С.Г. Попов ӕмӕ П.Д. Елагины сӕйраг хӕдзар

Культурон объект: Хуссар Иры минӕварад ӕрбынат кӕндзӕн рагон бӕстыхайы Мӕскуыйы

12
(ранӕуӕггонд 12:56 03.10.2019)
Бӕстыхай хауы Мӕскуыйы культурон бынтӕм, конд у дыууӕ уӕладзыгӕй мезонин ӕмӕ уӕлхӕдзаримӕ

ЦХИНВАЛ, 3 окт - Sputnik. Рагон бӕстыхай Мӕскуыйы Лялинаг фӕрсуынгыл, цы ран ӕрбынат кӕндзӕн Хуссар Ирыстоны минӕварад Уӕрӕсейы, у федералон нысаниуӕгимӕ культурон бынты объект, хъусын кӕны уӕрӕсейаг столицӕйы капиталон цалцӕджы департамент.

Усадьба С. Г. Попова и П. Д. Елагина
С.Г. Попов ӕмӕ П.Д. Елагины сӕйраг хӕдзар

Уым банысан кодтой, ныртӕккӕ бӕстыхайы кӕронмӕ кӕй фӕхӕццӕ кӕнынк капиталон цалцӕггӕнӕн куыстытӕ ӕмӕ реставраци. Куыстытӕ райдыдтой 2019 азы марты - хӕдзар уыд мӕгуырау уавӕры. Сцӕттӕ уыдзӕн ноябры райдиантӕм. Уӕд ацӕуудзӕн йӕ ног бынатмӕ хуссарирыстойнаг минӕварад дӕр.

"Бӕстыхай у XIX ӕнусы арӕзт ӕмӕ у федералон нысаниуӕгимӕ культурон бынты объект. Уый зындгонд у куыд С.Г. Попов ӕмӕ П.Д. Елагины сӕйраг хӕдзар", - хъусын кӕны департамент.

Раздӕр куыд фехъусын кодтой, афтӕмӕй къуырисӕры цалцӕггӕнӕн куыстытӕ бабӕрӕг кодта РХИ президент Бибылты Анатолий, уый баззад райгондӕй, банысан кодта минӕварады пресс-службӕ.

12
Ирон хъазт

Сног кӕндзысты традици: Цхинвалы райдайдзысты уадзын "Ирон хъазт"

2
(ранӕуӕггонд 10:11 07.07.2020)
Ирон кафты изӕртӕ райдайдзысты 7 июлӕй ӕмӕ уагъд цӕудзысты ӕнӕхъӕнӕн сӕрдыгон сезоны дӕргъы

ЦХИНВАЛ, 7 июл – Sputnik, Гӕбӕраты Элина. Цхинвалы сног кӕндзысты националон кафты изӕртӕ "Ирон хъазт", фехъусын кодтой столицӕйы администрацийы пресс-службӕйы.

Ивгъуыд ӕзты уагъд цыдысты ахӕм кафӕн изӕртӕ, кӕцытӕ уыдысты тынг популярон Цхинвалы фӕсивӕды хсӕн.

"Столицӕ ӕмӕ районты фӕсивӕдӕн уыдзӕн фадат равдисын сӕ кафыны курдиат", - банысан кодтой пресс-службӕ.

Администрацийы бафтыдтой, зӕгъгӕ, националон кафты изӕртӕ райдайдзысты 7 июлы ӕмӕ уагъд цӕудзысты ӕнӕхъӕн сӕрдыгон сезоны дӕргъы. Изӕрты организатор у горӕты администрацийы культурӕйы хайад.

Цхинвалы карантинон мадзӕлттӕ сисыны фӕстӕ ацыд ацы аз фыццаг "Ирон хъазт", уый снывонд кодтой Фӕсивӕды бонӕн, мадзал сорганизаци кодта горӕты администраци фӕсивӕдон организаци "Иугонд Алани"-йы ӕмархайдӕй.

2
ХИПУ

ХИПУ-йы йӕ куыст райдыдта исӕн къамис

5
(ранӕуӕггонд 12:28 07.07.2020)
Уӕлдӕр ахуыргӕнӕн уагдон цы 12 факультеты ис, уыдонмӕ ма бафтыд ацы аз ноджы иу - театралон

ЦХИНВАЙЛ , 7 июл — Sputnik, Плиты Фатимӕ. Хуссар Ирыстоны паддзахадон университеты йӕ куыст срӕвдз кодта исӕн къамис. Бӕстӕйы сӕйраг уӕлдӕр ахуыргӕнӕндон абитуриенттӕн ӕнхъары равзарын 13 дӕсныйадӕй боны хайады, ахуырад райсӕн ис фӕсаууонмӕ хайадты дӕр, хъусын кӕны вузы пресс-службӕ.

Ацы аз ХИПУ-йы уӕлӕмхасӕй бакодтой ног факультет - театралон хаххыл.

Уӕлдӕр ахуыргӕнӕн уагдоны ис боны хайады ис 13 дӕсныйады, фӕсаууонмӕ хайады ис 7 хаххӕй равзарӕн, ноджы ма ацы формӕйы уӕлдӕр ахуырад райсӕн ис коммерцион бындурыл - ам та ис фарст профессийы.

Уагдоны хъусинагмӕ гӕсгӕ, майданимӕ ахуыр чи фӕцис, уыдон дӕттынц фыццаг фӕлварӕн, кӕд ӕй фондзыл ратта, уӕд сӕрибар у иннӕ фӕлварӕнтӕй.

Исӕн къамис йӕ куыст срӕвдз кодта июлы райдайӕны ӕмӕ гӕххӕтытӕ ист цӕудзысты 15 июльмӕ.

5