Дзæуджыхъæу

Хуссарирыстойнаг нывгӕнджытӕ хайад исынц равдыст-конкурсы "Алания: ивгъуыды сурæттæ"

17
(ранӕуӕггонд 13:11 27.11.2020)
Экспозицимæ хаст æрцыдысты 100 куыстæй фылдæр, æмæ конд сты нывкæнынады, графикæйы æмæ скульптурæйы жанрты. Æвдисынц Аланийы ивгъуыды алы æнустæ.

ЦХИНВАЛ, 27 ноя – Sputnik. Дзæуджыхъæуы байгом нывкæнынады Æппæтадæмон равдыст-конкурс "Алания: ивгъуыды сурæттæ". Равдыст баст у Аланийыл саргъуыды 1100 азы бонимæ, хъусын кӕны ПТКР "Алания".

Мадзалмӕ сæ куыстытæ бацæттæ кодтой 50 нывгæнæджы Цæгат æмæ Хуссар Ирыстонæй, Мæскуыйæ, Краснодарæй, Санкт-Петербургæй, Венгрийæ æмæ Бельгийæ.

Экспозицимæ хаст æрцыдысты 100 куыстæй фылдæр, æмæ конд сты нывкæнынады, графикæйы æмæ скульптурæйы жанрты. Æвдисынц Аланийы ивгъуыды алы æнустæ.

РЦИ нывгӕнджыты цӕдисы сӕрдар Мӕргъиты Таймураз куыд фехъусын кодта, афтӕмӕй ацы мадзал фыццаг хатт нӕ цӕуы республикӕйы.

"Амӕйразмӕ дӕр ма скодтам ахӕм конкурс ӕмӕ адӕмы зӕрдӕмӕ тынг фӕцыдис, уымӕ гӕсгӕ сфӕнд кодтам ноджы иу равдыст ауадзын. Нывгӕнджытӕ историктимӕ бацӕттӕ кодтой ацы мадзал, цӕмӕй равдисой, истори цы уавӕры уыд рӕстӕгмӕ гӕсгӕ уыцы нывты. Равдыст рауад иттӕг хорз", - банысан кодта уый.

Нывгӕнджыты цӕдисы сӕрдар ма фехъусын кодта, кӕй бацӕттӕ кодтой альбом-каталог, цы ран адӕм фендзысты нывтӕ иууылдӕр.

Конкурсы архайынц куыд хъуыстгонд нывгæнджытæ æмæ райдайгæ курдиæттæ дæр. Равдыст байгом кæныны рæстæг ма дзы арæзт æрцыд, конкурсон куыстытæ кæдæм бахастой, ахæм катаолгы презентаци.

Дзæуджыхъæуккаг епархийы æмæ Цæгат Ирыстоны нывгæнджыты цæдисы иумæйаг хъæппæрисæй 3 азы размæ арæзт æрцыд нывкæнынады æмæ графикæйы 1-аг конкурс «Алания: образы прошлого». Йæ сæйраг нысан уыд, историон жанры кусын кæй фæнды, уыцы нывгæнджытæн æххуыс кæнын. Конкурсæн стыр ахадындзинад кæй ис, уымæ гæсгæ йæ бахастой, Аланийыл саргъуыды 1100 азы бæрæгбоны федералон программæмæ.

17
 Симд

Гастролон май: "Симд" ратдзæн цыппар концерты Цæгат Кавказы горæтты

38
(ранӕуӕггонд 11:43 30.04.2021)
Ӕрбалæугæ мæй Хуссар Иры кафт æмæ зарды сæйраг коллектив "Симд" ралæудзæн Дзæуджыхъæу, Грозный æмæ Нальчикы

ЦХИНВАЛ, 30 апр - Sputnik, Плиты Фатимӕ. Галаты Борисы номыл Хуссар Ирыстоны паддзахадон ансамбль "Симд" майы ратдзæн концерттæ Цæгат Кавказы æртæ горæты, фехъусын кодта Sputnik ансамблы директор Гаглойты Кристина.

Йæ ныхæстæм гæсгæ, уый суыдзæн фыццаг гастролон балц коллективæн реорганизацийы фæстæ.

"Уымæй размæ уыдыстæм Дагестаны, фæлæ уæд ацыдыстæм "Росконцерт"-ы хуындмæ гæсгæ. Ныр гастролон балц бацæттæ кодта "Симды разамынад", - загъта Гаглойты Кристина.

