Цхинвал

Ӕнӕмӕнгхъӕугӕ информаци Хуссар Ирыстоны уазджытӕн

313
(ранӕуӕггонд 12:20 25.05.2015)
Хуссар Ирыстоны уазджытӕ ӕмӕ журналисттӕн пайдаджын информаци

Визӕты тыххӕй

Хуссар Ирыстоны территоримӕ ӕрбахизыны тыххӕй нӕ хъӕуы визӕ. Фӕлӕ фӕсарӕйнаг ӕмбӕстӕгтӕ Республикӕйы территоримӕ Уӕрӕсейы территорийы уылты кӕй ӕрбахизынц, уымӕ гӕсгӕ уыдонмӕ хъамӕ уа Уӕрӕсейы Федерацийы бӕлвырд визӕ. Ацы хабар нӕ хауы Уӕрӕсейы ӕмбӕстӕгтӕм ӕмӕ Уӕрӕсейы территоримӕ ӕнӕ визӕйӕ цы ӕртыккаг бӕстӕтӕй ис ӕрбахизӕн, уыдон минӕвӕрттӕм.

Хуссар Ирыстоны территоримӕ ӕрбахизыны фӕтк

Хуссар Ирыстоны территоримӕ ӕрбахизын гӕнӕн ис ӕрмӕстдӕр Уӕрӕсейы территорийӕ.

Пограничная застава
© Sputnik / Дина Гассиева

Уӕрӕсейы ӕмбӕстӕгтӕм Хуссар Ирыстонмӕ ӕрбацӕуыны тыххӕй хъуамӕ уа УФ-йы ӕмбӕстаджы иумӕйаг граждайнаг паспорт,
Хуссар Ирыстон ӕмӕ Уӕрӕсейы ӕмбӕстӕгад кӕмӕн нӕй, уыцы гоймӕгтӕ, журналисттӕй дарддӕр, хъуамӕ ӕртӕ бон раздӕр фӕхъусын кӕной РХИ-йы фӕсарӕйнаг хъуыддӕгты министрадмӕ, Республикӕйы территоримӕ сӕ ӕрбахизын кӕй фӕнды,уый тыххӕй, цӕмӕй сын бар радтой ӕрбацӕуынӕн.

Журналистты аккредитаци

Журналисттӕн аккредитаци лӕвӕрдӕуы Информаци ӕмӕ мыхуыры паддзахадон комитеты. Куырдиат хъӕуы арвитын Информаци ӕмӕ мыхуыры паддзахадон комитеты сӕргълӕуӕг Гобозты Вячеславы номыл масон информацийы официалон бланкыл. Уым хъуамӕ бацамоной:
— мыггаг, ном, фыдыном (уырыссаг ӕмӕ латинаг транскрипцийы);
— куысты бынат;
— паспорты сери ӕмӕ номыр;
— райгуырды датӕ (бон, мӕй, аз);
— райгуырды бынат;
— Урӕсейы фӕсарӕйнаг хъуыддӕгты министрады аккредитацийы къопи (фӕсарӕйнаг журналисттӕн);
— ӕмбӕстагад;
— паспорты архайды ӕмгъуыды фӕуды датӕ (фӕсарӕйнаг ӕмбӕстӕгтӕн);
— контактнон телефонтӕ, электронон адрес.
— Хуссар Ирыстоны территорийыл кусыны ӕнхъӕлгӕ рӕстӕг

Куырдиатыл хъуамӕ уа массон информацийы фӕрӕзы сӕргълӕууӕг кӕнӕ та йӕ хӕдивӕджы къухфыст. Йе 'ркасты рӕстӕг — ӕртӕ боны. Ӕнӕмӕнгхъӕуӕг куы уа, уӕд та иу бон. Аккредитацийы тыххӕй куырдиӕттӕ исынц ахӕм E-mail: resagency@hotmail.com.
Контактон телефон: +7 (9974) 45-50-52

