Спартак Лагкуты

Ирон режиссеры фильм ссис æхсæнадæмон фестивалы архайæг Сербийы

28
Ӕртындæсæм фантастикон кинойы æхсæнадæмон кинофестивалæн хатдзæгтæ кæндзысты 17-æй 20 октябрьмæ Сербийы

ЦХИНВАЛ, 19 сен — Sputnik. Ирон режиссеры цыбырметрон киноныв "Домовой" ссис XII-æм фантастикон кинойы æхсæнадæмон кинофестивалы архайæг Сербийы, ныффыста Instagram йæ фарстыл йæ сфæлдисæг, Хуссар Ирыстоны сгуыхт артист Лагкуты Спартак.

Фильм фестивалы архайæг ссис развæлгъау равзæрст рацæугæйæ.

"Хæлæрттæ, ис нæм æхсызгон хæбæрттæ. Нæ фильм "Домовой", кæцы систа студи "Зона-Икс ТВ", рацыд æвзæрст æмæ ссис XII-æм фантастикон кинойы æхсæнадæмон фестивалы архайæг", - ныффыста режиссер.

Киноныв систой ивгъуыд аз.

Кинофестивалы президент у зындгонд сербаг продюсер, режиссер Мирослав Лакобрия, мадзал цæудзæн 17-æй 20 октябрьмæ.

Короткометражный фильм Домовой
Ирон режиссеры фильм ссис æхсæнадæмон фестивалы архайæг Сербийы
28
Саундпродюсер Скиф Бӕззаты

Ирон вокалисткӕ Shaanti ӕмӕ продюсер Skif рауагътой сӕ фыццаг зарӕг

207
(ранӕуӕггонд 11:56 02.06.2020)
Лирикон зарӕг "Between US" (Нӕ дыууӕйы хсӕн) саундпродюсер Бӕззаты Скиф рацарӕзта нырыккон клубон ӕууӕлтимӕ зарӕгмӕ

ЦХИНВАЛ, 2 июн - Sputnik, Плиты Фатимӕ. Продюсер Skif Bazzaty (Скиф Бӕззаты) ӕмӕ зарӕггӕнӕг Shaanti (Хъодалаты Мария) ныммыхуыр кодтой сӕ фыццаг зарӕг "Between US" (Нӕ дыууӕйы хсӕн), фехъуысын кодта Sputnik вокалисткӕ.

Саундпродюсер Скиф Баззаев
м
Shaanti (Хъодалаты Мария)

Зарӕгмӕ байхъусӕн ис ӕппӕт музыкалон фӕзуатты дӕр интернеты.

"Къуырисӕры рацыд нӕ фыццаг иумӕйаг зарӕг, ӕз дзы ралӕуыдтӕн вокалисткӕйӕ, Скиф та дзы райгуырын кодта ӕнӕнхъӕлӕджы ӕнахуыр зарӕг. Мӕ композици уыд уарзондзинадыл ӕмӕ уымӕ гӕсгӕ уыд сабыр, мелодикон. Уымӕй продюсер скодта радиойы зарӕг, клубон мелодийы ӕууӕлтимӕ", - загъта Хъодалаты Мария.

Йӕ ныхӕстӕм гӕсгӕ, сфӕлдыстадон тандемӕн уый йӕ иунӕг куыст нӕ уыдзӕн.

"Мах фӕнд кӕнӕм не 'мгуыстад адарддӕр кӕнын ӕмӕ ныффыссын ног зарджытӕ, сӕ нымӕцы ирон ӕвзагыл  дӕр. Скиф Бӕззаты у аив зӕлтимӕ кусыны дӕсны. Хъӕлӕс ныффыссын ХИПУ-йы студийы, дарддӕр ыл архайы уый", - бафтыдта чызг.

Хъодалаты Мария у Хуссар Ирыстоны паддзахадон университеты фӕсарӕйнӕг ӕвзӕгты факультеты студенткӕ. Фыссы зарджытӕ ӕмӕ музыкӕ. Йӕ зарджытӕй цалдӕримӕ ивгъуыд аз Цӕгат Ирыстоны телеуынынады конкурсы ралӕуыд ӕндӕр курдиатджын студенткӕ Джиоты Люба ӕмӕ райста сӕйраг призтӕй иу. Йӕхӕдӕг Хъодалаты Мария райста сфӕлдыстадон псевдоним Shaanti. 

