Мæскуыйы Гордумæйы бакодтой Гобозты Владимиры куыстыты равдыст

Мæскуыйы бакодтой Гобозты Владимиры куыстыты равдыст

12
(ранӕуӕггонд 11:24 21.01.2020)
Экспозицимæ, кæцы æрæмных кодтой ирон нывгæнæджы 60-азон юбилеймæ, бацыдыстыйæ фæстаг дæс азы куыстытæ

ЦХИНВАЛ, 21 янв - Sputnik, Диана Уалион. Мæскуыйы Гордумæйы цытджын уавæры бакодтой Хуссар Ирыстоны сгуыхт нывгæнæг Гобозты Владимиры куыстыты равдыст. Экспозици "Зеркальное прикосновение"-йы, кæцы бацæттæ кодтой мастеры 60 азы юбилеймæ, бавдыстой хицæн периодты куыстытæ.

Аргъауон фæлгонцтæ, рæсугъд зæдтæ авторæн йæхи стилы аразынц сæрмагонд атмосферæ. Нывтæй дунемæ фæлгæсынц нывгæнæджы æрымысгæ хъайтартæ.

Открытие выставки картин Владимира Гобозова в Мосгордуме
© Sputnik / Диана Уалиона
Мæскуыйы Гордумæйы бакодтой Гобозты Владимиры куыстыты равдыст

Мæскуыйы Паддзахадон Думæйы сæрдар Алексей Шапошников банысан кодта, Гобозты Владимиры куыстыты фенæн кæй ис ирон адæмы уд, æгъдæуттæ æмæ традицитæ.

"Махæн уæлдай кадджын у, ахæм равдыст кæй цæуы Мæскуыйы Паддзахадон Думæйы. Нæ дуæрттæ алыхатт дæр сты гом не ʻфсымæртæн-ирæттæн. Фидæны нæм æнхъæлмæ кæсы ноджы æндæр бирæ иумæйаг культурон проекттæ", - загъта уый.

Юбилярæн йæ сæрмагонд равдысты тыххæй раарфæ кæнынмæ бацыд президент Бибылты Анатолий.

"2020 азы нæ фыццаг культурон мадзал Уæрæсейы цæуы Мæскуыйы Паддзахадон Думæйы, уый у ахадгæ аргумент, цæмæй мах ныфс уа æфсымæрон цæдисы дидинкалд æмæ нæ бæстæты дарддæры культурон æмархайдæй", - загъта президент.

Нывгæнæг дæр бузныг загъта организатортæн æмæ банысан кодта, экспозици йын кæй ссис хорз лæвар йæ юбилеймæ.

"Тынг æхсызгон мын у ахæм хъусдард ме сфæлдыстадмæ. Бузныг дæн Хуссар Иры минæварадæн Уæрæсейы æмæ нæ президентæн, кæцытæ размæ кæнынц нывгæнджыты сфæлдыстад", - загъта Гобозты Владимир.

  • Мæскуыйы Гордумæйы бакодтой Гобозты Владимиры куыстыты равдыст
    Мæскуыйы Гордумæйы бакодтой Гобозты Владимиры куыстыты равдыст
    © Sputnik / Диана Уалион
  • Мæскуыйы Гордумæйы бакодтой Гобозты Владимиры куыстыты равдыст
    Мæскуыйы Гордумæйы бакодтой Гобозты Владимиры куыстыты равдыст
    © Sputnik / Диана Уалион
  • Мæскуыйы Гордумæйы бакодтой Гобозты Владимиры куыстыты равдыст
    Мæскуыйы Гордумæйы бакодтой Гобозты Владимиры куыстыты равдыст
    © Sputnik / Диана Уалион
1 / 3
© Sputnik / Диана Уалион
Мæскуыйы Гордумæйы бакодтой Гобозты Владимиры куыстыты равдыст
12
Джиоты Люба

Ног ӕмӕ уарзон зарджытӕ мадӕлон ӕвзагыл: Джиоты Люба йӕ концерты тыххӕй Мӕскуыйы

19
(ранӕуӕггонд 09:05 22.09.2020)
24 сентябры Уӕрӕсейы столицӕ Мӕскуыйы ацӕудзӕн хуссарирыстойнаг зарӕггӕнӕг Джиоты Любайы хисӕрмагонд концерт

ЦХИНВАЛ, 17 сен – Sputnik, Плиты Фатимæ. Сӕххӕст кӕндзӕн мадӕлон ӕвзагыл зарджытӕ, кӕцытӕ бауарзтой адӕм ӕмӕ ӕртӕ ног зарӕджы Хъодалаты Марияимӕ иумӕйаг альбомӕй Мӕскуыйы хисӕрмагонд концерты рӕстӕджы , фехъусын кодта Sputnik зарӕггӕнӕг Джиоты Люба.

