РХИ президент Тыбылты Леонид

Уæрæсейы президент æмæ премьер раарфæ кодтой Тыбылты Леонидæн йæ юбилейы цытæн

10
Хуссар Ирыстоны президент Тыбылты Леонид нысан кæны йæ 65-æм райгуырæн бон, юбилейы цытæн ын раарфæ кодтой Владимир Путин æмæ Дмитрий Медведев.

ЦХИНВАЛ, 28 мар — Sputnik. Уæрæсейы президент æмæ премьер-министр Владимир Путин æмæ Дмитрий Медведев раарфæ кодтой Хуссар Ирыстоны президент Тыбылты Леонидæн йæ юбилейы цытæн — дыццæджы республикæйы сæргълæууæг нысан кæны йæ 65-æм райгуырæн бон.

"Ды хæссыс стыр хисæрмагонд хайбавæрд нæ бæстæты æхсæн æмцæдисадон ахастытæ æмæ интеграцион æмгуыстады сфидар кæныны хъуыддагмæ. Ныфс мæ ис, кæй адарддæр уыдзæн нæ конструктивон диалог æмæ иумæйаг æнтыстджын куыст Хуссар Ирыстоны æмæ Уæрæсейы æфсымæрон адæмты хæрзиуæгæн", — дзырдæуы уæрæсейаг президенты арфæйы телы.

Путины цæст йæ хуссарирыстойнаг коллегæйæн бауарзта фидар æнæниздзинад, амонд, фарн æмæ æнтыстытæ паддзахадон архайды.

"Фæнды мæ банысан кæнын Дæ хисæрмагонд хайбавæрд уæрæсейаг-хуссарирыстойнаг ахастыты райрæзтмæ, кæцытæ бындуриуæг кæнынц хæларады æмæ æмцæдисады принциптыл. Ӕнæдызæрдыг дæн, дыууæварсон æмгуыстад базарадон-экономикон, зонадон-техникон, культурон-гуманитарон æмæ æндæр къабæзты æххæст дзуапп кæй дæтты дыууæ бæстæты интерестæн", — дзырдæуы УФ-йы хицауады сæргълæууæджы арфæйы телы.

Медведевы зæрдæ РХИ президентæн загъта фидар æнæниздзинад, фарн æмæ ног æнтыстытæ бæрнон архайды.

10