Къуайса

Уавӕр у стабилон: дохтыр коронавирусы тыххӕй Къуайсайы

32
(ранӕуӕггонд 11:08 14.10.2021)
Фӕстаг рӕстӕджы Цхинвалы бонӕй-бонмӕ фылдӕр кӕны коронавирусӕй рынчынты нымӕц. Ӕнӕниздзинад хъахъхъӕнынады министрад аскъуыддзаг кодта рауӕрӕх кӕнын "сырх зонӕ"

ЦХИНВАЛ, 14 окт - Sputnik, Плиты Фатимӕ. Хуссар Ирыстоны Дзауы районы горӕт Къуайсайы аст адӕймаджы коронавирусы инфекциимӕ хуыссынц стационарон уавӕрты, аннӕтӕ хос кӕнынц хӕдзӕртты. Горӕты рынчындоны сӕйраг дохтыры хӕстӕ ӕххӕстгӕнӕг Цхуырбаты Ульянайы ныхӕстӕм гӕсгӕ, коронавирусы фӕдыл уавӕр Къуайсайы у стабилон.

Фӕстаг рӕстӕджы Цхинвалы бонӕй-бонмӕ фылдӕр кӕны коронавирусӕй рынчынты нымӕц. Ӕнӕниздзинад хъахъхъӕнынады министрад аскъуыддзаг кодта рауӕрӕх кӕнын "сырх зонӕ".

"Къуайсайы коронавирусимӕ уавӕр у стабилон. 20 адӕймаджы бӕрц сты ӕдӕппӕт рынчын, уыдонӕй аст хуыссынц рынчындоны, аннӕтӕ хос кӕнынц хӕдзӕртты. Уымӕй размӕ рафыстам цыппар адӕймаджы, уыдонӕн сӕ тесттӕ равдыстой ӕвӕрццаг дзуапп, фӕлӕ сӕхи хатыдысты хорз ӕмӕ сӕ афыстам хӕдзӕрттӕм", - загъта Цхуырбаты Ульяна.

Йӕ ныхӕстӕм гӕсгӕ, коронавирус сбӕрӕг кӕныны фӕдыл тесттӕ исынц бынаты.

"Ам бынаты исӕм тесттӕ ӕмӕ сӕ ӕрвитӕм Цхинвалмӕ. Цас сӕ 'рдомӕм, уый бӕрц нын дӕттынц", - бафтыдта уый 

Медик ма бафиппайдта, Къуайсайы коронавирусы фӕдыл уавӕр нӕ фӕкарздӕр ис.

 

32
ЛЭП

Хуссар Иры баззад ӕнӕ рухсӕй фӕстауӕрцон хаххыл куыстыты тыххӕй

4
Республикӕйы ӕмбисӕхсӕв ахицӕн кодтой электроэнерги цалцӕггӕнӕнӕн куыстыты тыххӕй

ЦХИНВАЛ, 25 окт - Sputnik. Хуссар Ирыстоны ахицӕн кодтой рухс къуырисӕры, 00.00 сахатӕй фӕстӕмӕ. Электроэнерги ахицӕн кодтой Хуссар Ирыстонмӕ электроифтонгады фӕстауӕрцон хаххыл арӕзтадон куыстыты тыххӕй.

Уый размӕ Паддзахадон унитарон куыстуат "Энергоресурс"-ы фехъусын кодтой, УФ Федералон хызӕгон компани уадзы куыстытӕ электроифтонгады уӕлӕмхасӕн хаххыл, кӕцы аиуварс кӕндзӕн арӕх авариты проблемӕ сӕйраг хаххыл зымӕгон период.

"Электроэнерги ахицӕн кӕндзысты къуырисӕры, 25 октябры, ӕмбисӕхсӕвӕй 19.00 сахаты онг", - банысан кодтой "Энергоресурс"-ы.

Мӕскуыйы фарон сентябры бафыстӕуыд бадзырд Хуссар Ирыстон ӕмӕ Уӕрӕсейы хицауадты хсӕн электроифтонгады хаххы фадыджы технологион ӕрбаиу кӕныны фӕдыл Ручъы тоннелы районы. Уӕлӕмхасӕн хахх фӕхуыздӕр кӕндзӕн Хуссар Ирыстоны энергосистемӕйы куыст. Йӕ арӕзтад уагъд цӕуы Инвестпограммӕйы фӕлгӕтты, проекты финанскӕнынад адих кодтой ӕртӕ азмӕ.

4
Хуссар Иры фӕстаг хӕрзбон загътой номдзыд артисткӕ Галуанты Людмилайӕн

Хуссар Иры фӕстаг хӕрзбон загътой номдзыд артисткӕ Галуанты Людмилайӕн

24
(ранӕуӕггонд 16:03 22.10.2021)
Галуанты Людмила йӕ цардӕй ахицӕн 85-аздзыдӕй. Уый бавӕрдтой Хуссар Ирыстоны Националон пантеоны. Номдзыд артисткӕйӕн фӕстаг хӕрзбон загътой Паддзахадон драмон театры

ЦХИНВАЛ, 22 окт - Sputnik, Козаты Диана. Сӕдӕгай адӕм ӕрбацыдысты, цӕмӕй фӕстаг хӕрзбон зӕгъой Хуссар Ирыстоны Адӕмон артисткӕ Галуанты Людмилайӕн. Номдзыд актрисӕ, ирон интеллигенцийы ирд минӕварӕн майрӕмбоны загътой фӕстаг хӕрзбон.

