Ирыстонмæ æрцыд зындгонд ахуыргонд Жорж Дюмезилы фæдон

Ирыстонмæ æрцыд зындгонд ахуыргонд Жорж Дюмезилы фæдон

37
(ранӕуӕггонд 10:25 04.10.2019)
Пьер-Луи Кюрены балц Ирыстоны ахæсдзæн къуырийы бæрц, ахуыргондæн цæуынц фембæлдтæ библиотекæйы, зонадон хаххы уагдæтты, йæ фыдæлы номхæссæг 45-æм скъолайы Дзæуджыхъæуы

ЦХИНВАЛ, 3 окт — Sputnik. Плиты Фатимæ. Цæгат Ирыстонмæ цалдæр боны æмгъуыдмæ фæуазæг ис зындгонд ахуыргонд Жорж Дюмезилы фæдон зындгонд французаг математик Пьер-Луи Кюрен. Ахуыргондæн цæуы фембæлдтæ скъолаты, уагдæтты, цыппæрæмы йæм æнхъæлмæ кæсынц Беслæны. Пьер-Луи Кюрены ʻрцыды тыххæй ныффыста йæ фарсыл Фейсбукы Уæрæсейы зонæдты академийы Дзæуджыхъæуккаг зонадон центры директоры хæстæ рæстæгмæ æххæстгæнæг Цыбырты Алексей.

Пьер-Луи Кюрен
Пьер-Луи Кюрен

Ахуыргондæн цæуы фембæлдтæ библиотекæты, зонадон хаххы уагдæтты, йæ фыдæлы номхæссæг 45-æм скъолайы Дзæуджыхъæуы.

"Махмæ иу къуырийы æмгъуыдмæ æрцыд зындгонд фæдон зындгонд французаг математик Пьер-Луи Кюрен. Уазæгыл сæмбæлдыстæм зындгонд антрополог Сæлбиты Тамир æмæ Цыбырты Тимуримæ. Пьер-Луи Кюрен Ирыстоны уыдзæн къуырийы дæргъы. Йæ балцы фæлгæтты фæнд кæнæм æрзилын Ирыстоныл æмæ ауадзын бирæнымæц фембæлдтæ", - ныффыста уый.

Уый ма æрдзырдта ахуыргондæн йæ зындгонд фыдæлты тыххæй, афтæ Пьер-Луи Кюренæн йæ фыд дæр уыд зындгонд ахуыргонд.

"Кæд йæ фыды фыд Жорж Дюмезилы ном Ирыстоны хъуыстгонд у, уæд йæ фыд къаддæр ахуыргонд нæу. Юбер Кюрен (Hubert Curien) 1976 - 1984 æзты уыд Францы космикон иртæстты национ центры президент. 1984- 1986 æмæ 1988 -1993  æзты уыд Францы зонад æмæ космосы фæдыл министр. Уый рæстæджы срæвдз кодтой ракетæ Ариан, йæ рæстæджы фæзынд компани Арианспейс, йæ дуджы атахт фыццаг французаг космонавт" – ныффыста Цыбырты Алексей.

Жорж Дюмезиль и Пьер-Луи Кюрен
Жорж Дюмезиль æмæ йæ фæдон Пьер-Луи Кюрен
37
Ерман

Ног маршрут: Хуссар Иры альпинисттӕ схиздзысты Хъӕдласӕны хохмӕ

7
(ранӕуӕггонд 11:51 22.10.2020)
Къорд ивгъуыд къуыри та ӕрыздӕхт Бурхохӕй, Хуссар Ирыстоны иууыл бӕрзонддӕр ӕфцӕгыл кувӕндоны бафӕдзӕхстой республикӕйы цӕрджыты коронавирусы апарахаты дуджы

ЦХИНВАЛ, 22 окт - Sputnik, Плиты Фатимӕ. Хуссар Ирыстоны альпинистты къорд схиздзӕн Дзауы районы Хъӕдласӕны хохы бӕрзӕнмӕ, фехъусын кодта Sputnik балцгӕнджытӕй иу Багаты Марат.

