Хуссар Иры паддзахадон драмон театр бакодта 88 сезон трагеди Фатимæ-йæ

Ног сезон: "Фатимæ" кæсæгæн æмæ къамисæн

49
(ранӕуӕггонд 14:42 27.09.2019)
Хуссар Иры паддзахадон театр ногæй бакодта сезон "Фатимæ"-йæ, сфæлдыстадон коллектив фæстæдæр бавдисдзæн дыууæ премьерæйы, фæлæ уал спектакль нырма рахастой адæм æмæ Къостайы премийы фæдыл къамисы æркастмæ

ЦХИНВАЛ, 27 сен – Sputnik, Плиты Фатимæ. Хуссар Иры паддзахадон драмон театр бакодта 88-æм сезон трагеди "Фатимæ"-йæ. Спектакль дыккаг аз у театры репертуары сæйраг уацмыс, фæлæ, бирæнымæц равдысттæм æнæкæсгæйæ, партер уыд йедзаг. Ӕхсæз сахатмæ æввахс адæм райдыдтой цæуын. Кулисæты актертæ рауай-бауай кодтой æввахс дыууæ сахаты цы фæлгонцты æмæ дарæсы цæрдзысты, уыдоны. Иууыл кæстæр архайæг - чысыл Дзамболат дæр та ногæй цæттæ кæны йæхи сценæмæ рахизынмæ.

"Мæ ахуыргæнæг Таугазты Дзерассæ мын бацамыдта хъазын сценæйыл. Ис мын фæлтæрдзинад – хъазын скъолайы спектакльты дæр. Тынг тæригъæд кæнын мæ сценæйон мад æмæ фыдæн", - зæгъы чысыл актер.

Спектакль Фатима в Государственном драматическом театре им. Коста Хетагурова
© Sputnik / Наталья Айриян
Хуссар Иры паддзахадон драмон театр бакодта 88 сезон трагеди "Фатимæ"-йæ

Фæссценæ актерты ансамбль театры разамынадимæ архайдтой сезон бакæныны традицитыл. Урс тæбæгъыл сырх дамгъæтæй раныв кодтой "88-æм сезон", чысыл фæстæ йæ цæлты зæлланг райхъуыст залмæ. Афтæ райдыдта театралон сезон коллективæн, æхсæнадæн æй цалдæр минут фæстæдæр фехъусын кодта уагдоны аивадон къухдариуæггæнæг, спектаклы режиссер Дзудцаты Тамерлан.

"Стыр бæрæгбон у Ирыстоны – кæнæм театралон 88-æм сезон. Дуне нысан кæны театры аз, махмæ та Хуссар Ирыстоны цæуы Къостайы аз. Скæндзыстæм æй гуырахстджын æмæ цымыдисон", - загъта Дзудцаты Тамерлан.

"Фатимæ" та ныр дæр æрæмбырд кодта едзаг зал, ивгъуыд сезоны уый бирæ хатт равдыстой, бирæтæ æрбацыдысты дыккаг хатт спектакль фенынмæ, кæцыдæртæн та уæд нæ фæцис фадат фенын спектакль.

Спектакль Фатима в Государственном драматическом театре им. Коста Хетагурова
© Sputnik / Наталья Айриян
Хуссар Иры паддзахадон драмон театр бакодта 88 сезон трагеди "Фатимæ"-йæ

"Трагедийæ тынг æппæлыдысты æмæ мæн дæр фæндыд йæ фенын, фæлæ мæм билет никуы бафтыд. "Фатимæ"-имæ алчидæр зонгæ у, чи бакаст æрмæг, чи та федта киноныв, цымыдис мæ кæны фенæн йæ интерпретаци сценæйыл", - дзуры залы бадæг Ӕлборты Светлана.

Хуссар Иры 2019 аз Къостайы номыл кæй цæуы, уый спектакльæн радта уæлæмхас тых. Ӕввахс бонты Ирыстон æмбæлдзæн ирон литературон æвзаджы бындурæвæрæг Хетæгкаты Къостайы райгуырды 160 азыл. Йæ райгуырæн бонмæ хатдзæгтæ скæндзæн Къостайы премийы фæдыл паддзахадон къамис. Премимæ претендентты нымæцы ис спектакль "Фатимæ" дæр, равдыст фенынмæ хуынд адæмы хсæн сты къамисы уæнгтæ æмæ йæ сæрдар - Джиоты Мурæт.