Бӕззаты Скифимӕ ӕмгуыстадӕй дарддӕр ма чызг фыссы иумӕйаг альбом Джиоты Любаимӕ.

207
Хуссар Ирыстоны театр

Хуссар Ирыстоны театр сног кодта йӕ куыст карантины фӕстӕ

43
(ранӕуӕггонд 13:35 01.06.2020)
Культурон уагдон нырма кӕны мидӕггагон куыст, кӕсӕгӕн йӕ дуӕрттӕ бакӕндзӕн фӕстӕдӕр, фехъусын кодтой уагдоны пресс-службӕйы

ЦХИНВАЛ, 1 июн - Sputnik, Плиты Фатимӕ. Хуссар Ирыстоны паддзахадон драмон театр сног кодта йӕ куыст карантины фӕстӕ. Культурон уагдон нырма кӕны мидӕггагон куыст, кӕсӕгӕн йӕ дуӕрттӕ бакӕндзӕн фӕстӕдӕр, фехъусын кодтой Sputnik уагдоны пресс-службӕйы.

Театр кӕсӕгӕн ӕхгӕд у ныр ӕртӕ мӕйы бӕрц карантины тыххӕй.

"Ацы къуыри фесты ӕнӕкусгӕ бонтӕ, фӕлӕ уыимӕ иумӕ дарддӕр архайы тобӕ массон мадзӕлттӕ ауадзыны фӕдыл. Уавӕр хынцгӕйӕ къуырисӕры театр рахиздзӕн куыстмӕ. Ныридӕгӕн репетици райдайдзысты комеди "Ӕрра уарзт" (Любовь до потери памяти). Уӕрӕсейаг драматург Валентин Красногоровы ӕрмӕгыл кусы актерты къорд режиссер Чилӕхсаты Эдуарды разамындӕй", - загътой пресс-службӕйы.

Уым ма банысан кодтой, тобӕтӕ куы систой республикӕйы, уӕд театр дӕр цӕттӕ кӕй уыдзӕн кӕсӕджы ног комедийӕ барӕвдауынмӕ.

Чилӕхсаты Эдуардӕн Хуссар Ирыстоны паддзахадон драмон театры сценӕйыл ис бирӕ ӕнтыстджын куыстытӕ. Уыдонӕй иу у кӕсӕджы уарзон комеди "Сылгоймаг, нӕлгоймаг, мард, рудзынг".

Режиссер фылдӕр бӕрцӕй кусы артистты иу къордимӕ. Ацы хатт дӕр та фӕхуыдта йе 'мкурсонтӕ, Адӕмон артисттӕ Пӕррӕстаты Дмитрий ӕмӕ Бибылты Сосланы. Уымӕй дарддӕр ма пьесӕйы архайынц сгуыхт артисттӕ - Куымӕридтаты Батрадз, Натия Чохели ӕмӕ Харебаты Жан-Жак. Ног фӕлтӕрӕй сценӕйыл уыдзӕн ӕвзонг курдиатджын актрисӕ Бекъойты Зӕринӕ.

43

Цæгат Иры райдыдтой дæттын фиддонтæ медиктæн

0
(ранӕуӕггонд 15:54 04.06.2020)
Фиддонтæ райсдзысты коронавирусы инфекцийæ рынчын пациенттимæ чи архайы,уыцы медиктæ

ЦХИНВАЛ, 4 июн – Sputnik. Цæгат Ирыстоны коронавирусы инфекци парахат кæныны рæстæг чи фæллой кæны, уыцы медицинон кусджытæ райдыдтой æхцайы компенсацитæ исын, хъусын кæны 15 регион.

Иу хаттæн фиддонты бæрц у 68 мины 800 сомы

"Фиддонтæ æмбæлынц, инфекци лабораторон уагæй кæмæ раиртæстой, уыдонæн. Уымæй дарддæр, æхца исдзысты, сæрмагондæй коронавирусæй рынчын пациентты чи дзæбæх кодта, уыцы медицинон кусджытæ", - дзырдæуы хъусинаджы.

Хъусинаджы ма нысан æрцыд, медицинон кусæг кæд коронавирусы инфекцийæ амарди, уæд компенсаци бафиддзысты йæ бинонтæн.

0