Рауль Хаджимбайы балц Хуссар Ирыстонмӕ

Бибылты Анатолий раарфӕ кодта Абхазы равзӕрстгонд президентӕн

22
(ранӕуӕггонд 14:34 09.09.2019)
Республикӕйы сӕргълӕууӕг телефонӕй ныхасы раарфӕ кодта йӕ коллегӕйӕн ӕвзӕрстыты дыккаг туры уӕлахизы тыххӕй

ЦХИНВАЛ, 9 сен - Sputnik. Хуссар Ирыстоны президент Бибылты Анатолий раарфӕ кодта Райль Хаджимбайӕн Абхазы президентой ӕвзӕрстыты уӕлахизы тыххӕй. 

Абхазы президентон ӕвзӕрстытӕ ацыдысты 8 сентябры. Централон ӕвзарӕн къамисы бӕрӕггӕнӕнтӕм гӕсгӕ, Рауль Хаджимба райста хъӕлӕсты 47,38%.

Телефонӕй ныхасы Бибылты Анатолий равдыста ныфс, Хаджимбайы уӕлахиз хорзӕрдӕм кӕй бандавдзӕн республикӕйы размӕцыдыл.

"Уырны мӕ, дӕ уарзондзинад райгуырӕн бӕстӕм, бӕрн ӕмӕ куыстхъомдзинад кӕй фӕахъаз уыдзысты Абхазы динамикон райрӕзтӕн ӕмӕ республикӕйӕн уыдзӕн ноджы фылдӕр ӕнтыстытӕ", - хъусын кӕны президенты ныхӕстӕ йӕ пресс-секретарь Гасситы Дина.

Республикӕты сӕргълӕуджытӕ баныхас кодтой Хуссар Ир ӕмӕ Абхазы хсӕн дыууӕварсон ахастытӕ дарддӕр дӕр фидар кӕныныл.

22

Цæгат Иры райдыдтой дæттын фиддонтæ медиктæн

3
(ранӕуӕггонд 15:54 04.06.2020)
Фиддонтæ райсдзысты коронавирусы инфекцийæ рынчын пациенттимæ чи архайы,уыцы медиктæ

ЦХИНВАЛ, 4 июн – Sputnik. Цæгат Ирыстоны коронавирусы инфекци парахат кæныны рæстæг чи фæллой кæны, уыцы медицинон кусджытæ райдыдтой æхцайы компенсацитæ исын, хъусын кæны 15 регион.

Иу хаттæн фиддонты бæрц у 68 мины 800 сомы

"Фиддонтæ æмбæлынц, инфекци лабораторон уагæй кæмæ раиртæстой, уыдонæн. Уымæй дарддæр, æхца исдзысты, сæрмагондæй коронавирусæй рынчын пациентты чи дзæбæх кодта, уыцы медицинон кусджытæ", - дзырдæуы хъусинаджы.

Хъусинаджы ма нысан æрцыд, медицинон кусæг кæд коронавирусы инфекцийæ амарди, уæд компенсаци бафиддзысты йæ бинонтæн.

3
Уӕрӕсейы бон

Хуссар Иры цӕрджытӕм ӕнхъӕлмӕ кӕсы цыбыр кусӕгон къуыри

2
(ранӕуӕггонд 12:45 04.06.2020)
Республикӕйы уыдзӕн ӕртӕ улӕфт боны июны райдайӕны бӕрӕгбонтӕ ӕмӕ зӕрдылдарӕн датӕты къӕлиндармӕ гӕсгӕ

ЦХИНВАЛ, 4 июн - Sputnik. Хуссар Ирыстоны фидӕн къуыри уыдзӕн цыбыр Уӕрӕсейы боны фӕдыл.

Хуссар Ирыстоны бӕрӕгбонтӕ ӕмӕ зӕрдылдарӕн датӕты къӕлиндармӕ гӕсгӕ, афтӕ ма республикӕйы уӕвӕг фӕллойадон законады нормӕтӕм гӕсгӕ, бӕрӕгбоны цытӕн республикӕйы уыдзӕн ӕртӕ улӕфт боны.

Хуссар Ирыстоны цӕрджытӕ улӕфдзысты майрӕмбоны, сабаты ӕмӕ хуыцаубоны, 12-ӕй 14-ӕм июньмӕ.

Уӕрӕсейы бон, кӕцы нысан кӕнынц 12 июны, нымайынц Уӕрӕсейы иууыл ӕвзонгдӕр паддзахадон бӕрӕгбонтӕй сӕ иу. Нысан ӕй кӕнынц 1990 азӕй фӕстӕмӕ, Бӕстӕйы хӕдбардзинады фӕдыл деклараци куы бафыстой, уӕд.

2