Спектакль Фатима в Государственном драматическом театре им. Коста Хетагурова
© Sputnik / Наталья Айриян
Хуссар Иры паддзахадон драмон театр бакодта 88 сезон трагеди "Фатимæ"-йæ

Æртыккаг дзæнгæрæджы фæстæ зал аныгъуылы тары. Ӕлборты Феликсы музыкæ, националон дарæс æмæ æндæр æнусы цард ахæссы кæсæджы Къостайы кавказаг поемæйы дунемæ. Режиссер ацы спектаклы куыстмæ æрбамбырд кодта аккагдæрты – сценæйы сæйраг рольты дыууæ адæмон артист Бибылты Сослан æмæ Пæррæстаты Дмитрийы. Фыццагæн вазыгжын фæлгонц актер радæтта йæхæдæг, дыккагæн сценæйы рæстæг уыд арæнæвæрд - Ибрагимы трагедимæ кæсæг фылдæр банкъары Фатимæ æмæ фыййæуты раныхастæй. Режиссер трагедийы бæллæхтæ сбаста мæсыгимæ. Йæ фыццаг сис фæлдæхы Наиб йæ æркæнгæ чызджы фæндон - цагъайрагæй смой кæнын куы базоны, уæд. Уый фæстæ иугай-дыггай кæлынц мæсыджы къултæ, режиссер кæсæджы рагацау фæдзæхсы радон фыдбылызæй.

Дыууæ сахаты бæрц зал æмырæй йæ хъус дардта сценæмæ. Спектаклы кæрон зал бузныг дзуры къахыллæугæйæ, сæйраг актерты рацыдимæ къухæмдзæгъд фæтынгдæр. Майрæмбоны та сценæйыл ногæй уыдзæн "Фатимæ". Уый фæстæ театр фæсиддзæн дыууæ ног премьерæмæ.

  • Хуссар Иры паддзахадон драмон театр бакодта 88 сезон трагеди Фатимæ-йæ
    Хуссар Иры паддзахадон драмон театр бакодта 88 сезон трагеди "Фатимæ"-йæ
    © Sputnik / Наталья Айриян
  • Хуссар Иры паддзахадон драмон театр бакодта 88 сезон трагеди Фатимæ-йæ
    Хуссар Иры паддзахадон драмон театр бакодта 88 сезон трагеди "Фатимæ"-йæ
    © Sputnik / Наталья Айриян
  • Хуссар Иры паддзахадон драмон театр бакодта 88 сезон трагеди Фатимæ-йæ
    Хуссар Иры паддзахадон драмон театр бакодта 88 сезон трагеди "Фатимæ"-йæ
    © Sputnik / Наталья Айриян
  • Хуссар Иры паддзахадон драмон театр бакодта 88 сезон трагеди Фатимæ-йæ
    Хуссар Иры паддзахадон драмон театр бакодта 88 сезон трагеди "Фатимæ"-йæ
    © Sputnik / Наталья Айриян
  • Хуссар Иры паддзахадон драмон театр бакодта 88 сезон трагеди Фатимæ-йæ
    Хуссар Иры паддзахадон драмон театр бакодта 88 сезон трагеди "Фатимæ"-йæ
    © Sputnik / Наталья Айриян
  • Хуссар Иры паддзахадон драмон театр бакодта 88 сезон трагеди Фатимæ-йæ
    Хуссар Иры паддзахадон драмон театр бакодта 88 сезон трагеди "Фатимæ"-йæ
    © Sputnik / Наталья Айриян
  • Хуссар Иры паддзахадон драмон театр бакодта 88 сезон трагеди Фатимæ-йæ
    Хуссар Иры паддзахадон драмон театр бакодта 88 сезон трагеди "Фатимæ"-йæ
    © Sputnik / Наталья Айриян
1 / 7
© Sputnik / Наталья Айриян
Хуссар Иры паддзахадон драмон театр бакодта 88 сезон трагеди "Фатимæ"-йæ
49
Хуссар Иры кафты коллектив Скиф рамбылдта Сочийы конкурс

Хуссар Иры кафты коллектив "Скиф" рамбылдта Сочийы конкурс

72
(ранӕуӕггонд 11:12 06.07.2020)
Сфӕлдыстадон коллектив архайдта конкурсы онлайн режимы. Къорд гран-прийы хицау баис хъаматимӕ кафты тыххӕй

ЦХИНВАЛ, 6 июл — Sputnik, Плиты Фатимӕ. Хуссар Ирыстоны Дзауы районы астӕуккаг скъолайы кафты коллектив "Скиф" рамбылдта ӕхсӕнадӕмон онлайн конкурс Сочийы "Битва танцоров". Уӕлахиздзауты райста районы разамонӕг, фехъусын кодтой Sputnik районы пресс-службӕйы кусӕг Тедеты Лиана.

Глава Дзауского района принял победителей онлайн фестиваля  по хореографии
Пресс-служба Дзауского района
Хуссар Иры кафты коллектив "Скиф" рамбылдта Сочийы конкурс

Сфӕлдыстадон коллектив архайдта конкурсы онлайн режимы. Къорд гран-прийы хицау баис хъаматимӕ кафтимӕ.

"Дзауы районы разамонӕг Джиоты Андрей райста уӕлахиздзауты командӕйы. Уый сын загъта хорз фӕндиӕгтӕ ӕмӕ сӕ схайджын кодта хорзӕхтӕй, радта сын лӕвӕрттӕ", - загъта Тедеты Лиана.

Скъолайы ансамбль "Скиф" Сочийы конкурсмӕ бавдыста "Хонгӕ", "Сиргӕ" ӕмӕ Хъаматимӕ кафт.

