ЦХИНВАЛ, 9 авг — Sputnik. Хуссар Ирыстоны культурӕйы министрады ӕмархайдӕй Цхинвалы ацӕудзӕн Хуссар Ирыстоны сгуыхт нывгӕнӕг Къацты Вадим ӕмӕ скульптор Кӕсӕбиты Андрейы куыстыты равдыст, фехъусын кодтой Sputnik уагдоны пресс-службӕйы.
Хицауады рабадты стыр залы фойейы фенӕн уыдзӕн Къацты Вадимы хуызфыссынады здӕхӕны ӕххӕст куыстытӕ ӕмӕ Кӕсӕбиты Андрейы скульптурӕтӕ
"10 августы хицауады рабадты стыр залы ӕрбакӕндзысты Къацты Вадим ӕмӕ Кӕсӕбиты Андрейы куыстыты равдыст "Фыдæлты ном арынæн", — загътой уагдоны.
Къацты Вадим у Колыты Аксойы номыл Цхинвалы аивӕдты лицейы рауагъдон. 2009 азы уый ссис Санкт-Петербурджы паддзахадон нывгӕнӕн, скульптурӕ ӕмӕ архитектурӕйы институты хуыздӕр рауагъдон. 2013 азы та Къацты Вадим ссис Санкт-Петербурджы премийы лауреат. У Уӕрӕсейы нывгӕнджыты цӕдисы уӕнг, Хуссар Ирыстоны сгуыхт нывгæнæг.
Кӕсӕбиты Андрей персоналон равдыстытӕ ацыдысты Цхинвалы ӕмӕ Дзӕуджыхъӕуы. Йӕ армӕй рацӕугӕ куыстытӕ хицӕн ӕзты балӕвар кодтой ахӕм зындгонд адӕймӕгтӕн куыд: Владимир Путин, патриарх Кирилл, Сергей Шойгу, Рамзан Кадыров, Мамсыраты Таймураз, Зӕгъоты Алан ӕмӕ ӕндӕртӕн.
