ЦХИНВАЛ, 26 мар — Sputnik. Хуссар Иырстоны президент Бибылты Анатолий арвыста тæфæрфæсы тел Уæрæсейы президент Владимир Путины номыл Кемеровойы базарадон центртæй иуы æрцæугæ зынгсирвæзты фæдыл, хъусын кæны паддзахады сæргълæууæджы пресс-службæ.
"Базарадон центр "Зимняя вишня"-йы æрцæугæ трагеди мах айстам нæ зæрдæмæ тынг æввахс. Республикæ Хуссар Ирыстоны къухдариуæгад адæмы æмæ сæрмагондæй мæхи номæй тæфæрфæс кæнæм трагедийы амæттæгты хиуæттæ æмæ хæстæджытæн, ацы æбуалгъ трагедийы чи аирвæзт, уыдонæн та нæ зæрдæ зæгъы, цæмæй тагъддæр сæнæниз уой", — дзырдæуы телы.
Зынгсирвæзт цыппаруæладзыгон базарадон центр "Зимняя вишня"-йы Кемеровойы райдыдта хуыцаубоны. Уæрæсейы СК-ы информацимæ гæсгæ, трагедийы амард 53 адæймаджы. Дæсгай адæймæгтæ, уыдон нымæцы сывæллæттæ, нымад цæуынц æбæрæгæй фесæфджытыл.