Фӕсарӕйнаг массон информацийы фӕрӕзты минӕвӕрттӕ бӕлвырд информаци райсыны тыххӕй дзурӕт РХИ-йы фӕсарӕйнаг хъуыддӕгты министрадмӕ ахӕм телефоны номыртыл: 8-(9974)-45-22-43

Уӕрӕсейы Федерацийы минӕварад Хуссар Ирыстоны

Адрес: 100001, с. Цхинвал, Цоцийы фырты уынг, хӕдзар 2
e-mail: rusembrso@yandex.ru
Тел: +7 (9974) 453960
Факс: +7 (9974) 456863

Республикӕ Хуссар Ирыстоны минӕварад Уӕрӕсейы Федерацийы

Адрес: 119034, Мӕскуы, Курсоваг фӕрсуынг, хӕдзар 9.
e-mail: info@osembassy.ru
тел: +7 (495) 644-27-57
факс: +7 (495) 644-27-58

Куыд фыстӕуы фыстӕджытӕ Хуссар Ирыстонмӕ Уӕрӕсейӕ?

100001, РХИ, с. Цхинвал, уынг…

Цхинвалы уазӕгдӕттӕ

Уазӕгдон "Алан", уынг Хъайтарты, 1. Тел:
Уазӕгдон "Ирыстон", уынг Сталины, 23. Тел:

Экстренон номыртӕ

112 — РХИ-йы Уӕлвӕткон уавӕрты министрад
101 — Сыгъдхуыссынгӕнӕн службӕ
102 — Милицӕ
103 — Тагъд ӕххуыс
104 — Газы аварион службӕ

313

Цæмæн у ахсджиаг бахъахъхъæнын Стыр Фыдæбæстæйон хæсты Уæлахизы кад?

0
0
Хуссар Ирыстоны парламенты агъуыст

Республикӕ Хуссар Ирыстон. Иумӕйаг информаци

422
(ранӕуӕггонд 11:53 25.05.2015)
Республикӕ Хуссар Ирыстон - паддзахад Хуссар Кавказы.

Республикӕйы территори — 3.900 квадратон километр. Цӕрӕгад — 70 мин адӕймаджы онг. Сӕйраг горӕт — Цхинвал. Республикӕйы территори дих у цыппар административон районыл: Дзауы, Цхинвалы, Знауыры ӕмӕ Ленингоры.

Храм Рождества пресвятой Богородицы в Цхинвале
© Sputnik / Ада Багиан
Храм Рождества пресвятой Богородицы в Цхинвале


Паддзахадон ӕвзӕгтӕ — ирон, уырыссаг. Дин — рӕстуырнынад. Валютӕ — уӕрӕсейаг сом (рубль). Рӕстӕг Хуссар Ирыстоны ӕмдзыд кӕны уӕрӕсейаг рӕстӕгимӕ. Хицауиуӕджы формӕ — президенон республикӕ. Парламент у иупалатӕйон, конд у 34 депутӕй.

Республикӕйы равзӕрд

Республикӕ Хуссар Ирыстон йӕ хӕдбардзинад расидт 1991 азы 29 майы. Уымӕн развӕд кодта ӕртӕ азы дӕргъы Гуырдзыстонимӕ политикон ӕмӕ ӕфсӕддон ныхмӕлӕууынад. Гуырдзыстонимӕ конфликт ахаста суанг 2008 азы онг, уӕд Тбилис аскуыддзаг кодта йӕхицӕн тыхон архайд ӕмӕ гӕрзифтонгӕй ӕрбабырста Хуссар Ирыстонмӕ. 2008 азы хӕстон архайдтытӕ, кӕцыты фӕстӕдӕр схуыдтой "Фондзбонон хӕст", кӕронмӕ бацыдысты Уӕрӕсе Гуырдзыйы ӕвӕндонӕй сабырдзинадмӕ куы ӕркодта ӕмӕ Хуссар Ирыстоны хӕдбардзинад куы банымадта, уӕд.

