Дзиццойты Юрий

Бурхохы миф: Хуссарирыстойнаг ахуыргонд хайад райста æхсæнадæмон зонадон конференцийы

71
(ранӕуӕггонд 16:10 26.09.2019)
Мадзалы æдæппæтæй архайдта 150 ахуыргонды дунейы 12 бæстæйæ, Дзиццойты Юрий уыд иунæг минæвар æгас Кавказæй

ЦХИНВАЛ, 26 сен – Sputnik, Плиты Фатимæ. Хуссар Ирыстоны паддзахадон университеты ирон æмæ иумæйаг æвзагзонынады кафедрайы сæргълæууæг, филологон зонæдты кандидат, доцент Дзиццойты Юрий хайад райста IV Ӕхсæнадæмон зонадон конференци "Этнолингвистика. Ономастика. Этимология"-йы Екатеринбурджы. Ахуыргонд сарæзта доклад Ирыстоны бæрзонддæр хæхтæй иу - Бурхохы тыххæй.

Дзиццойты Юрий йæ куысты "Реликты мифа о похищении сомы в топонимии Южной Осетии" сахуыр кодта Бурхохы фæдыл мифтæ æмæ сарæзта абарстытæ рагон индиаг таурæгътимæ.

Ахуыргонды ныхæстæм гæсгæ, Бурхох науæд та Бурсамдзелийы тыххæй ирон адæммæ бирæ мифтæ ис, уыдонæй цалдæры дзырд цæуы, зæгъгæ, Бурхохы сæрмæ уыд сыгъзæринæй галуан, йæ фарсмæ кувæндон, уым уыд Ӕлутон - ритуалон нозт, бæгæныйы иу хуыз æмæ йæ адавтой.

"Ацы миф Кавказы никæцы адæммæ æмбæлы, æрмæстдæр ис рагон индиæгтæм раст ахæм хуызы, уыдонæн сæ ритуалон нозт хуыйны сома, науæд амрида. Мæ куысты канд Бурхохы мифтæ нæ сахуыр кодтон, фæлæ ма сарæзтон абарстытæ рагон индийаг таурæгъимæ. Уыцы мифтæ æмæ йæ рагон индиаг параллельтæ дзурæг сты, ирæттæ Кавказы рагон цæрджытæ кæй сты, ууыл. Сæ алыварс географион объекттæ индоевропейаг æмæ индоирайнаг мотивтимæ баст кæй сты, æрмæст уыцы фактæй дæр зыны, ирон адæм ам аборигентæ кæй сты", - зæгъы Дзиццойты Юрий.

Уый ма радзырдта, æхсæнадæмон фæзуаты ахуыргæндты архайдæн кæй ис æвæрццаг æндæвдад бæстæйы номыл.

"Зонадон форумæн йæ мидис уый мидæг дæр ис æмæ базонгæ уай дæ коллегæтимæ, семæ бастдзинадтæ скæнай. Стæй сын бамбарын кодтон Хуссар Иры статус, кæй у хæдбар бæстæ. Æрдзырдтон польшæйаг ахуыргæндтимæ нæ фыдæлтæ сæрмæтты тыххæй, уыцы тема сын тынг цымыдисон у æмæ мæ хонынц мыхуыр кæнын сæ журналты дæр", - бафтыдта уый.

Конференци цыд æртæ хаххыл - этнолингвистика, ономастика, этимологи. Ацы фадгуыты дунейы хуыздæр ахуыргæндтæ сарæзтой докладтæ. Мадзал цыд цыппар боны дæргъы. Уæрæсейаг ахуыргæндтæ стыр хъусдард аздæхтой диалекттæ æмæ ныхасыздæхтытæ сахуыр кæнынмæ. Доклад цы фарстытыл дзырд цыд, уыдон бацæудзысты Топонимийы радон томмæ. 1996 азы та æрмæг рацыд журнал "Фидиуæгы".

Зонадон командировкæйы архуыргонды арвыста ХИПУ. Мадзалы æдæппæтæй архайдта 150 ахуыргонды дунейы 12 бæстæйæ, Дзиццойты Юрий уыд иунæг ахуыргонд æгас Кавказæй.

71
Михаил Кожухов

Михаил Кожухов æрцæудзæн Цæгат Ирыстонмæ

3
(ранӕуӕггонд 14:42 10.07.2020)
Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ

ЦХИНВАЛ, 10 июл — Sputnik. Зындгонд уæрæсейаг журналист, "Клуб путешественников"-ы президент Михаил Кожухов июлы æрцæудзæн Цæгат Ирыстонмæ 12 туристимæ. Уый тыххæй журналист ныффыста йæ фырсыл Instagram, хъусын кæны 15 регион.

"Мах фæндыд радзурын сымахæн Цæгат Ирыстоны рæсугъддзинады тыххæй, фæлæ ахъуыды кодтам, къамтæ мах бæсты алцыдæр хуыздæр кæй зæгъдзысты. Кæй зæгъын æй хъæуы, Ирыстонмæ балц фылдæр рæсугъддзинады тыххæй нæу, фæлæ адæмы тыххæй. Чи сты ирæттæ, цавæр куывдтытæ зæгъынц сæ фынгтыл, куыд цæрынц хæххон хъæуты, кæнынц зындгон уæлибыхтæ æмæ кафынц Хæххон кæфтытæ", - ныффыста Кожухов.

Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ.

уыдон Ирыстоны уазæгуаты уыдзысты 15-20 июлы.

3
Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

8
(ранӕуӕггонд 16:01 10.07.2020)
Республикӕйы ПӔК Арӕнгӕрон службӕ ӕрцахста Гуырдзыстоны Горийы муниципалитеты цӕрӕджы къуырийы размӕ, радзырдтой комитеты

ЦХИНВАЛ, 10 июл - Sputnik. Хуссар Ирыстоны ӕрцахстой Гуырдзыстонимӕ арӕн фехалӕджы, нӕлгоймаджы бакодтой карантины, хъусын кӕны республикӕйы Паддзахадон ӕдасдзинады комитеты (ПӔК) пресс-службӕ.

Горийы муниципалитеты Меджврисхевийы хъӕуы цӕрӕджы ӕрцахстой арӕн хъахъхъӕнджытӕ Хуссар Ирыстоны паддзахадон арӕны режим фехалыны тыххӕй майрӕмбоны, 3 июлы, республикӕйы Цхинвалы районы цӕрӕг пункт Адзысӕры цур.

"Ныртӕккӕ арӕнсӕттӕджы сизоляци кодтой ӕмӕ йӕ арвыстой карантинмӕ, цӕмӕй ма ’руадзой коронавирусы апарахат", - банысан кодтой Паддзахадон ӕдасдзинады комитеты пресс-службӕйы.

Уагдоны бафтыдтой, Арӕнгӕрон службӕ кӕй уадзы равзӕрстытӕ ацы цауы фӕдыл.

8