Фидæны Цъон: бырæн фæз, спортивон базæ æмæ спа-отель

Фидæны Цъон: бырæн фæз, спортивон базæ æмæ спа-отель

72
(ранӕуӕггонд 10:36 15.01.2020)
Ныр дыккаг аз кусы Цъоны бырæн дæлвæз, бырджыты стартон фæзуатмæ ласы трактор, ис дзы хъармгæнæн цатыртæ, бацымæн сæ ис тæвд кофе æмæ цай, ацаходын адджинæгтæ, срæвдз кодтой бырæн ифтонгады прокат

ЦХИНВАЛ, 13 янв — Sputnik, Плиты Фатимæ. Хуссар Ирыстоны уæвæг иунæг зымæгон курорт радон сезонмæ баххæст кæндзысты бугель æмæ рухсытæй, фехъусын кодта Sputnik фæсивæдон политикæ, спорт æмæ туризмы комитеты хистæр Зассеты Сергей.

Ныр дыккаг аз Цъоны бырæн дæлвæз кусы мæгуырау уавæрты, бырджыты стартон фæзуатмæ ласы трактор. Ныридæгæн дæр уал комитеты тыхтæй уым сæвæрдтой хъармгæнæн цатыртæ, æнаргъæй бацымæн ис кофе æмæ цай, ацаходын адджинæгтæ, срæвдз кодтой бырæн ифтонгады прокат. Сæдæгай адæймæгтæ улæфт бонты тындзынц Цъонмæ.

"Сæрды хъавæм бакæнын цæттæгæнæн куыстытæ, фæзындзæн бугель, трассæйыл скæндзыстæм рухсытæ, фæфылдæр кæнын хъæуы прокатон ифтонгад. Республикон бюджетæн уый слæудзæн 5 милуан сомы бæрц", - загъта Зассеты Сергей.

Уый ма радзырдта, Цъонæй фидæны гæнæн кæй ис саразын æххæстазон улæфæн бынат.

"Цъон цымыдисон уыдзæн туристтæн сæрды дæр, ам ис дуры æнусы лæгæттæ, ис дзы саразæн спа-отельтæ. Уæрæсейы биатлоны федерацийы уæнгтæ Цъоны дæлвæз банымадтой иттæг хорз бынатыл спортивон базæ скæнынæн", - бафтыдта уый.

Цъоны дӕлвӕз цадӕггай арӕзт цӕуы, фӕлӕ зымӕгон курорты домӕнтӕн нырма дзуапп нӕ дӕтты. Улӕфт бонты ам улӕфджытӕн ис 18 къай къахдзоныгътӕ æмæ 10 дзоныгъы прокат. Хъæу æвæрд у 1700 метры денджызы æмвæзадæй бæрзонддæр. Фæндаг æм цæуы хæрзвадат трассæ Цхинвал-Гуфта-Къуаисайыл.

72
Ирон хъазт

Сног кӕндзысты традици: Цхинвалы райдайдзысты уадзын "Ирон хъазт"

2
(ранӕуӕггонд 10:11 07.07.2020)
Ирон кафты изӕртӕ райдайдзысты 7 июлӕй ӕмӕ уагъд цӕудзысты ӕнӕхъӕнӕн сӕрдыгон сезоны дӕргъы

ЦХИНВАЛ, 7 июл – Sputnik, Гӕбӕраты Элина. Цхинвалы сног кӕндзысты националон кафты изӕртӕ "Ирон хъазт", фехъусын кодтой столицӕйы администрацийы пресс-службӕйы.

Ивгъуыд ӕзты уагъд цыдысты ахӕм кафӕн изӕртӕ, кӕцытӕ уыдысты тынг популярон Цхинвалы фӕсивӕды хсӕн.

"Столицӕ ӕмӕ районты фӕсивӕдӕн уыдзӕн фадат равдисын сӕ кафыны курдиат", - банысан кодтой пресс-службӕ.

Администрацийы бафтыдтой, зӕгъгӕ, националон кафты изӕртӕ райдайдзысты 7 июлы ӕмӕ уагъд цӕудзысты ӕнӕхъӕн сӕрдыгон сезоны дӕргъы. Изӕрты организатор у горӕты администрацийы культурӕйы хайад.

Цхинвалы карантинон мадзӕлттӕ сисыны фӕстӕ ацыд ацы аз фыццаг "Ирон хъазт", уый снывонд кодтой Фӕсивӕды бонӕн, мадзал сорганизаци кодта горӕты администраци фӕсивӕдон организаци "Иугонд Алани"-йы ӕмархайдӕй.

2
ХИПУ

ХИПУ-йы йӕ куыст райдыдта исӕн къамис

5
(ранӕуӕггонд 12:28 07.07.2020)
Уӕлдӕр ахуыргӕнӕн уагдон цы 12 факультеты ис, уыдонмӕ ма бафтыд ацы аз ноджы иу - театралон

ЦХИНВАЙЛ , 7 июл — Sputnik, Плиты Фатимӕ. Хуссар Ирыстоны паддзахадон университеты йӕ куыст срӕвдз кодта исӕн къамис. Бӕстӕйы сӕйраг уӕлдӕр ахуыргӕнӕндон абитуриенттӕн ӕнхъары равзарын 13 дӕсныйадӕй боны хайады, ахуырад райсӕн ис фӕсаууонмӕ хайадты дӕр, хъусын кӕны вузы пресс-службӕ.

Ацы аз ХИПУ-йы уӕлӕмхасӕй бакодтой ног факультет - театралон хаххыл.

Уӕлдӕр ахуыргӕнӕн уагдоны ис боны хайады ис 13 дӕсныйады, фӕсаууонмӕ хайады ис 7 хаххӕй равзарӕн, ноджы ма ацы формӕйы уӕлдӕр ахуырад райсӕн ис коммерцион бындурыл - ам та ис фарст профессийы.

Уагдоны хъусинагмӕ гӕсгӕ, майданимӕ ахуыр чи фӕцис, уыдон дӕттынц фыццаг фӕлварӕн, кӕд ӕй фондзыл ратта, уӕд сӕрибар у иннӕ фӕлварӕнтӕй.

Исӕн къамис йӕ куыст срӕвдз кодта июлы райдайӕны ӕмӕ гӕххӕтытӕ ист цӕудзысты 15 июльмӕ.

5