ЦХИНВАЛ, 3 ноя — Sputnik. Хуссар æфсæддон зылды (ХӔЗ) инженертæ Хуссар Ирыстоны æрæвнæлдтой ахуыргæнæн бынæттæ Дзарцъемы полигоныл рæмудзæн æрмæджытæй, уыдон хъæуы ссыгъдæг кæнын минæтæй 3 мин гектары. Уый тыххæй РИА Новостийæн фехъусын кодта ХӔЗ-ы пресс-службæйы сæргълæууæг Вадим Астафьев.
Ӕдæппæтæй ахуырты сæрдыгон период ХӔЗ-ы æфсæддон базæйы полигонтыл Хуссар Ирыстоны æфсæддон æхстæй ахуырты рæстæджы спайдагонд æрцыд 250 мин хæстæрмæджытæй, уый нымæцы 5 мин къухыл гранатæтæ æмæ 6 мин артиллерион нæмгуытæй.
"Ӕфсæддон службæгæнджытæ æмæ техникæйы æдасдзинады нысанæн, сгарæн мадзæлтты рæстæджы цыдæриддæр зæрдæхсайгæ æмæ рæмудзæн æрмæджытæ ссардæуа, уыдон куынæг цæуыдзысты бынаты", — загъта Астафьев.
Æфсæддон цæттæдзинады полигонтæ ссыгъдæг кæныны фæдыл хæслæвæрдтæ æххæст кæныны рæстæджы æфсæддон инженертæ спайда кæндзысты нырыккон ифтонггарзæй æмæ хъахъхъæнынады фæрæзтæй – неоконтактон рæмудзæн æрмæджытæ агурджытæ ИНВУ "Коршун-3М" æмæ хъахъхъæнæн дарæс "Дублон".