24 сентябры Уӕрӕсейы столицӕ Мӕскуыйы ацӕудзӕн хуссарирыстойнаг зарӕггӕнӕг Джиоты Любайы хисӕрмагонд концерт.

"Цадӕггай цӕуы хъуыддаг. Репетици кӕнын. Тыхсын. Ныфс мӕ ис, ӕппӕт дӕр хорз кӕй ацӕудзӕн. Мӕскуыйаг ирӕттӕ ӕнӕрхъӕцӕй ӕнхъӕлмӕ кӕсынц мӕ концертмӕ ӕмӕ уый ӕхсызгон у" , - загъта Sputnik зарӕггӕнӕг йӕхӕдӕг.

Йӕ ныхӕстӕм гӕсгӕ, популярон тректӕй дарддӕр ма айзӕлдзысты Хъодалаты Марияимӕ сӕ ног зарджытӕ дӕр.

"Мӕ репертуары уыдзӕн ӕртӕ ног зарӕджы, Хъодалаты Марияимӕ иумӕйаг альбомӕй", - бафтыдта уый.

Солон концерты инициаторӕй ралӕууыдысты Любайы ӕмзӕххонтӕ - оперон зарӕггӕнӕг Хӕбӕлаты Лали ӕмӕ Битеты Наталья, афтӕ ма кутюрье Орхан Султан.

Мадзал ацӕудзӕн 24 сентябры, 19.00 сахатыл ахӕм адресыл: уынг Тверская, 22а.

19
Документалон кинонывты премьерæтæ

Хуссар Иры дыууæ кинонывы бацыдысты æхсæнадæмон фестиваль "Ӕнусон арт"-ы шорт-листмæ

20
(ранӕуӕггонд 11:27 10.09.2020)
Фестивалæн хатдзæгтæ скæндзысты мæйы кæрон. Мадзалы ис 150 конкурсон куысты, канд Уæрæсейæ нæ, фæлæ ма фæсарæйнаг бæстæтæй дæр

ЦХИНВАЛ, 10 сен – Sputnik, Плиты Фатимæ. Хуссар Ирыстоны национ киностуди "Allonfilm"-ы дыууæ документалон кинонывы бацыдысты æфсæддон-патриотикон кинонывты æмæ алæвæрдты X-æм æхсæнадæмон фестиваль "Ӕнусон арт"-ы шорт-листмæ, фехъусын кодта Sputnik киностудийы хистæр Мамиты Григорий.

Уымæй размæ фестивалы архайгæйæ Хуссар Иры минæвæрттæ райстой сæрмагонд приз "Хуыздæр сценарий", уæд бавдыстой аивадон-документалон киноныв "IRON VANDEE".

"Бавдыстам дыууæ кинонывы "Фарастæй иумæ" æмæ "Пари со смертью", уыдон конкурсон программæйы раразмæгонд æрцыдысты куыд "Хуыздæр документалон кино" æмæ "Хуыздæр режиссерон куыст", - загъта Мамиты Григорий.

Фестивалы фысымтæ нæ сæхæдæг фæхуыдтой. Дыууæ киноныв дæр сты хъайтардзинадыл, фæлæ дзы иу у хæстон киноныв, аннæ фылдæр таурæгъ кæны адæймаджы хъысмæтыл", - загъта Мамиты Григорий.

Йæ ныхæстæм гæсгæ фестиваль хъуамæ ацыдаид майы, фæлæ коронавирусы пандемийы тыххæй ныффæстиат ис.

"Фестивалæн хатдзæгтæ скæндзысты мæйы кæрон. Мадзалы ис 150 конкурсон куысты, канд Уæрæсейæ нæ, фæлæ ма фæсарæйнаг бæстæтæй дæр",- бафтыдта уый.

