Къуайсамӕ фӕндаджы арӕзтад

Фæндаг Къуыдаргоммæ: трассæ арæзт фæуыдзæн 2020 азы

43
(ранӕуӕггонд 17:10 09.01.2020)
Трассæ Гуфта-Къуаисайы арæзтад цæуы æртæ этапы 2016 азæй фæстæмæ, æдæппæтæй йæ дæргъ у 52 километры, ацы аз кусдзысты фæстаг 14 километрыл

ЦХИНВАЛ, 9 янв – Sputnik, Плиты Фатимæ. Хуссар Ирыстоны сæйраг сахары Къуыдаргомимӕ сбæтдзæн ног хæрзвадат фæндаг - трассӕ Гуфта-Къуайсайыл фæстаг 14 километры арæзтадон куыстытæ балхынцъ уыдзысты 2020 азы, фехъусын кодтой Sputnik Арæзтады министрады пресс-службæйы.

Гуфта-Къуаисайы трассæ у республикӕйы зынвадатдæр фæндæгтæй иу, ис дзы зæй æрцæуыны бынæттæ, хидтæ. Арæзтадон куыстытæ трассӕйыл цæуынц 2016 азæй фӕстӕмӕ, æртæ этапæй.

"Фæндаджы арæзтадон куыстытæ фæуыдзысты ацы азы кæронмæ. Раздæр йæ арæзтады фыццаг дыууæ этапæн, 38 км дæргъæн фæндагæн хицæн æрцыд 835 милуан сомы уæрæсейаг финансон æххуысæй. Трассæйæн йæ иу хай - 25 км цæуы хæххон бынатыл", - загътой пресс-службæйы.

Ӕлхынцъгæнæн куыстытæн Инвестицион нывæзты фæлгæтты хицæн цæуы 400 милуан сомы.

Пресс-службæйы ма банысан кодтой, 2022 азы онг нывæзтмæ гæсгæ ма ацы трассæйыл ноджы арæзт æрцæудзæн егъау хид, кæцыйы дæргъæн у 60 метры.

43

Хуссар Иры райдыдта йӕ куыст арт-тыгъдад "Портал" видео

0
(ранӕуӕггонд 12:22 23.09.2020)
Арт-тыгъдад "Портал"-ы райдыдтой уадзын сфӕлдыстадон изӕртӕ. Арт-проектӕн паддзахад цы ӕртӕуӕладзыгон хӕдзар рахицӕн кодта, уый у рагон Цхинвалы иууыл колоритон бӕстыхӕйттӕй сӕ иу

Фӕсивӕд бавнӕлдтой бӕстыхайы цалцӕгмӕ дыууӕ азы размӕ ӕмӕ ныридӕгӕн сцалцӕг кодтой уӕлхӕдзар, раивтой рудзгуытӕ, сӕвӕрдтой дуӕрттӕ, афтӕ ма сарӕзтой балкон ӕмӕ дыккаг уӕладзыг.

Абоны бон, цалцӕггӕнӕн куыстытӕм ӕнӕкӕсгӕйӕ, "Портал"-ы уагъд цӕуынц сфӕлдыстадон изӕртӕ, цы ран ӕрӕмбырдуӕвджытӕ хъусынц ӕвзонг ӕххӕстгӕнджыты музыкӕ ӕмӕ зарджытӕм.

0
Дзӕуджыхъӕу

Иумӕйаг проекттӕ: Иры дыууæ хайы Ӕхсæнадон палатæтæ сфидар кодтой бадзырд

9
(ранӕуӕггонд 13:04 23.09.2020)
Бадзырд фидар ӕрцыд 22 сентябры Дзӕуджыхъӕуы ӕхсӕнадон палатӕты сӕргълӕууджытӕ Куыдзеты Сергей ӕмӕ Чиплакова Ирина къухфысттӕй

ЦХИНВАЛ, 19 сен — Sputnik, Плиты Фатимæ. Хуссар Ирыстон ӕмӕ Цӕгат Ирыстоны ӕхсӕнадон палатӕтӕ бафыстой ӕмгуыстады бадзырд. Суагъӕйы фӕлгӕтты дыууӕ республикӕйы уагдӕттӕ ӕххӕст кӕндзысты иумӕйаг проекттӕ, цайадагъ кӕндзысты кӕрӕдзи фӕлтӕрддзинадыл, фехъусын кодта Sputnik баиугонды разамонӕг Куыдзеты Сергей.

"Уый нӕ фыццаг ӕмгуыстады бадзырд цӕгатирыстойнаг коллегатимӕ. Уый фӕлгӕтты ӕххӕст цӕудзысты иумӕйаг проекттӕ, кӕрӕдзийӕн ӕххуыс кӕндзыстӕм, стӕй ма исдзыстӕм уыдон фӕлтӕрддзинад. Хуссар Ирыстоны ӕхсӕнадон палатӕ фӕзынд ӕрмӕст 2009 азы кӕрон, уыдонӕн та сты фӕлтӕрддӕр", - загъта ӕхсӕнадон палатӕйы хистӕр.

Йӕ ныхӕстӕм гӕсгӕ, уыдонӕн сӕ нывӕзты ис ӕнгӕс документтӕ сфидар кӕнын ӕндӕр хӕларадон республикӕтимӕ.

"Фӕстӕдӕр ахӕм суагъӕтӕ фӕнд кӕнӕм сфидар кӕнын Кӕсӕг-Балхъары, Абхазимӕ ӕмӕ дарддӕр кӕндзыстӕм ацы куыст", - бафтыдта уый.

Бадзырд фидар ӕрцыд 22 сентябры Дзӕуджыхъӕуы ӕхсӕнадон палатӕты сӕргълӕууджытӕ Куыдзеты Сергей ӕмӕ Чиплакова Иринайы къухфысттӕй.

9