Сæнайы хохмæ сцыд

Сæнайы хохмæ сцыд: Хуссар Иры альпинисттæ басастой Кавказы бæрзонддæр хæхтæй иу

81
(ранӕуӕггонд 23:12 27.09.2019)
Сæнайы хох æвæрд у 5033,8 метры бæрзæндыл, уырдæм къорд æхсæз адæймаджы скондæй хызт фондз боны дæргъы

ЦХИНВАЛ, 27 сен – Sputnik, Плиты Фатимæ. Хуссар Иры альпинистты къорд схызт Цæгат Ирыстоны æппæты бæрзонддæр Сæнайы хохы цъуппмæ. Хохы бæрзæндмæ къорд цыд фондз боны, фехъусын кодта Sputnik сцыды архайæг, парламенты депутат Мулдарты Гарри.

Восхождение на гору Казбек
Из личного архива Марата Багаева
Сæнайы хохмæ сцыд

Сцыд снывонд кодтой Хуссар Иры паддзахадон тырысайы бонæн. Сæнайы хох æвæрд у 5033,8 метры бæрзæндыл.

"Хохы бæрзæндмæ къорд цыд фондз боны дæргъы туаггуыры цухдзинад æмæ хæххоны низы фæзынды тасимæ. Дыккаг хатт уыдтæн ацы хохы бæрзæндыл, раст иу азы размæ сцыды рæстæджы мах баййæфтам асæст боныгъæд, фæлæ ацы хатт боныгъæд дæр немæ æмдзу кодта – иттæг хорз зындысты Хуссар Иры хæхтæ æмæ Эльбрус" , - загъта Мулдарты Гарри.

Альпинистты къорды сконды уыд 6 адæймаджы, се ʻхсæн чызг Джиоты Ирэн дæр.

"Хохы бæрзæндыл æрсагътам Хуссар Ир æмæ УФ паддзахадон тырысатæ, скуывтам дыууæ бæстæйы размæцыдæн", - загъта Sputnik сцыды архайæг, МХМ æххуысгæнæг Багаты Марат.

Сцыды архайджыты фылдæр бæрц уыдысты тыхон структурæты минæвæрттæ. Балц арæзт æрцыд президент Бибылты Анатолийы хæслæвæрдмæ гæсгæ æмæ Ӕдасдзинады советы сæрдар Уалыты Валерийы æмархайдæй.

  • Сæнайы хохмæ сцыд
    Сæнайы хохмæ сцыд
    Из личного архива Марата Багаева
  • Сæнайы хохмæ сцыд
    Сæнайы хохмæ сцыд
    Из личного архива Марата Багаева
  • Сæнайы хохмæ сцыд
    Сæнайы хохмæ сцыд
    Из личного архива Марата Багаева
  • Сæнайы хохмæ сцыд
    Сæнайы хохмæ сцыд
    Из личного архива Марата Багаева
  • Сæнайы хохмæ сцыд
    Сæнайы хохмæ сцыд
    Из личного архива Марата Багаева
1 / 5
Из личного архива Марата Багаева
Сæнайы хохмæ сцыд
81
Ирон хъазт

Сног кӕндзысты традици: Цхинвалы райдайдзысты уадзын "Ирон хъазт"

2
(ранӕуӕггонд 10:11 07.07.2020)
Ирон кафты изӕртӕ райдайдзысты 7 июлӕй ӕмӕ уагъд цӕудзысты ӕнӕхъӕнӕн сӕрдыгон сезоны дӕргъы

ЦХИНВАЛ, 7 июл – Sputnik, Гӕбӕраты Элина. Цхинвалы сног кӕндзысты националон кафты изӕртӕ "Ирон хъазт", фехъусын кодтой столицӕйы администрацийы пресс-службӕйы.

Ивгъуыд ӕзты уагъд цыдысты ахӕм кафӕн изӕртӕ, кӕцытӕ уыдысты тынг популярон Цхинвалы фӕсивӕды хсӕн.

"Столицӕ ӕмӕ районты фӕсивӕдӕн уыдзӕн фадат равдисын сӕ кафыны курдиат", - банысан кодтой пресс-службӕ.

Администрацийы бафтыдтой, зӕгъгӕ, националон кафты изӕртӕ райдайдзысты 7 июлы ӕмӕ уагъд цӕудзысты ӕнӕхъӕн сӕрдыгон сезоны дӕргъы. Изӕрты организатор у горӕты администрацийы культурӕйы хайад.

Цхинвалы карантинон мадзӕлттӕ сисыны фӕстӕ ацыд ацы аз фыццаг "Ирон хъазт", уый снывонд кодтой Фӕсивӕды бонӕн, мадзал сорганизаци кодта горӕты администраци фӕсивӕдон организаци "Иугонд Алани"-йы ӕмархайдӕй.

2
ХИПУ

ХИПУ-йы йӕ куыст райдыдта исӕн къамис

5
(ранӕуӕггонд 12:28 07.07.2020)
Уӕлдӕр ахуыргӕнӕн уагдон цы 12 факультеты ис, уыдонмӕ ма бафтыд ацы аз ноджы иу - театралон

ЦХИНВАЙЛ , 7 июл — Sputnik, Плиты Фатимӕ. Хуссар Ирыстоны паддзахадон университеты йӕ куыст срӕвдз кодта исӕн къамис. Бӕстӕйы сӕйраг уӕлдӕр ахуыргӕнӕндон абитуриенттӕн ӕнхъары равзарын 13 дӕсныйадӕй боны хайады, ахуырад райсӕн ис фӕсаууонмӕ хайадты дӕр, хъусын кӕны вузы пресс-службӕ.

Ацы аз ХИПУ-йы уӕлӕмхасӕй бакодтой ног факультет - театралон хаххыл.

Уӕлдӕр ахуыргӕнӕн уагдоны ис боны хайады ис 13 дӕсныйады, фӕсаууонмӕ хайады ис 7 хаххӕй равзарӕн, ноджы ма ацы формӕйы уӕлдӕр ахуырад райсӕн ис коммерцион бындурыл - ам та ис фарст профессийы.

Уагдоны хъусинагмӕ гӕсгӕ, майданимӕ ахуыр чи фӕцис, уыдон дӕттынц фыццаг фӕлварӕн, кӕд ӕй фондзыл ратта, уӕд сӕрибар у иннӕ фӕлварӕнтӕй.

Исӕн къамис йӕ куыст срӕвдз кодта июлы райдайӕны ӕмӕ гӕххӕтытӕ ист цӕудзысты 15 июльмӕ.

5