Хуссар Ирыстоны национ киностуди "Allonfilm"-ы куыст "Фарастæй иумæ" таурæгъ кæны ирон лæппуты хъайтардзинадыл, кæцытæ 2008 азы хæсты Уырысы æххуысы рцыдмæ урæдтой хотыхджын æнæкæрон гуырдзиаг æфсады.

Кинонывы центры сты зынгхуыст хъайтартӕ - хъахъхъæнынады министрады разæсгарæн къорды разамонæг Багаты Амиран æмæ йе 'мкусæг Джиоты Азæмæт (Пантера), кӕцытӕ фæмард сты уыцы тохы.

Киностудийы фыццаг фильм "Пари со смертью" ист у Паддзахадон ӕдасдзинады раздӕры ӕнӕштатон кусӕг, паддзахадон хорзӕхты кавалер Колыты Иналы уæззау хъысмæтыл. Уый Хуссар Иры ПӔК-ы амындмӕ гӕсгӕ сразы ис Гуырдзыстоны сӕрмагонд службӕты ӕмгуыстады ӕнхъарӕныл. Уый бахызта Цхинвал цалдӕр терактӕй, фӕлӕ йын уӕддӕр фӕстагмӕ йӕхи фыдбылызӕй бахизын нал бантыст.

Гуырдзыстоны террористон фӕндтӕ раргом кӕныны тыххӕй сæрмагонд службæтæ спырх кодтой Иналы хӕдтулгӕ 2008 азы марты. Ӕвзонг лæппу террористон акты фæстиуæгæн фесæфта йæ дыууæ къахы дæр, райста уæззау цæфтæ.

20
Ӕвзонг теннисисткӕ Цхинвалӕй рамбылдта бронзӕ Подмосковьейы турниры

Ӕвзонг теннисисткӕ Цхинвалӕй рамбылдта бронзӕ Подмосковьейы турниры

0
(ранӕуӕггонд 16:19 25.09.2020)
Плиты Алана уыд турниры иууыл кӕстӕрдӕр хайадисӕг, фӕлӕ уӕддӕр рамбылдта бронзӕйон майдан. Афтӕ ма ӕвзонг спортсменкӕйы банымадтой турниры иууыл перспективондӕр спортсменкӕйыл

ЦХИНВАЛ, 25 сен — Sputnik. Ӕвзонг теннисисткӕ Хуссар Ирыстонӕй Плиты Алана схызт кады пьедесталы ӕртыккаг къӕпхӕнмӕ Подмосковьейы турниры, хъусын кӕны республикӕйы фӕсивӕдон политикӕ ӕмӕ спорты фӕдыл комитеты пресс-службӕ.

Дунейы дыууӕ хатты чемпионкӕ Зоя Рудневайы мысӕнӕн турниры горӕт Втдноейы тох котой спортсментӕ Мӕскуы, Мӕскуыйы область, Тверь, Калуга, Рязань, Ярославль, Воронеж ӕмӕ Уӕрӕсейы ӕндӕр горӕттӕ ӕмӕ регионтӕй.

Юная теннисистка Алана Плиева из Южной Осетии завоевала бронзу на турнире в Подмосковье
Ӕвзонг теннисисткӕ Цхинвалӕй рамбылдта бронзӕ Подмосковьейы турниры

"Фарастаздзыд Плиты Алана рамбылдта йӕ ныхмӕлӕуджыты Мӕскуы, Мӕскуыйы область ӕмӕ Калугайӕ 3:0, 3:1 ӕмӕ 3:2 хыгъдӕй ӕмӕ бацахста дыккаг бынат ӕвзарӕн этапы. Фӕлӕ уый фӕстӕ ирон спортсменкӕ фембылд 2:3 хыгъдӕй турниры фидӕны уӕлахиздзау Олеся Усовайӕн, кӕцы дзы уыд дыууӕ азы хистӕрдӕр", - дзырдӕуы хъусинаджы.

Плиты Алана уыд турниры иууыл кӕстӕрдӕр хайадисӕг, фӕлӕ уӕддӕр рамбылдта бронзӕйон майдан. Афтӕ ма ӕвзонг спортсменкӕйы банымадтой турниры иууыл перспективондӕр спортсменкӕйыл.

0