Фыдохы мадзал

Мӕскуыйы ссыгътой цырӕгътӕ Хуссар Иры 2008 азы хӕсты амӕттӕгтӕн

12
(ранӕуӕггонд 11:44 08.08.2019)
Мысӕн акци, кӕцы уыд нывонд Хуссар Ирыстоны ныхмӕ Гуырдзыстоны агрессийы радон афӕдзыбонӕн, ацыд республикӕйы минӕварады территорийыл

ЦХИНВАЛ, 8 авг - Sputnik, Диана Уалион. Хуссар Ирыстоны тырыса, кӕцы фӕйлауы республикӕйы минӕварады бӕстыхайы сӕрмӕ Мӕскуыйы, абон, фыдохы боны, ӕруагътой бынмӕ.

Бӕстыхайы цурмӕ ӕрӕмбырд сты адӕм, цӕмӕй ӕрымысой, 2008 азы хӕсты чи нӕ аирвӕзт, уыдон рухс нӕмттӕ: ссыгътой цырӕгътӕ, хастой дидинджытӕ, мысыдысты уыцы ӕбуалгъ хӕсты цаутӕ.

Хуссар Иры минӕвар Гасситы Знауыр радзырдта журналисттӕн гуырдзиаг акци "Чистое поле"-йы тыххӕй ӕмӕ банысан кодта, уый кӕй уыд 1920-ӕм ӕмӕ 1990-ӕм ӕзты геноциды дарддӕрдзу.

"Нӕ адӕм цагъды нӕ баййӕфтой ӕрмӕстдӕр уӕрӕсейаг фидауынгӕнджытӕ, хӕстон дӕлхайӕдтӕ ӕмӕ ирон ӕфсӕддонты фӕрцы", - банысан кодта минӕвар.

Йӕ раныхасы кӕронбӕттӕны Гасситы Знауыр банысан кодта, Гуырдзыстон абон дӕр кӕй нӕ уадзы ирон адӕмӕн радон геноцид саразыны фӕлвӕрдтытӕ.

В Москве зажгли свечи в память о трагических событиях 2008 года
© Sputnik / Диана Уалион
Мӕскуыйы ссыгътой цырӕгътӕ Хуссар Иры 2008 азы хӕсты амӕттӕгтӕн

Мысӕн мадзӕлттӕ Мӕскуыйы цӕудзысты дыууӕ боны дӕргъы. Чырысти Ирвӕзынгӕнӕджы аргъуаны Алайнаг кӕрты уагъд ӕрцӕудзӕн панихидӕтӕ фӕмардуӕвджыты номыл.

12