Къорд ивгъуыд къуыри та ӕрыздӕхт Бурхохӕй, Хуссар Ирыстоны иууыл бӕрзонддӕр ӕфцӕгыл кувӕндоны бафӕдзӕхстой республикӕйы цӕрджыты коронавирусы апарахаты дуджы. 

"Хъӕдласӕн хохмӕ никуыма ахызтыстӕм, нымад цӕуы зынвадатыл. Ис Ерманы хъӕуы сӕрмӕ галиу фарс. Нӕ планмӕ гӕсгӕ хъуамӕ афӕндараст уӕм майрӕмбоны ӕмӕ хуыцаубоны фӕстӕмӕ сӕмбӕлӕм нӕ хӕдзӕрттыл.  Йӕ бӕрзӕндыл ӕрсадздзыстӕм ирон тырыса", - загъта Марат.

Альпинист банысан кодта, Хъӕдласӕнмӕ уӕлӕмӕ сцыд кӕй ахсы ӕхсӕз сахатмӕ ӕввахс, фӕстӕмӕ та - цыппар.

7
Цхинвалы сӕйраг фонтаны фӕлвӕрдон скуыст

Театралон фӕзуатыл ауагътой Цхинвалы сӕйраг фонтаны фӕлвӕрдон скуыст

6
(ранӕуӕггонд 10:37 22.10.2020)
Фонтан хъуамӕ радтаиккой эксплуатацимӕ Паддзахадон драмон театры бӕстыхаимӕ иумӕ 2018 азы. Уый фӕстӕ объекты баконд цалдӕр хатт аргъӕвтой

ЦХИНВАЛ, 22 окт — Sputnik, Гӕбӕраты Элина. Хуссар Ирыстоны столицӕйы сӕйраг фӕзуатыл ауагътой фӕлвӕрдон скуыст республикӕйы иууыл егъаудӕр фонтанӕн.

Фонтаны арӕзтадӕн ис рагон истори. Фӕстаг хатт фонтан нывӕдысты раттын эксплуатацимӕ ацы аз уалдзӕджы, фӕлӕ уӕд специалисттӕн нӕ бантыст ӕрцӕуын республикӕмӕ карантины тыххӕй.

Ныртӕккӕ куыстытыл архайынц фирмӕ ООО "Про-Микс"-ы специалисттӕ, кӕцытӕ сарӕзтой бирӕ фонтантӕ Цӕгат Кавказы.

"Куыстытӕн фестӕм сӕ 98 проценты. Фонтаны скуыст у зын процесс. Куыстыты кӕронбӕттӕн этап цӕудзӕн дыууӕ къуырийы дӕргъы, мӕйы кӕронмӕ нывӕндӕм ауадзын фонтаны фӕлварӕн скуыст", - фехъусын кодта Sputnik фирмӕйы разамонӕг Евгений Иванидзе.

Уый ма банысан кодта, ныры куыстытӕ баст кӕй сты ифтоггарз компьютеры программӕтимӕ баиу кӕнынимӕ.

Знон изӕры ацыд фонтаны тестон скуыст. Цхинвалы цӕрджыты зӕрдиагӕй кастысты фонтаны рӕсугъддзинӕдтӕм.

"Нӕ мӕ уырны, кӕй банхъӕлмӕ кастыстӕм фонтаны скуыстмӕ. Бирӕ проблемӕтӕ уыд, фӕлӕ ныр фӕзуат сфӕлындзӕн фонтанӕй", - радзырдта Sputnik столицӕйы цӕрӕг Александр.

Фонтан хъуамӕ радтаиккой эксплуатацимӕ Паддзахадон драмон театры бӕстыхаимӕ иумӕ 2018 азы. Уый фӕстӕ объекты баконд цалдӕр хатт аргъӕвтой.

Тестирование фонтана в Цхинвале
© Sputnik / Элина Габараева
Тестирование фонтана в Цхинвале
6