УФ хицауады бæстыхай

Уæрæсе фæхуымæтæгдæр кæндзæн Хуссар Ирмæ æртаджы æрбаласты уавæртæ

27
(ранӕуӕггонд 12:05 29.08.2019)
Протоколы ратификацийы фæдыл законы проектмæ, кæцы фæхуымæтæг кæндзæн Хуссар Ирмæ æртаджы продукцийы экспорт, æркæсдзысты УФ хицауады

ЦХИНВАЛ, 29 авг - Sputnik. Уæрæсейы Федерацийы министрты кабинет цыппæрæмы æркæсдзæн протоколы ратификацийы фæдыл законы проектмæ, кæцымæ гæсгæ Хуссар Ирыстонмæ æртаджы продукцийы æрбаласт фæхуымæтæгдæр уыдзæн, хъусын кæны хицауады пресс-службæ.

Документ бафыстой 2019 азы 6 майы.

"Протоколмæ гæсгæ, Хуссар Ирыстоны территоримæ нефты продуктты (æрдзон газæй дарддæр) экспорт цæудзæн æнæ периодикон рæстæгон таможнæйон декларацийæ", - дзырдæуы хъусинаджы.

Банысан ма æрцыд, протокол кæй бахæсдзæн ивындзинæдтæ базайрæгты уæйы фæдыл РХИ æмæ УФ хсæн бадзырдмæ, кæцы бафыстæуыд 2012 азы 2 марты. 

Протоколы реализаци фæахъаз уыдзæн уæрæсейаг-хуссарирыстойнаг базарадон-экономикон æгуыстады райтынгæн, бафтыдтой министрты кабинеты.

27
Ленингор

Хуссар Иры Ленингоры районы ссардтой нӕлгоймаджы мӕрдон буар

4
(ранӕуӕггонд 16:08 15.06.2021)
Прокуратурӕ сгары цауы ӕууӕлтӕ, районы цӕрӕджы мӕлӕты аххосаг нырма бӕрӕг нӕу

ЦХИНВАЛ, 15 июн – Sputnik, Хъуылымбегты Азӕмӕт. Ленингоры районы йӕ хӕдзары кӕрты ссардтой 70-аздзыд бынӕттон цӕрӕджы мӕрдон буар, фехъусын кодта Sputnik районы прокуратурӕйы фӕдагурӕг Бязырты Алан.

Йӕ ныхӕстӕм гӕсгӕ, амӕлӕты аххосаг нырма бӕрӕг нӕу, уагъд цӕуы экспертизӕ. Социалон хызӕгты фӕзынд хъусинаг, ома нӕлгоймаг ӕрӕджы ӕрыздӕхт Гуырдзыстонӕй ӕмӕ хъуамӕ уыдаид карантиныл районы рынчындоны.

"Ацы нӕлгоймаг карантиныл кӕй хъуамӕ уыдаид, уый фӕдыл мӕм информаци нӕй. Уый уыд куырм ӕмӕ гӕнӕн ис ахаудаид, фӕлӕ уый у развӕлгъау верси, нырма хъуамӕ ауадзой экспертизӕ", - загъта Бязырты Алан.

Барадхъахъхъӕнӕг органтӕ бӕрӕг кӕнынц нӕлгоймаджы амӕлӕты аххосæгтӕ.

4
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

3
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

3