Переговоры президента РФ В. Путина с президентом Южной Осетии Л. Тибиловым.

Хуссар Ир æмæ Уæрæсейы хсæн интеграции æмæ æмгуысткæнынады фæдыл бадзырд ратификаци æрцыд

11
(ранӕуӕггонд 11:48 01.10.2018)
Хуссар Ирыстоны парламентарийтæ æмхъæлæсæй сразы сты, цæмæй республикæ æмæ Уæрæсейы 'хсæн интеграции æмæ æмгуысткæнынады фæдыл бадзырд ратификаци æрцæуа.

ЦХИНВАЛ, 17 апр — Sputnik. Хуссар Ирыстоны парламентарийтæ æмхъæлæсæй сразы сты, цæмæй республикæ æмæ Уæрæсейы æхсæн интеграции æмæ æмгуысткæнынады фæдыл бадзырд ратификаци æрцæуа.

Бадзырдыл 18 марты сæ къухтæ æрфыстой дыууæ бæстæйы президенттæ Тыбылты Леонид æмæ Владимир Путин.

20 марты ацы документ æрвыст æрцыд республикæйы парламентмæ, цæмæй æрцæуа ратификации.

Парламентарийты æмæ æхсæнады минæвæртты раз раныхас кодта бæстæйы сæргълæууæг Тыбылты Леонид. Уый банысан кодта, ацы стратегион нысаниуæгджын документ, сæйраджыдæр, кæй бафидар кæндзæн республикæйы æдасдзинад, афтæ ма бирæбæрцæй кæй фæхуыздæр уыдзæн бæстæйы социалон-экономикон райрæзт.

Президент ма ноджыдæр банысан кодта, интеграции æмæ æмгуысткæнынады бæдыл бадзырды бафыст фæстаг кахдзæф кæй нæу Хуссар Ирысон Уæрæсемæ ноджыдæр баввахс кæныны хъуыддаджы.

"Цалынмæ æз республикæйы президент дæн, уæдмæ кæд Хуссар Ирыстон бацæуа Уæрæсейы скондмæ, уæд сæрыстырæй зæгъдзæн, мæ адæмы раз мæ хæс кæй сæххæст кодтон, кæй сæххæст нæ æнусон бæлицц", — загъта Тыбылты Леонид.

Парламенты спикер Бибылты Анатолий куыд фехъусын кодта, афтæмæй депутаттæ иууылдæр цæттæ сты республикæйы хицауадимæ æмгуыстадмæ, цæмæй бадзырды дæлхæйттæ рæстæгыл реализацигонд æрцæуой.

"Мах хицауадимæ иумæ сараздзыстæм алцыдæр, цæмæй ратификацигонд бадзырд тагъд рæстæджы йæ тыхы бацæуа", — ныфс бавæрдта спикер.

Интеграции æмæ æмгуысткæнынады фæдыл бадзырды фæлгæтты арæзт æрцæудзæн æдасдзинады иумæйаг контур, арæнтыл хизыны æмæ Уæрæсейы æмбæстагдзинады статус райсыны фæткойтæ фæхуымæтæгдæр уыдзысты, таможнийы органтæ интеграцигонд æрцæудзысты, дыууæ бæстæйы мидхуыддæгты министрадты æмгуыстад фæарфдæр уыдзæн, фылдæр æрцæудзысты куыстмызд æмæ пенситæ.

11
Хуссар Иры фӕстаг хӕрзбон загътой номдзыд артисткӕ Галуанты Людмилайӕн

Хуссар Иры фӕстаг хӕрзбон загътой номдзыд артисткӕ Галуанты Людмилайӕн

20
(ранӕуӕггонд 16:03 22.10.2021)
Галуанты Людмила йӕ цардӕй ахицӕн 85-аздзыдӕй. Уый бавӕрдтой Хуссар Ирыстоны Националон пантеоны. Номдзыд артисткӕйӕн фӕстаг хӕрзбон загътой Паддзахадон драмон театры

ЦХИНВАЛ, 22 окт - Sputnik, Козаты Диана. Сӕдӕгай адӕм ӕрбацыдысты, цӕмӕй фӕстаг хӕрзбон зӕгъой Хуссар Ирыстоны Адӕмон артисткӕ Галуанты Людмилайӕн. Номдзыд актрисӕ, ирон интеллигенцийы ирд минӕварӕн майрӕмбоны загътой фӕстаг хӕрзбон.

