Хуссарирыстойнаг вокалист ссис Цæгат Иры конкурс Голос Осетии-йы призер

Цхинвайлаг вокалист ссис Цæгат Иры конкурс "Голос Осетии"-йы призер

148
(ранӕуӕггонд 10:58 06.11.2019)
IDARCHIK куыд призон бынаты хицау, афтæ организатортимæ дарддæр æмгуыст кæндзæн, 6 декабры уый ралæудзæн Кавказы стъалытимæ иумæйаг концерты

ЦХИНВАЛ, 6 ноя — Sputnik, Плиты Фатимæ. Хуссарирыстойнаг зарæггæнæг IDARCHIK (Гаглойты Игорь) ссис Цæгат Ирыстоны вокалон конкурс "Голос Осетии"-йы призер. Куыд проекты æнтыстджындæртæй иу, афтæ лæппуимæ организатортæ сфидар кодтой æмгуыстады бадзырд, фехъусын кодта Sputnik зарæггæнæг йæхæдæг.

Конкурсы æвзарæн этап цыд адæмон æвзæрсты руаджы социалон хызæг Instagram-ы "Голос Осетии"-йы фарсыл. Архайджытæй фылдæр лайктæ чи æрæмбырд кодта, уыдонæй 40 рацыдысты æвзæрст. Гаглойты Игорь 588 хъæлæсимæ уыд номхыгъды дыккаг бынатыл.

"Мадзалы финал ацыд Дыгуры комы улæфæндæттæй иу - "Порог неба"-йы. Конкурсы уæлахиздзау ссис Айларты Ирина, æз мæхæдæг райстон призон бынат – йæ хæрæзиуæг та у организатортимæ æмгуыстад. Йæ фæлгæтты уал 6 декабры ралæудзæн сæ концерты, цы ран уыдзысты Кавказы стъалытæ", - загъта Sputnik IDARCHIK.

Лæппу ма æмрæстæджы хайад исы Цæцæны республикæйы ПТРК эфиры "Супер Звезда"-йы. Уый ис Уæрæсейы сгуыхт артист Цæрикъаты Феликсы командæйы.

148
Кубæйы бакодтой Советон Цæдисы хъайтар Плиты Иссæйы бюст

Кубæйы бакодтой Советон Цæдисы хъайтар Плиты Иссæйы бюст

15
(ранӕуӕггонд 10:38 22.05.2020)
Уый размæ та æфсады инæлар, Ирыстонæй рацæуæг Плиты Иссæйы ном саккаг кодтой Улан-Баторы астæуккаг скъолайæн

ЦХИНВАЛ, 20 май – Sputnik. Гаванæйы горæтгæрон Стыр Уæлахизы 75 азы цытæн бакодтой цырт Советон Цæдисы дыууæ хатты Хъайтар Плиты Иссæйæн. Бæрæгбонон мадзалы, кæцы уагъд æрцыд Советон хæстон-интернационалисты Мемориалы бæстыхайы, раныхас кодта Уæрæсейы Минæвар Андрей Гуськов, хъусын кæны 15 регион.

"Уый æрдзырдта Плиты Иссæйы профессионалон æмæ адæймагон миниуджытæ æмæ йæ егъау хайбавæрдыл уæрæсейаг-кубæйаг æмахастытæ фидар кæныны хъуыддаджы", - дзырдæуы хъусинаджы.

Уæ зæрдыл уын лæууын кæнæм, уый размæ та Советон Цæдисы дыууæ хатты Хъæбатыры, Монголаг Адæмон Республикæйы Хъæбатыр, æфсады инæлар, Цæгат Ирыстонæй рацæуæг Плиты Иссæйы ном саккаг кодтой Улан-Баторы астæуккаг скъолайæн.