Ӕрбалæугæ мæй Хуссар Иры кафт æмæ зарды сæйраг коллектив ралæудзæн Дзæуджыхъæу, Грозный æмæ Нальчикы.

"Концерттæ уыдзысты: Грозныйы - 24 майы, 26-27 майы – Дзæуджыхъæуы æмæ 29 майы та Нальчикы. Алкæцы концертмæ дæр хаст æрцæудзæн чысыл ивындзинæдтæ, цы регионы йæ æвдисой, уымæ гæсгæ", - бафтыдта уый.

Хуссар Ирыстоны кафт ӕмӕ зарды паддзахадон ансамблӕн бындур ӕвӕрд ӕрцыд 1936 азы.

 

38
СФХ хъайтарты цырт

Хуссар Иры Фиддонты комитет йæ бæрны бакодта СФХ хъайтарты цыртытæй цалдæр

25
(ранӕуӕггонд 17:14 28.04.2021)
Уагдоны кусджытæ равдыстой хъæппæрис Стыр Фыдыбæстон хæсты хъайтартæ Хъоцыты Константин æмæ Сабанты Георгийы цыртытæм сæ хъус дарыны тыххæй

ЦХИНВАЛ, 28 апр - Sputnik, Плиты Фатимӕ. Хуссар Ирыстоны Стыр Фыдыбæстон хæсты хъайтарты цыртытæй дыууæ йæ дæлбар райста Фиддонтæ æмæ хъалонты комитет. Нырæй фæстæмæ цыртытæ æмбæлон уагыл дарын уыдзæн уагдоны бæрны, фехъусын кодта Sputnik Культурæйы министрады разамонæг Зассеты Жанна.

"Бузныг мæ фæнды зæгъын Фиддонты комитеты разамонæг Къацты Владимирæн, кæцы йæ коллективимæ равдыстой хъæппæрис Стыр Фыдыбæстон хæсты хъайтартæ Хъоцыты Константин æмæ Сабанты Георгийы цыртытæм сæ хъус дарыны фæдыл", - загъта Зассеты Жанна.

Уый ма бафтыдта, зæгъгæ, хорз уаид, аннæ уагдæттæ дæр куы бафæзмиккой ацы хæрзиуæгон дæнцæг. Министр бахатыд УУМ, Хъахъхъæнынады министрады сæргълæуджытæ æмæ æндæр коллегæтæм, цæмæй уыдон дæр стыр сгуыхтдзинадмæ бамбал уой æмæ сæ дæлбар бакæной цыртдзæвæнтæ.

25
Харебаты Вадим

Харебаты Вадим: ныффыстон бирæ ног зарджытæ

2
(ранӕуӕггонд 12:48 06.05.2021)
Хуссар Ирыстоны адæмон артист, ансамбль "Бонвæрон"-ы уæнг Харебаты Вадим радио Sputnik эфиры радзырдта йе сфæлдыстадон нывæзты тыххæй
Харебаты Вадим: уырыссаг æвзагыл сценæйыл рагæй нал зарыдтæн

Хуссар Ирыстоны сæйраг сахары æрæджы уагъд æрцыд концерт "Советская песня", цы ран æххæст кодтой уæды дуджы зарджытæ. Хайадисджытæй сæ иу уыд Хуссар Ирыстоны адæмон артист Харебаты Вадим. Уый куыд банысан кодта, уымæ гæсгæ репертуар цæттæгæнгæйæ тыхстис, уымæн æмæ сценæйыл уырыссагау рагæй нал зарыд.

"Мæ зарджытæ иууылдæр сты ирон æвзагыл æмæ мын ацы концерты хайадист уыд ног хабар. Фæлæ адæмæн сæ зæрдæмæ тынг фæцыд", - загъта Вадим.

Адæмон артисты ныхæстæм гæсгæ, фæстаг рæстæджыты уый бирæ ног зарджытæ ныффыста, кæцытыл хъæуы дзæбæх бакусын.

"Кæм пандеми уыд, кæм æндæр аххосæгтæ, фæлæ сæ сабыргай амайын æмæ дзы ныридæгæн цалдæр зарæг ис цæттæ", - банысан кодта музыкант.

Харебаты Вадим ма куыд бафиппайдта, афтæмæй ацы аз ансамбль "Бонвæрон"-ыл æххæст кæны 50 аз, æмæ уыцы рæстæджы ахæм къорд æгæрыстæмæй æнæхъæн Цæгат Кавказы дæр нæ уыд. Уымæ гæсгæ ацы датæйæн æнæбанысангæнгæ нæй.

2
Темӕтӕ:
Радио иронау