Похороны Людмилы Галавановой
© Sputnik / Natalia Airiyan
Хуссар Иры фӕстаг хӕрзбон загътой номдзыд артисткӕ Галуанты Людмилайӕн

Граждайнаг панихидӕ ацыд Паддзахадон драмон театры бӕстыхайы, кӕцыйы сценӕйыл Галуанты Людмила сӕххӕст кодта дӕсгай фӕлгонцтӕ. Йӕ фӕстаг фӕлгонц театры сценӕйыл уый сӕххӕст кодта спектакль "Ныййарӕджы кадӕг"-ы. Йӕ коллегӕты ныхӕстӕм гӕсгӕ, фӕстаг ӕзты уымӕн йӕ бӕллиц уыд ногӕй рахизын сценӕмӕ.

Похороны Людмилы Галавановой
© Sputnik / Natalia Airiyan
Хуссар Иры фӕстаг хӕрзбон загътой номдзыд артисткӕ Галуанты Людмилайӕн

Фыдохы митинг адарддӕр ис Театралон фӕзуатыл.

"Людмилайыл гӕнӕн ис бирӕ дзурын, фӕлӕ дзырдтӕ алыхатт дӕр фаг нӕ уыдзысты", - загъта актрисӕйы коллегӕ Къацты Филипп.

Ӕрӕмбырдуӕвджытӕ дзырдтой Галуанты Людмилайы поэтикон курдиаты тыххӕй, йӕ бӕрзонд граждайнаг позицийыл, йӕ хайбавӕрдыл Хуссар Ирыстоны паддзахаддзинады арӕзтадмӕ.

Хуссар Ирыстоны парламенты цалдӕр ӕрсидты депутат Кокойты Тарзаны ныхӕстӕм гӕсгӕ, Галуанты Людмилайы сфӕлдыстадон курдиат нырма хъӕуы сахуыр кӕнын, уымӕн ӕмӕ йын уыд диссаджы граждайнаг ӕмӕ ӕхсӕнадон позици.

Зындгонд актрисӕйӕн фӕстаг хӕрзбон зӕгъынмӕ ӕрбацыд республикӕйы къухдариуӕгад дӕр президент Бибылты Анатолийы сӕргълӕудӕй.

Паддзахады сӕргълӕууӕг бахахх кодта, Галуанты Людмила алкӕцы фӕлгонц дӕр ӕххӕст кодта бӕрзонд ӕмвӕзадыл.

Похороны Людмилы Галавановой
© Sputnik / Natalia Airiyan
Хуссар Иры фӕстаг хӕрзбон загътой номдзыд артисткӕ Галуанты Людмилайӕн

"Абон Галуанты Людмила сӕххӕст кодта сценӕйыл йӕ фӕстаг фӕлгонц. Фӕлгонц, кӕцы йын нӕ радта режиссер ӕмӕ йыл кӕцы нӕ фидауы. Фӕлӕ уӕззау низ нӕ радта фадат уымӕн сӕххӕст кӕнын фӕлгонц, кӕцыйы йын цӕттӕ кодтой йӕ 85 азы юбилеймӕ", - загъта президент.

Поэт Чехойты Александр бафарста тӕфӕрфӕсы телтӕ, кӕцытӕ ӕрбарвыстой оперон зарӕггӕнӕг Джиоты Вероника, кинорежиссер, актер, продюсер, зарӕггӕнӕг Салбиты Аким, Хуссар Ирыстоны минӕвар Уӕрӕсейы Гасситы Знауыр, Цӕгат Ирыстоны парламенты депутаттӕ, Мӕскуыйы ирон ӕхсӕнад, Цӕгат Ирыстоны академион театр ӕмӕ ӕндӕртӕ.

Похороны Людмилы Галавановой
© Sputnik / Natalia Airiyan
Хуссар Иры фӕстаг хӕрзбон загътой номдзыд артисткӕ Галуанты Людмилайӕн

Галуанты Людмилайы чырын хастой театры актертӕ. Йӕ фӕдыл айхъуыст Сагкаты Валерийы зарӕг "Мӕ Ирыстон", кӕцыйӕн ӕмдзӕвгӕ ныффыста Галуанты Людмила йӕхӕдӕг. Ацы уацмыс бирӕтӕ нымайынц бӕстӕйы ӕнӕофициалон гимныл.