Похороны Людмилы Галавановой
© Sputnik / Natalia Airiyan
Хуссар Иры фӕстаг хӕрзбон загътой номдзыд артисткӕ Галуанты Людмилайӕн

Граждайнаг панихидӕ ацыд Паддзахадон драмон театры бӕстыхайы, кӕцыйы сценӕйыл Галуанты Людмила сӕххӕст кодта дӕсгай фӕлгонцтӕ. Йӕ фӕстаг фӕлгонц театры сценӕйыл уый сӕххӕст кодта спектакль "Ныййарӕджы кадӕг"-ы. Йӕ коллегӕты ныхӕстӕм гӕсгӕ, фӕстаг ӕзты уымӕн йӕ бӕллиц уыд ногӕй рахизын сценӕмӕ.

Похороны Людмилы Галавановой
© Sputnik / Natalia Airiyan
Хуссар Иры фӕстаг хӕрзбон загътой номдзыд артисткӕ Галуанты Людмилайӕн

Фыдохы митинг адарддӕр ис Театралон фӕзуатыл.

"Людмилайыл гӕнӕн ис бирӕ дзурын, фӕлӕ дзырдтӕ алыхатт дӕр фаг нӕ уыдзысты", - загъта актрисӕйы коллегӕ Къацты Филипп.

Ӕрӕмбырдуӕвджытӕ дзырдтой Галуанты Людмилайы поэтикон курдиаты тыххӕй, йӕ бӕрзонд граждайнаг позицийыл, йӕ хайбавӕрдыл Хуссар Ирыстоны паддзахаддзинады арӕзтадмӕ.

Хуссар Ирыстоны парламенты цалдӕр ӕрсидты депутат Кокойты Тарзаны ныхӕстӕм гӕсгӕ, Галуанты Людмилайы сфӕлдыстадон курдиат нырма хъӕуы сахуыр кӕнын, уымӕн ӕмӕ йын уыд диссаджы граждайнаг ӕмӕ ӕхсӕнадон позици.

Зындгонд актрисӕйӕн фӕстаг хӕрзбон зӕгъынмӕ ӕрбацыд республикӕйы къухдариуӕгад дӕр президент Бибылты Анатолийы сӕргълӕудӕй.

Паддзахады сӕргълӕууӕг бахахх кодта, Галуанты Людмила алкӕцы фӕлгонц дӕр ӕххӕст кодта бӕрзонд ӕмвӕзадыл.

Похороны Людмилы Галавановой
© Sputnik / Natalia Airiyan
Хуссар Иры фӕстаг хӕрзбон загътой номдзыд артисткӕ Галуанты Людмилайӕн

"Абон Галуанты Людмила сӕххӕст кодта сценӕйыл йӕ фӕстаг фӕлгонц. Фӕлгонц, кӕцы йын нӕ радта режиссер ӕмӕ йыл кӕцы нӕ фидауы. Фӕлӕ уӕззау низ нӕ радта фадат уымӕн сӕххӕст кӕнын фӕлгонц, кӕцыйы йын цӕттӕ кодтой йӕ 85 азы юбилеймӕ", - загъта президент.

Поэт Чехойты Александр бафарста тӕфӕрфӕсы телтӕ, кӕцытӕ ӕрбарвыстой оперон зарӕггӕнӕг Джиоты Вероника, кинорежиссер, актер, продюсер, зарӕггӕнӕг Салбиты Аким, Хуссар Ирыстоны минӕвар Уӕрӕсейы Гасситы Знауыр, Цӕгат Ирыстоны парламенты депутаттӕ, Мӕскуыйы ирон ӕхсӕнад, Цӕгат Ирыстоны академион театр ӕмӕ ӕндӕртӕ.

Похороны Людмилы Галавановой
© Sputnik / Natalia Airiyan
Хуссар Иры фӕстаг хӕрзбон загътой номдзыд артисткӕ Галуанты Людмилайӕн

Галуанты Людмилайы чырын хастой театры актертӕ. Йӕ фӕдыл айхъуыст Сагкаты Валерийы зарӕг "Мӕ Ирыстон", кӕцыйӕн ӕмдзӕвгӕ ныффыста Галуанты Людмила йӕхӕдӕг. Ацы уацмыс бирӕтӕ нымайынц бӕстӕйы ӕнӕофициалон гимныл.

Галуанты Людмила ахицӕн йӕ цардӕй 85-аздзыдӕй. Уый бавӕрдтой Хуссар Ирыстоны Националон пантеоны.

24