Президенты РФ и РЮО В.Путин и Л.Тибилов
© Sputnik / Алексей Никольский
Президенты РФ и РЮО В.Путин и Л.Тибилов

Абоны бон Хуссар Ирыстоны суверенитет банымадта Уӕрӕсӕйы Федераци, Никарагуа, Венесуэлӕ, Науру, афтӕ ма Абхаз, Приднестроваг Молдаваг Республикӕ, Уӕлхох-Карабахы Республикӕ, Республикӕ Сербаг Крайна ӕмӕ Гагаузия, Донецкаг ӕмӕ Луганскаг Адӕмон Республикӕтӕ.

ГЕОГРАФИ

Хуссар Ирыстоны территорийӕ 89,3% фылдӕр у денджызы ӕмвӕзадӕй 1000 метры бӕрзӕндӕн.Рельеф — хӕххон. Иуыл бӕрзонддӕр бынат республикӕйы — хох Халаца, 3.938 метры. Сӕйраг кавказаг хохы рагъ ӕхгӕны республикӕйы цӕгаттаг уазал дымгӕтӕй, уымӕ гӕсгӕ йӕ астӕуккаг температурӕ у бӕрзонддӕр Кавказы иннӕ территоритӕй. Январы мӕйы астӕуккаг температурӕ — +4,5 С, июлы +20,3 С. Дӕлдзырӕдты астӕуккаг нымӕц афӕдзы дӕргъы у 598 мм.

Озеро Эрцо, Южная Осетия
© Sputnik / Дина Гассиева
Озеро Эрцо, Южная Осетия


Республикӕйы иууыл стырдӕр цӕдтӕ — Хъел, Эрцъо, Цителихаттаг ӕмӕ Къоз. Иуыл стырдӕр цӕугӕдӕттӕ Хуссар Ирастоны — Стыр Леуахи, Ксан, Чысыл Леуахи. Иууыл хуссайрагдӕр цӕрӕнбынат — хъӕу Орчъосан, иуыл ныгуылӕйнагдӕр — Переу.

Паддзахон символикӕ

ГЕРБ

Рагон Ирыстоны Герб фыццаджыдӕр уыд хӕххон рӕхысты ӕндӕрг, уыдоны тарцъӕх фоныл зынд сабыр, фӕлӕ къӕрцхъус барс (леопард). Цӕрӕгойӕн йӕ урс буарыл — сау тӕппытӕ. Гербӕн йӕ сӕйраг компоненттӕй иу — авд хохты сауӕндӕрджы — куыд ирӕтты цӕрӕнбынаты ландшафты символ.

Герб Республики Южная Осетия
© Sputnik / Ада Багиан
Герб Республики Южная Осетия


ТЫРЫСА

Республикæ Хуссар Ирыстоны Паддзахадон символы хуызы Тырыса фидаргонд æрцыд 1992 азы 13 январы Паддзахадон тырысайы Закъонмæ гæсгæ. Абон ирон тырыса у хæдбар æмæ сæрибар бæстæйы символ. Тырыса у ӕртӕхуызон, конд у урс, сырх ӕмӕ бур кӕттагӕй. Ацы ӕртӕ хуыз дӕр иттӕг хорз зындгонд сты суанг рагон Аланийы дугӕй. Урс хуыз нысан кӕны монондзинад, сыгъдӕгдзинад, зонд. Сырх — ӕхсар, хъӕбарырдзинад, рӕстдзинад. Бур — бӕркад, фарн, мулк. Тырыса разæнгард кæны ирон адӕмы ног цард аразынмæ, дидинæфтаугæ фидæны фæндæгтыл цæуынмæ.

ГИМН

Ныхӕсты автор — Кокайты Тотраз, композитор — Ӕлборты Феликс. Гимн фидаргонд ӕрцыдис 5 майы 1995 азы Республикӕ Хуссар Ирыстоны Уӕлдӕр Советы сессийыл.

Республикае Хуссар Ирыстоны Паддзахадон Гимн "Уарзон Ирыстон"

Уарзон Ирыстон! Дæ номы кадæн
Лæууæм цырагъау мах уырдыг,
Ды дæ нæ уарзты æнусон авдæн,
Ды — нæ цин æмæ хъыг!
Фæхæрæм мах дæ зæххæй ард,
Дæ ном дын исæм бæрзонд,
Удуæлдай дын кæнæм лæггад,
Дæуæн у нæ цард нывонд!

