссар Ирыстонмӕ электроифтонгады фӕстауӕрцон хаххыл арӕзтадон куыстыты тыххӕй.

Уый размӕ Паддзахадон унитарон куыстуат "Энергоресурс"-ы фехъусын кодтой, УФ Федералон хызӕгон компани уадзы куыстытӕ электроифтонгады уӕлӕмхасӕн хаххыл, кӕцы аиуварс кӕндзӕн арӕх авариты проблемӕ сӕйраг хаххыл зымӕгон период.

"Электроэнерги ахицӕн кӕндзысты къуырисӕры, 25 октябры, ӕмбисӕхсӕвӕй 19.00 сахаты онг", - банысан кодтой "Энергоресурс"-ы.

Мӕскуыйы фарон сентябры бафыстӕуыд бадзырд Хуссар Ирыстон ӕмӕ Уӕрӕсейы хицауадты хсӕн электроифтонгады хаххы фадыджы технологион ӕрбаиу кӕныны фӕдыл Ручъы тоннелы районы. Уӕлӕмхасӕн хахх фӕхуыздӕр кӕндзӕн Хуссар Ирыстоны энергосистемӕйы куыст. Йӕ арӕзтад уагъд цӕуы Инвестпограммӕйы фӕлгӕтты, проекты финанскӕнынад адих кодтой ӕртӕ азмӕ.

7