Республикæйы бон

Цæгат Иры музыкалон хæзнадон райста УФ Минкультурæйы грант

14
(ранӕуӕггонд 13:39 22.01.2020)
Грантты хицæутты ацы аз равзæрста Уæрæсейы Федерацийы культурæйы министрады экспертон совет

ЦХИНВАЛ, 22 янв - Sputnik. Цæгат Ирыстоны æхсæнадон музыкалон фонд ссис 2020 азы сфæлдыстадон проекттæ сæххæст кæныны фæдыл Уæрæсейы хицауады грантты исджытæй иу. Гранттæ уæрста Уæрæсейы культурæйы министрады экспертон совет, хъусын кæны уагдоны пресс-службæ.

"Конкурсон æвзæрст цыд УФ барамынд "Ӕнæкоммерцион организацитæн федералон бюджетæй субсидитæ æмæ паддзахадон æххуыс грантты хуызы радтын сфæлдыстадон нывæзт сæххæст кæнынæн"-мæ гæсгæ. Гранттæ райстой фынддæс музыкалон организацийы", - дзырдæуы хъусинаджы.

Грантты хицау баисты Санкт-Петербурджы паддзахадон "Театр детского балета", Костромайы областы паддзахадон филармони, Уæрæсейы композиторты цæдис æмæ "Академия музыки".

14
Коронавирус

Цӕгат Иры Роспотребнадзоры фехъусын кодтой ног бӕрӕггӕнӕнтӕ коронавирусы фӕдыл

5
Пандемийы рӕстӕджы республикӕйы рабӕрӕг кодтой 5609 рынчыны коронавирусӕй, уыдонӕй 4851 адӕймаджы сӕнӕниз сты, 68 амардысты

ЦХИНВАЛ, 23 сен — Sputnik. Цӕгат Ирыстоны ивгъуыд суткӕйы сбӕрӕг кодтой коронавирусӕй 34 ног рынчыны. Фӕрынчынуӕвджыты иумӕйаг нымӕц у 5609, фехъусын кодтой Роспотребнадзоры.

- 655 адӕймаджы сты амбулаторон хоскӕнынады.

- 35 адӕймаджы хос кӕнынц республикӕйы медицинон уагдӕтты.

- 4851 адӕймаджы сӕнӕниз сты.

- 68 адӕймаджы амардысты.

Ӕнӕниздзинад хъахъхъӕнынады ӕппӕтдунейон организаци 11 марты фехъусын кодта, ног коронавирус COVID-19 кӕй у пандеми. Коронавирусӕй фӕрынчын сты 31 милуан адӕймагӕй фылдӕр, 970 мин рынчынӕй фылдӕр амардысты.

5
Хуссар Ир нысан кӕны Паддзахадон тырысайы бон

Хуссар Ир нысан кӕны Паддзахадон тырысайы бон

23
(ранӕуӕггонд 10:16 18.09.2020)
Республикӕйы националон символ ссис хуссарирыстойнаг паддзахады сӕрибардзинадыл тохы нысан 1989 азы

ЦХИНВАЛ, 19 сен — Sputnik, Плиты Фатимæ. Хуссар Ирыстоны сабаты, 19 сентябры, нысан кӕнынц Паддзахадон тырысайы бон. Бӕрӕгбонӕн бындур ӕвӕрд ӕрцыд 31 азы размӕ.

Республикӕйы националон символ ссис хуссарирыстойнаг паддзахады сӕрибардзинадыл тохы нысан 1989 азы.

"Развæлгъау столицæйы административон бæстыхæйтты сфæлыстой паддзахаон тырысатæй. Къуырийы кæрон Хуссар Ирыстон нысан кæны дыууæ бæрæгбон – Тырысайы бон æмæ Республикæ расидыны бон, дыууæ нысаниуæгджын датæйы цытæн Цхинвалы бакодтой ног баннертæ æмбæлон тематикæйыл", - загъта Sputnik культурæйы министрады кусæг Остъаты Мæдинæ.

Уый ма банысан кодта, æхсæнады цытджын рабадт "Прописано в сердце Осетии" аргъæвтой 18-æм сентябрæй 20-мæ.

Паддзахадон тырысайы бон Хуссар Ирыстоны фыццаг хатт банысан кодтой 2013 азы, фæлæ националон символ ссис 1989 азæй фæстæмæ. 1990 азы ноябры республикæйы парламент сфидар кодта ирон триколор, куыд паддзахаддзинады символ.

Ирон тырыса у хæдбар æмæ сæрибар бæстæйы символ. Тырыса у ӕртӕхуызон, конд у урс, сырх ӕмӕ бур кӕттагӕй. Ацы ӕртӕ хуыз дӕр иттӕг хорз зындгонд сты суанг рагон Аланийы дугӕй. Урс хуыз нысан кӕны монондзинад, сыгъдӕгдзинад, зонд. Сырх — ӕхсар, хъӕбатырдзинад, рӕстдзинад. Бур — бӕркад, фарн, мулк. Тырыса разæнгард кæны ирон адӕмы ног цард аразынмæ, дидинæфтаугæ фидæны фæндæгтыл цæуынмæ.

23