Президентон æвзæрстытæ Абхазы

Хуссар Ир ногæй арвитдзæн цæстдарджыты Абхазы æвзæрстытæм

14
(ранӕуӕггонд 14:24 06.09.2019)
Президентон æвзæрстыты дыккаг тур ацæудзæн хуыцаубоны. Бæстæйы уæлдæр постыл стох кæндзысты архайгæ президент æмæ оппозицион партийы лидер

ЦХИНВАЛ, 6 сен - Sputnik, Гæбæраты Элина. Хуссар Ирыстоны минæвæрттæ суыдзысты æхсæнадæмон цæстарджытæ Абхазы президенты æвзæрстыты дыккаг туры,  фехъусын кодта Sputnik делегацийы уæнг, РХИ президенты администрацийы сæргълæууæджы фыццаг хæдивæг Джуссойты Алан.

Хуссар Ирыстонæй делегаци ацæудзæн майрæмбоны, Джуссойты Аланимæ ма æвзæрстытæм йæ хъус дардзæн парламенты фыццаг вице-спикер Гасситы Петр. Фыццаг туры ма семæ уыд Централон æвзарæн къамисы минæвар Авлохты Кристина.

"Дыккаг турмæ Абхаз нæ хоны Централон æвзарæн къамисæй делегатты, зæгъгæ, уыдон уыдысты фыццаг туры,уавæрмæ сæ хъус дардтой, алцыдæр уыд нывыл", - загъта Джуссойты Алан.

Йæ ныхæстæм гæсгæ, президентон æвзæрстыты интригæ хъахъхъæд æрцыд дыккаг туры дæр.

"Мæнæн тынг цымидисаг у Абхазы æвзæртытæм хъус дарын. Адæмимæ хуыздæр цы кандидат бакуса, уый райсдзæн хъæлæсты фылдæр", - бахахх кодта президенты администрацийы минæвар.

Абхазы президентон æвзæрстытæ ацыдысты 25 августы. Фыццаг тур уæлахиздзауы нæ рафæлгъаудта, уымæ гæсгæ, 8 сентябры ацæудзæн дыккаг хъæлæсæппæрст. Бæстæйы уæлдæр постыл стох кæндзысты архайгæ президент æмæ оппозицион партийы лидер.

14
Михаил Кожухов

Михаил Кожухов æрцæудзæн Цæгат Ирыстонмæ

3
(ранӕуӕггонд 14:42 10.07.2020)
Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ

ЦХИНВАЛ, 10 июл — Sputnik. Зындгонд уæрæсейаг журналист, "Клуб путешественников"-ы президент Михаил Кожухов июлы æрцæудзæн Цæгат Ирыстонмæ 12 туристимæ. Уый тыххæй журналист ныффыста йæ фырсыл Instagram, хъусын кæны 15 регион.

"Мах фæндыд радзурын сымахæн Цæгат Ирыстоны рæсугъддзинады тыххæй, фæлæ ахъуыды кодтам, къамтæ мах бæсты алцыдæр хуыздæр кæй зæгъдзысты. Кæй зæгъын æй хъæуы, Ирыстонмæ балц фылдæр рæсугъддзинады тыххæй нæу, фæлæ адæмы тыххæй. Чи сты ирæттæ, цавæр куывдтытæ зæгъынц сæ фынгтыл, куыд цæрынц хæххон хъæуты, кæнынц зындгон уæлибыхтæ æмæ кафынц Хæххон кæфтытæ", - ныффыста Кожухов.

Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ.

уыдон Ирыстоны уазæгуаты уыдзысты 15-20 июлы.

3
Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

8
(ранӕуӕггонд 16:01 10.07.2020)
Республикӕйы ПӔК Арӕнгӕрон службӕ ӕрцахста Гуырдзыстоны Горийы муниципалитеты цӕрӕджы къуырийы размӕ, радзырдтой комитеты

ЦХИНВАЛ, 10 июл - Sputnik. Хуссар Ирыстоны ӕрцахстой Гуырдзыстонимӕ арӕн фехалӕджы, нӕлгоймаджы бакодтой карантины, хъусын кӕны республикӕйы Паддзахадон ӕдасдзинады комитеты (ПӔК) пресс-службӕ.

Горийы муниципалитеты Меджврисхевийы хъӕуы цӕрӕджы ӕрцахстой арӕн хъахъхъӕнджытӕ Хуссар Ирыстоны паддзахадон арӕны режим фехалыны тыххӕй майрӕмбоны, 3 июлы, республикӕйы Цхинвалы районы цӕрӕг пункт Адзысӕры цур.

"Ныртӕккӕ арӕнсӕттӕджы сизоляци кодтой ӕмӕ йӕ арвыстой карантинмӕ, цӕмӕй ма ’руадзой коронавирусы апарахат", - банысан кодтой Паддзахадон ӕдасдзинады комитеты пресс-службӕйы.

Уагдоны бафтыдтой, Арӕнгӕрон службӕ кӕй уадзы равзӕрстытӕ ацы цауы фӕдыл.

8