Базард:

Уæ, Стыр Хуыцау! Дæ хорзæх, Дæ арфæ —
Иры Уæзæгæн Ды цардамонд ратт!


Уæззау уыд дæ ивгъуыд, Иры бæстæ, —
Зылди дæ фæдыл сау фыдох,
Фæлæ-иу уæддæр дæ фарны рæстæй
Кодтой дæ зынтæ рох.
Царды рухсмæ æдзух цыдтæ, Фыдбонты нæ саст дæ ныфс,
Сæрбæрзонд алкæддæр уыдтæ,
Æргомæй размæ цæуыс!

Базард:

Уæ, Стыр Хуыцау! Дæ хорзæх, Дæ арфæ —
Иры Уæзæгæн Ды цардамонд радт!
(Уæ, Уастырджи! Дæ хорзæх, Дæ арфæ —
Иры дзыллæйæн фæндагамонд радт!)

Фыдæлты æрдхæрæн, Иры Уæзæг!
Зæрдæйы тæгтæй дæ нывæзт,
Ацы дунейы нын масты уæзæй
Ма у дих æмæ уæрст,
Дугæй дугмæ нæрæд дæ ном,
Бæрзонддæр кæнæд дæ кад,
Дæ ныфсæй мах цæрæм æнгом,
Дæ фæрцы рухс у нæ цард!

Базард:

Уæ, Стыр Хуыцау! Дæ хорзæх, Дæ арфæ —
Иры Уæзæгæн Ды цардамонд ратт!
(Уæ, бæсты фарн! Дæ хорзæх, Дæ арфæ —
Нæ уарзон Ирæн Ды-иу амонд ратт!
Ном æмæ йын кад!)

422
Рӕмонаты Сослан

Олимпиаг чемпион Рӕмонаты Сослан фӕнд кӕны фæивын йӕ уӕзы категори тренер

0
(ранӕуӕггонд 15:50 13.08.2020)
Ирон спортсмен ссис Олимпиадӕйы уӕлахиздзау Рио-де-Жанейройы 65 килограммы уӕзы категорийы

ЦХИНВАЛ, 13 авг — Sputnik. Риойы Олимпиадӕйы уӕлахиздзау, ирон уӕгъдибар хъӕбысӕйхӕцӕг Рӕмонаты Сослан Уӕрӕсейы чемпионаты архайдзӕн 65 кӕнӕ 70 килограммы уӕзы категорийы, хъусын кӕны Р-Спорт спортсмены тренер Мӕргъиты Анатолийы ныхӕстыл ӕнцойгӕнгӕйӕ.

Мӕргъиты Анатолийы ныхӕстӕм гӕсгӕ, хъӕбысӕйхӕцӕг схос кодта йӕ травмӕйӕн ӕмӕ ныр ӕххӕст тренировкӕтӕ уадзы егъау турнирмӕ, кӕцы ацӕудзӕн октябры.

"Рӕмонаты Сослан архайдзӕн Уӕрӕсейы чемпионаты. Уӕзы категорийы тыххӕй мах аныхас кӕндзыстӕм Уӕрӕсейы сӕйраг тренер Тедеты Дзамболатимӕ. Кӕд турниры фӕстиуӕгӕн уа ахсджиаг бынат дунейы чемпионат ӕмӕ Олимпиадӕйы ӕвзӕрстытӕм – уӕд тох кӕндзыстӕм нӕхи уӕзы, 65 килограммы. Кӕнӕ та схиздзыстӕм бӕрзонддӕр категоримӕ", - загъта тренер.

Мӕргъиты Анатолий банысан кодта, спортсмены хӕслӕвӕрд у хайад райсын дунейы чемпионаты Сербийы, фӕлӕ Рӕмонаты Сослан ӕмӕ йӕ тренеры сӕйраг интерес у Олимпиадӕ Токиойы.

0