Наниты Петр

Путин загъта бузныг ирон диаспорӕйы сӕргълӕууӕгӕн Санкт-Петербурджы

17
(ранӕуӕггонд 16:19 05.07.2018)
Бузныджы фыстӕг ирон диаспорӕйы сӕргълӕууӕгӕн радта УФ президенты минӕвар Цӕгат-Ныгуылӕн Федералон зылды Александр Беглов

ЦХИНВАЛ, 5 июл — Sputnik. Уӕрӕсейы президент Владимир Путин арвыста бузныджы фыстӕг Санкт-Петербург ӕмӕ Ленинградон областы ирон диаспорӕйы сӕргълӕууӕг Наниты Петрӕн, активон хайад кӕй иста Уӕрӕсейы Федерацийы президенты равзӕрсты, уый тыххӕй, хъусын кӕны Цӕгат-Ныгуылӕн Федералон зылды РЦИ-Аланийы минӕварады пресс-службӕ.

Бузныджы фыстӕг ирон диаспорӕйы сӕргълӕууӕгӕн радта Уӕрӕсейы Федерацийы президенты минӕвар Цӕгат-Ныгуылӕн Федералон зылды Александр Беглов.

Наниты Петр Санкт-Петербурджы ирон диаспорӕйы сӕргълӕууӕг у 2015 азӕй фӕстӕмӕ. Ивгъуыд ӕзты уый бакодта егъау куыст, цӕмӕй культурӕ, традицитӕ ӕмӕ ӕгъдӕуттӕ бавӕра не 'мбӕстӕгтӕн, кӕцытӕ цӕрынц цӕгаттаг столицӕйы.

Наниты Петр у дунейон, Европӕйы ӕмӕ ССРЦ чемпион уӕгъдибар хъӕсбыстӕй, спорты сгуыхт мастер. Активон архайд  Санкт-Петербурджы ирон диаспорӕ ӕмӕ Ирон фӕсивӕды цӕдисы райдыдта 1985 азӕй фӕстӕмӕ, спортӕй куы ацыд, уӕд.

17