Уæрæсейы Паддзахадон думæйы депутат Виктор Водолацкий

Ирон адæмы геноцид банымайыныл бакусдзысты Паддзахадон думæйы фракцитæ иууылдæр

35
(ранӕуӕггонд 15:20 12.09.2019)
Уæрæсейы Паддзахадон думæйы депутат Виктор Водолацкий радзырдта сæрмагонд къорды тыххæй, кæцы бакусдзæн 1920 азы ирон адæмы геноцид банымайыны фарстыл

ЦХИНВАЛ, 12 сен - Sputnik. Уæрæсейы Паддзахадон Думæйы кусæгон къордмæ, кæцы архайдзæн 1920 азы ирон адæмы геноцид банымайыныл, бацыдысты парламенты фракцитæ иууылдæр, фехъусын кодта Sputnik ХПӔ хъуыддæгтæ, евразиаг интеграци æмæ æмбæстæгтимæ бастдзинæдты фæдыл комитеты сæргълæууæг Виктор Водолацкий.

Амӕйразмӕ Хуссар Ирыстоны депутаттӕ барвыстой куырдиат ирӕтты геноцид банымайыны фӕдыл Уӕрӕсейы Паддзахадон думӕмӕ ӕмӕ Федерацийы Советмӕ. Уӕрӕсейы Федерацийы Паддзахадон думӕйы спикер Вячеслав Володин фехъусын кодта, Думӕйы Совет кӕй ӕркӕсдзӕн куырдиатмӕ ӕввахсдӕр рабадтыл. Ацы фарсты фæдыл ДУмæйы арæзт æрцыд сæрмагонд кусæгон къорд, йæ сæргъ слæууыд Водолацкий.

Уый банысан кодта, æввахс рæстæджы кæй арвитдзысты куырдиæттæ Уæрæсейы зонæдты академи æмæ историон æхсæнадтæм, цæмæй кусæгон къордмæ æрбарвитой экспертты.

"Ӕввахс 10 боны мах æрæмбырд кæндзыстæм кусæгон къорды æмæ бадзурдзыстæм куысты фæткыл, цæмæй нын стæй нæ хуссарирыстойнаг коллегæтæ бавдисой, цыдæриддæр сæм æрмæджытæ ис геноциды фæдыл, уыдон. Уæд кусæгон къорд лæмбынæг сахуыр кæндзæн 1920 азы цаутæ иууылдæр", - загъта депутат.

Йæ ныхæстæм гæсгæ, куы бахъæуа, уæд кусæгон къорды уæнгтæ æрцæудзысты Цхинвалмæ дæр, цæмæй бынаты бакусой фарстыл. Афтæ ма Водолацкий равдыста ныфс, Хуссар Ирыстоны парламентарийтæ æмæ зонадон кусджытæ сын кæй бакæндзысты алыварсон æххуыс.

35
Михаил Кожухов

Михаил Кожухов æрцæудзæн Цæгат Ирыстонмæ

4
(ранӕуӕггонд 14:42 10.07.2020)
Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ

ЦХИНВАЛ, 10 июл — Sputnik. Зындгонд уæрæсейаг журналист, "Клуб путешественников"-ы президент Михаил Кожухов июлы æрцæудзæн Цæгат Ирыстонмæ 12 туристимæ. Уый тыххæй журналист ныффыста йæ фырсыл Instagram, хъусын кæны 15 регион.

"Мах фæндыд радзурын сымахæн Цæгат Ирыстоны рæсугъддзинады тыххæй, фæлæ ахъуыды кодтам, къамтæ мах бæсты алцыдæр хуыздæр кæй зæгъдзысты. Кæй зæгъын æй хъæуы, Ирыстонмæ балц фылдæр рæсугъддзинады тыххæй нæу, фæлæ адæмы тыххæй. Чи сты ирæттæ, цавæр куывдтытæ зæгъынц сæ фынгтыл, куыд цæрынц хæххон хъæуты, кæнынц зындгон уæлибыхтæ æмæ кафынц Хæххон кæфтытæ", - ныффыста Кожухов.

Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ.

уыдон Ирыстоны уазæгуаты уыдзысты 15-20 июлы.

4
Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

9
(ранӕуӕггонд 16:01 10.07.2020)
Республикӕйы ПӔК Арӕнгӕрон службӕ ӕрцахста Гуырдзыстоны Горийы муниципалитеты цӕрӕджы къуырийы размӕ, радзырдтой комитеты

ЦХИНВАЛ, 10 июл - Sputnik. Хуссар Ирыстоны ӕрцахстой Гуырдзыстонимӕ арӕн фехалӕджы, нӕлгоймаджы бакодтой карантины, хъусын кӕны республикӕйы Паддзахадон ӕдасдзинады комитеты (ПӔК) пресс-службӕ.

Горийы муниципалитеты Меджврисхевийы хъӕуы цӕрӕджы ӕрцахстой арӕн хъахъхъӕнджытӕ Хуссар Ирыстоны паддзахадон арӕны режим фехалыны тыххӕй майрӕмбоны, 3 июлы, республикӕйы Цхинвалы районы цӕрӕг пункт Адзысӕры цур.

"Ныртӕккӕ арӕнсӕттӕджы сизоляци кодтой ӕмӕ йӕ арвыстой карантинмӕ, цӕмӕй ма ’руадзой коронавирусы апарахат", - банысан кодтой Паддзахадон ӕдасдзинады комитеты пресс-службӕйы.

Уагдоны бафтыдтой, Арӕнгӕрон службӕ кӕй уадзы равзӕрстытӕ ацы цауы фӕдыл.

9