Алантӕ

Петербурджы ауадздзысты ирон кинойы фестиваль

16
(ранӕуӕггонд 11:55 14.05.2018)
Фестиваль "Аланты историимӕ зонгӕдзинад" равдисдзӕн кӕсджытӕн кинонывтӕ Ирыстоны истори ӕмӕ культурӕйы тыххӕй

ЦХИНВАЛ, 14 май — Sputnik. Ирон кинойы фестиваль "Аланты историимӕ зонгӕдзинад" байгом уыдзӕн Санкт-Петербурджы 17 майы, хъусын кӕны 15 Регион. Мадзал уагъд цӕудзӕн нывӕзт "Ирыстоны бонтӕ Санкт-Петербурджы"-йы фӕлгӕтты.

Фестивалы уазджытӕ ӕмӕ хайадисджытӕ фендзысты документалон ӕмӕ аивадон кинонывтӕ, кӕцыты ӕхсӕн сты ахӕм лентӕтӕ: "Алантӕ. Фӕндаг ныгуылӕнмӕ", "Алантӕ. Ног фӕдзӕхст", "Китай. Аланты фӕд", "Крещендо. Стыр дирижертӕ чысыл Ирыстонӕй", "Дывӕр хуызист", "Чырыстийы хӕстытӕ" ӕмӕ "Цӕр ӕмӕ ӕмбул".

Фестивалы цытджын уазӕг уыдзӕн Цӕгат Ирыстоны кинематографистты цӕдисы сӕргълӕууӕг, режиссер, "Нарт-арт студи"-йы директор Туаты Темина.

16