Галуанты Людмила ахицӕн йӕ цардӕй 85-аздзыдӕй. Уый бавӕрдтой Хуссар Ирыстоны Националон пантеоны.

20

Хуссар Иры коронавирусӕй фӕрынчынуӕвджыты иумӕйаг нымӕц ахызт дыууӕ минӕй

15
(ранӕуӕггонд 13:39 22.10.2021)
Майрӕмбоны райсоммӕ уагдоны бӕрӕггӕнӕнтӕм гӕсгӕ, медикты хъусдарды бын сты 2036 пациенты, кӕцытыл бахӕцыд коронавирусон инфекци

 

ЦХИНВАЛ, 22 окт - Sputnik. Коронавирусӕй фӕрынчынуӕвджыты иумӕйаг нымӕц, кӕцытӕ сты Хуссар Ирыстоны дохтырты хъусдарды бын, майрӕмбонмӕйы бӕрӕггӕнӕнтӕм гӕсгӕ ахызт дыууӕ минӕй, фехъусын кодтой Sputnik Югосетпортебнадзоры. 

"Цыппӕрӕмы нӕ лабораторийы сарӕзтӕуыд 321 иртӕсты, уыдонӕй COVID-19 сбӕрӕг кодтой 81 адӕймагӕн. Дохтырты хъусдарды бын цы рынчынтӕ ис, уыдоны иумӕйаг нымӕц у 2036", - банысан кодтой уагдоны.

Югосетпотребнадзоры ма куыд фехъусын кодтой, афтӕмӕй ивгъуыд суткӕйы медицинон хыгъдӕй систой 40 пациенты.

Пандемийы райдайӕнӕй COVID-19 Хуссар Ирыстоны бахӕцыд 7986 адӕймагыл, сӕнӕниз сты 5950 пациенты. 

15
Кокойты Тарзан

Кокойты Тарзан: Галуанты Людайӕн иууыл диссаг уыд йе 'мбӕстагон позици

0
(ранӕуӕггонд 12:48 23.10.2021)
Парламенты раздӕры депутат, мидхъуыдтӕгты министры хӕдивӕг Кокойты Тарзаны раныхас Галуанты Людмилайӕн фӕстаг харзбон зӕгъыны церемонийы
Кокойты Тарзан: Галуанты Людайӕн иууыл диссаг уыд йӕ ӕмбӕстагон позици

Хуссар Ирыстоны аивад ӕмӕ интеллигенцийы минӕвӕрттӕ хӕрзбон загътой Адӕмон артисткӕ, поэт Галуанты Людмилайӕн. Фыдохы митинджы церемонийы Кокойты Тарзан йӕ раныхасы банысан кодта, Людмилайӕн йе сфӕлдыстадон курдиат нырма иртӕстгонд кӕй не ‘рцыд.

"Фӕлӕ иууыл диссаг уыд йӕ ӕмбӕстагон позици. Ирыстоны сӕрмӕ сау мигътӕ куы ‘ртымбыл сты, ӕмӕ ныл гадзрахатӕй куы рацыдысты алӕрдыгӕй дӕр, уӕд хъуыддаг цӕмӕ цӕуы, уый алчи не ‘мбӕрста. Фӕлӕ Галуанты Люда уыд, чи йӕ ‘мбӕрста, уыдонӕй", - загъта Кокойты Тарзан.

Тарзаны ныхӕстӕм гӕсгӕ, Галуанты Людмилайы фӕлтӕр сӕхиуыл банкъардтой ирон ӕвзаг, культурӕ ӕмӕ националон традициты дӕлдзиныг.

"Диссаг уыд йӕ ныфсхаст, парламенты кусгӕйӕ афтӕ дзырдта – ныфсхастдзинад дам у уӕлахизӕн йе ‘мбис", - банысан кодта Кокойты Тарзан.

Уый ма куыд бафиппайдта, афтӕмӕй Людмила Графы чызг ӕмбӕрста, сӕрибардзинад кӕй никуы вӕййы лӕварӕй дӕтгӕ.

0
Темӕтӕ:
Радио иронау