На Кубе открыли бюст дважды Героя Советского Союза Иссы Плиева
© Photo : 15-Й РЕГИОН
Кубæйы бакодтой Советон Цæдисы хъайтар Плиты Иссæйы бюст
15
ХИПУ

ХИПУ-йы дуэт рауагъта йӕ фыццаг зарӕг

233
(ранӕуӕггонд 15:09 15.05.2020)
Сфæлдыстадон дуэт Джиоты Люба æмæ Хъодалаты Марияйы скондæй азы райдайӕны бавнæлдта фыццаг альбом "Хурæн зарыд мæй" фыссынмæ. Уарзондзинады ӕнкъарӕнтыл композици ныффыста зарӕггӕнджытӕй иу

ЦХИНВАЛ, 15 май – Sputnik, Плиты Фатимӕ. Хуссар Ирыстоны паддзахадон университеты дуэт Джиоты Люба ӕмӕ Хъодалаты Марияйы скондӕй рауагъта сӕ иумӕйаг альбомы фыццаг зарӕг. Композици ныридӕгӕн ис ӕппӕт музыкалон фӕзуӕттыл, фехъуыстон кодта Sputnik зарӕггӕнӕг Джиоты Люба.

Сфæлдыстадон дуэт Джиоты Люба æмæ Хъодалаты Марияйы скондæй азы райдайӕны бавнæлдтой фыццаг альбом "Хурæн зарыд мæй" фыссынмæ. 

"Фыццаг зарӕг "Руки твои" рацыд. Аннӕ ӕхсӕз зарӕгӕн хъӕуы ныффыссын вокал. Нӕ фыццаг композицимӕ ныридӕгӕн райдыдтой хъусын, ӕппӕт музыкалон фӕзуӕтты ис зарӕг", - загъта Люба.

Уый ма радзырдта, зарӕджы рацыд кӕй ныффӕстиат ис коронавирусы апарахаты тасӕй сӕвзӕргӕ уавӕры тыххӕй.

Хъодалаты Мария æмæ Джиоты Люба сты ХИПУ студенткæтæ. Мария ныридæгæн равзæрста йæхицæн сфæлдыстадон псевдоним Шанти, фыссы æмдзæвгæтæ æмæ музыкæ. Ивгъуыд аз бацæттæ кодта йæ фыццаг клип зарæг "Ӕз бузныг дæн"-мæ гæсгæ.

233
Коронавирус

Югосетпотребнадзоры фехъусын кодтой коронавирусы фӕдыл ног бӕрӕггӕнӕнтӕ

7
(ранӕуӕггонд 11:52 28.05.2020)
Хуссар Ирыстоны COVID-19-ӕй фыццаг фӕрынчынуӕвджытӕ фӕзындысты 6 майы – иумӕйагӕй Югосетпотребнадзоры лабораторийы ауагътой 1300 тесты коронавирус сбӕрӕг кӕныны фӕдыл

ЦХИНВАЛ, 28 май - Sputnik, Козаты Диана. Хуссар Ирыстоны коронавирусы апарахаты уавӕр у стабилон. Ӕртыццӕджы цы тесттӕ ауагътой, уыдонӕй иу дӕр нӕ равдыста вирусы уӕвынад, загъта Sputnik Югосетпотребнадзоры комитеты сӕрдары хӕдивӕг Гаглойты Анна.

Республикон бирӕпрофилон медицинон центры хоскӕнынад нырма цӕуынц аст адӕймаджы, кӕцытӕн уый размӕ сбӕрӕг кодтой коронавирус.

"COVID-19 диагнозимӕ нӕм ис 8 адӕймаджы. Медицинон хъусдарды бын сты 70 адӕймаджы, уыдонӕй 53 – медицинон организациты", - загъта Гаглойты Анна.

Уый банысан кодта, цы дыууӕ медицинон кусӕджы фӕрынчын сты, уыдонӕн сӕ уавӕр у хуыздӕр ӕмӕ сӕ тагъд рӕстӕджы рафысдзысты рынчындонӕй.

Иумӕйагӕй Югосетпотребнадзоры лабораторийы ауагътой 1300 тесты коронавирус сбӕрӕг кӕныны фӕдыл.

Хуссар Ирыстоны COVID-19-ӕй фыццаг фӕрынчынуӕвджытӕ фӕзындысты 6 майы, уӕдӕй фӕстӕмӕ сбӕрӕг кодтой коронавирусӕй 37 рынчыны. Уыцы пациенттӕй иуӕн коронавирусы диагноз не сфидар кодтой.

7