Коронавирусы апарахат ма рауадзыны нысанӕнӕн тобӕтӕ тыххӕй конкурс цыд онлайн режимы. Коллектив арвыстой сӕ кафты номырты видеотӕ. Жюри иууыл хуыздӕрыл банымадта Хъаматимӕ кафт.

  • Хуссар Иры кафты коллектив Скиф рамбылдта Сочийы конкурс
    Хуссар Иры кафты коллектив "Скиф" рамбылдта Сочийы конкурс
    Пресс-служба Дзауского района
  • Хуссар Иры кафты коллектив Скиф рамбылдта Сочийы конкурс
    Хуссар Иры кафты коллектив "Скиф" рамбылдта Сочийы конкурс
    Пресс-служба Дзауского района
1 / 2
Пресс-служба Дзауского района
Хуссар Иры кафты коллектив "Скиф" рамбылдта Сочийы конкурс
72
Цхинвалы банысан кӕндзысты фӕсивӕды бон ирон хъазтæй

Цхинвалы банысан кӕндзысты фӕсивӕды бон ирон хъазтæй

7
(ранӕуӕггонд 17:46 27.06.2020)
Уæрæсейаг фæсивæдон бæрæгбон æрфидар ис Хуссар Ирыстоны дæр, æрвылаз столицæ æмæ районты цæудзæн бæрæгбонон мадзæлттæ

ЦХИНВАЛ, 27 июн - Sputnik, Плиты Фатимæ. Националон кафты изӕр "Ирон хъазт", фæсивæды хорзӕхкӕныны церемони æмæ дискотекæ ацæудзæн Цхинвалы Ногдзауты парчы, фехъусын кодта Sputnik фӕсивӕдон организаци "Иугонд Алани" пресс-секретарь Санахъоты Анна.

Бӕрӕгбонон мадзӕлттӕ ацӕудзысты республикӕйы столицӕйы Ногдзауты парчы. Мадзал организаци кӕны горӕты администраци ӕмӕ фӕсивӕдон организаци "Иугонд Алани".

"Схорзӕхджын кӕндзыстӕм фæсивæды минæвæртты кады грамотатæй, хорзæхтæ дæтдзæн фӕсивӕдон организаци "Иугонд Алани"-йы разамонæг Коцты Михаил. Ирон хъазты сæ бон у архайын æппæт æрбацæуæг адæмæн, фæлæ ма горæты администрацийы фæсивæдон политикайы хайад фæхондзæн дæсны кафджыты дæр", - загъта Санахъоты Анна.

Йæ нæхæстæм гӕсгӕ, ацы изæр ма ацӕудзӕн чысыл концерт нӕ эстрадӕйы стъалыты хайадистӕй, бӕрӕгбонон изӕр балхынцъ уыдзӕн дискотекӕйӕ.

Фӕсивӕды бон фӕзынд 1958 азы 7 февралы. Уӕд Советон цӕдис сфидар кодта "Советон фӕсивӕды бон". Бӕрӕгбон нысан кодтой июны фӕстаг хуыцаубоны. Бирӕ ӕзты фӕстӕ, 1993 азы 24 июны, Уӕрӕсейы президент Борис Ельцин рахаста уынаффӕ "Фӕсидӕды бон нысан кӕныны фӕдыл". Уыцы бонӕй фӕстӕмӕ бӕрӕгбон райдыдтой нысан кӕнын 27 июны.

7
Ирон хъазт

Сног кӕндзысты традици: Цхинвалы райдайдзысты уадзын "Ирон хъазт"

0
(ранӕуӕггонд 10:11 07.07.2020)
Ирон кафты изӕртӕ райдайдзысты 7 июлӕй ӕмӕ уагъд цӕудзысты ӕнӕхъӕнӕн сӕрдыгон сезоны дӕргъы

ЦХИНВАЛ, 7 июл – Sputnik, Гӕбӕраты Элина. Цхинвалы сног кӕндзысты националон кафты изӕртӕ "Ирон хъазт", фехъусын кодтой столицӕйы администрацийы пресс-службӕйы.

Ивгъуыд ӕзты уагъд цыдысты ахӕм кафӕн изӕртӕ, кӕцытӕ уыдысты тынг популярон Цхинвалы фӕсивӕды хсӕн.

"Столицӕ ӕмӕ районты фӕсивӕдӕн уыдзӕн фадат равдисын сӕ кафыны курдиат", - банысан кодтой пресс-службӕ.

Администрацийы бафтыдтой, зӕгъгӕ, националон кафты изӕртӕ райдайдзысты 7 июлы ӕмӕ уагъд цӕудзысты ӕнӕхъӕн сӕрдыгон сезоны дӕргъы. Изӕрты организатор у горӕты администрацийы культурӕйы хайад.

Цхинвалы карантинон мадзӕлттӕ сисыны фӕстӕ ацыд ацы аз фыццаг "Ирон хъазт", уый снывонд кодтой Фӕсивӕды бонӕн, мадзал сорганизаци кодта горӕты администраци фӕсивӕдон организаци "Иугонд Алани"-йы ӕмархайдӕй.

0