Премьера сказки Лев Васька

Фыццаг премьерæ æмæ æндæр актертæ: театр равдисдзæн ног аргъау

107
(ранӕуӕггонд 13:33 14.01.2020)
Равдыст сæвæрдта æвзонг режиссер Хъотайты Сæрмæт Павел Морозовы пьесæ "Лев Васька"-мæ гæсгæ

ЦХИНВАЛ, 14 янв — Sputnik, Плиты Фатимæ. Хуссар Иры паддзахадон драмон театры ацы къуыри бавдисдзысты азы фыццаг премьерæ – аргъау "Домбай гæды", фехъусын кодта Sputnik йæ режиссер Хъотайты Сæрмæт.

Æвзонг режиссер Хъотайты Сæрмæтæн уый у йе 'ртыккаг режиссерон куыст æмæ дыккаг аргъау. Нырмæ уый бацæттæ кодта комеди "Ӕфсин" æмæ аргъау "Тæрхъусы амонд".

Ног аргъауы премьерон равдысттæ ацæудзысты 16-17 январы.

"Аивадон совет хуыцаубоны фæлхаттон æркастæй хорзыл банымадта аргъау æмæ снысан кодта премьерон бонтæ. Равдыстыл куыста иттæг хорз командæ, ис ын диссаджы декорацитæ. Паддзахадон театры сценæйы æппæт фадæттæй не ʻспайда кодтон, цæмæй йæ æндæр сценæтыл æвдисгæйæ рацаразын ма хъæуа", - загъта Хъотайты Сæрмæт.

Аргъауы актерон сконд бавдыстæуыд æхсæз актерæй, уыдонæй дыууæ театры труппæмæ бамбал сты ивгъуыд аз.

"Аргъауы хъазынц дыууæ сгуыхт артисты - Таугазты Дзерассæ æмæ Битеты Милена, актертæ Тедеты Андрей æмæ Цоциты Андрей. Спектаклы архайдзысты театры ног фæлтæр - Гаглойты Эдуард æмæ Уалыты Георгий. Мæ аннæ аргъаумæ абаргæйæ ай у бæрзонддæр æмвæзады куыст æмæ хистæрдæр кары сывæллæттыл нымад", - бафтыдта режиссер.

Аргъау æвæрд æрцыд Павел Морозовы пьесæ "Лев Васька"-мæ гæсгæ. Ирон æвзагмæ йæ раивта Хуссар Ирыстоны адæмон артист, драматург Тъехты Василий.

107
Рӕмонаты Сослан

Олимпиаг чемпион Рӕмонаты Сослан фӕнд кӕны фæивын йӕ уӕзы категори тренер

5
(ранӕуӕггонд 15:50 13.08.2020)
Ирон спортсмен ссис Олимпиадӕйы уӕлахиздзау Рио-де-Жанейройы 65 килограммы уӕзы категорийы

ЦХИНВАЛ, 13 авг — Sputnik. Риойы Олимпиадӕйы уӕлахиздзау, ирон уӕгъдибар хъӕбысӕйхӕцӕг Рӕмонаты Сослан Уӕрӕсейы чемпионаты архайдзӕн 65 кӕнӕ 70 килограммы уӕзы категорийы, хъусын кӕны Р-Спорт спортсмены тренер Мӕргъиты Анатолийы ныхӕстыл ӕнцойгӕнгӕйӕ.

Мӕргъиты Анатолийы ныхӕстӕм гӕсгӕ, хъӕбысӕйхӕцӕг схос кодта йӕ травмӕйӕн ӕмӕ ныр ӕххӕст тренировкӕтӕ уадзы егъау турнирмӕ, кӕцы ацӕудзӕн октябры.

"Рӕмонаты Сослан архайдзӕн Уӕрӕсейы чемпионаты. Уӕзы категорийы тыххӕй мах аныхас кӕндзыстӕм Уӕрӕсейы сӕйраг тренер Тедеты Дзамболатимӕ. Кӕд турниры фӕстиуӕгӕн уа ахсджиаг бынат дунейы чемпионат ӕмӕ Олимпиадӕйы ӕвзӕрстытӕм – уӕд тох кӕндзыстӕм нӕхи уӕзы, 65 килограммы. Кӕнӕ та схиздзыстӕм бӕрзонддӕр категоримӕ", - загъта тренер.

Мӕргъиты Анатолий банысан кодта, спортсмены хӕслӕвӕрд у хайад райсын дунейы чемпионаты Сербийы, фӕлӕ Рӕмонаты Сослан ӕмӕ йӕ тренеры сӕйраг интерес у Олимпиадӕ Токиойы.

5
Цхинвалы ӕртӕ уынгыл фесты дӕлзӕххон коммуникацитӕ ивыны куыстытӕ

Цхинвалы ӕртӕ уынгыл фесты дӕлзӕххон коммуникацитӕ ивыны куыстытӕ

11
(ранӕуӕггонд 15:02 13.08.2020)
Уыимӕ иумӕ ма уагъд цӕуынц газы хӕтӕлты ивыны фӕдыл куыстытӕ дӕр. Уыдон та уадзы "Энергоресурс-Южная Осетия"

ЦХИНВАЛ, 13 авг – Sputnik, Хъуылымбегты Азӕмӕт. Цхинвалы ацы аз Инвестпрограммӕмӕ цы аст уынджы цалцӕг бахастой, уыдонӕй ӕртӕйыл кӕронмӕ бахӕццӕ сты донифтонгад ӕмӕ канализацийы дӕлзӕххон хӕтӕлтӕ ивыны куыстытӕ. Уый тыххӕй Sputnik фехъусын кодта паддзахадон унитарон куыстуат "Водоканал"-ы генералон директор Цхуырбаты Алан.

"Куыстытӕ иууылдӕр фесты Кимы, Базарадон ӕмӕ Табуты Родионы уынгтыл. Уым фӕндагон службӕтӕ ӕрӕвнӕлдтой хӕрзарӕзтадмӕ", - банысан кодта Цхуырбаты Алан.

Кӕронмӕ ма фӕхӕццӕ кӕнынц Белинский ӕмӕ Революцийы уынгтыл куыстытӕ дӕр. Нӕузӕххонты уынгыл та уагъд ӕрцыдысты магистралон хӕтӕлтӕ, ныр та коммуникацитӕ уадзынд бирӕуӕладзыгон хӕдзӕрттӕм.

Уымӕй дарддӕр ма ӕнгӕс куыстытӕ уадзынц Плиты Ароны уынгыл, ацы бонты та ӕрӕвнӕлдтой Хъайтарты уынджы иу хаймӕ. Уым хӕрзарӕзт ӕрцӕудзӕн фӕндаг, кӕцы иу кӕндзӕн уынджы микрорайон "Шанхай"-имӕ.

"Уынгты фылдӕр хайыл донифтонгад ӕмӕ канализацион хӕххытӕ ивд ӕрцӕудзысты дыууӕ къуыримӕ, иннӕтыл та - сентябры кӕрӕттӕм, кӕд боныгъӕд нӕ бахъыгдара, уӕд", - загъта "Водоканал"-ы директор.

Уыимӕ иумӕ ма уагъд цӕуынц газы хӕтӕлты ивыны фӕдыл куыстытӕ дӕр. Уыдон та уадзы "Энергоресурс-Южная Осетия".

11