Хъæугæ специалисттæ: чи æмæ куыд цæуы Уæрæсейы вузты бюджетон бынæттæм

Хъæугæ специалисттæ: чи æмæ куыд цæуы Уæрæсейы вузты "бюджетон" бынæттæм

11
Спикертæ радзырдтой, иууыл популярондæр раздæрау сты медицинæ, экономикæ æмæ юриспруденци

ЦХИНВАЛ, 23 янв — Sputnik, Гæбæраты Элина. Хуссар Ирыстоны ахуырады министрад æмæ Россотрудничествойы минæвæрттæ радзырдтой куыд фидар цæуынц Уæрæсейы вузтæм квотатæ.

Спикертæ радзырдтой, иууыл популярондæр раздæрау сты медицинæ, экономикæ æмæ юриспруденци.

Аза Плиева
© Sputnik / Наталья Айриян
Плиты Аза

Ахуырады министрады зонад æмæ профессионалон ахуырады хайады хистæр Плиты Азайы ныхæстæм гæсгæ, хуссарирыстойнаг рауагъдонтæн 2003 азæй фæстæмæ фадат ис райсын уæлдæр ахуырад Уæрæсейы лимитты фæрцы.

"Россотрудничество бамбал ис куыстмæ 2013 азы, уымæй размæ фæлварæнтæ цыдысты ахуырады министрады ууылты. Уыцы рæстæг минмæ æввахс адæймаджы бацыд ахуырмæ Уæрæсейы вузтæм", - загъта Плиты Аза.

Россотрудничествойы минæварады хистæр Сергей Скворцов радзырдта журналисттæн ахуырмæ æвзæрст цæуы дыууæ этапæй. Фыццаг этап цæуы бынаты, уадзы йæ Россотрудничество, науæд та Уæрæсейы минæварад. Дыккаг этап цæуы Уæрæсейы ахуырады министрады вузтимæ иумæ.

"Ӕрвылаз Уæрæсейы Федераци фæсарæйнаг æмбæстæгтæн æмæ йе ʻмбæстæгтæн, кæцытæ цæрынц фæсарæнты хицæн кæны 15 мин бюджетон бынат, уыдонæй ивгъуыд аз Хуссар Ирæн лæвæрд æрцыд 18 бынат, ацы аз дæр та нæ куырдиаты домæм уый бæрц бынат", - загъта Сергей Скворцов.

Специальносты номхыгъдыл, йæ ныхæстæм гæсгæ, ныридæгæн ныхас цæуы, Уæрæсейы ахуырады министрадимæ.

Сергей Скворцов
© Sputnik / Наталья Айриян
Сергей Скворцов

"Хуссар Иры бынæттæ фидар цæуынц ахæм хуызы. Мах хицауады базонæм фондз азы фæстæ Хуссар Иры цы дæсинадтæ бахъæудзæн, уыдонæй рацух кæнæм ХИПУ цы факультеттæ ис, уыдон", - загъта Скворцов.

11
Ӕвзонг теннисисткӕ Цхинвалӕй рамбылдта бронзӕ Подмосковьейы турниры

Ӕвзонг теннисисткӕ Цхинвалӕй рамбылдта бронзӕ Подмосковьейы турниры

2
(ранӕуӕггонд 16:19 25.09.2020)
Плиты Алана уыд турниры иууыл кӕстӕрдӕр хайадисӕг, фӕлӕ уӕддӕр рамбылдта бронзӕйон майдан. Афтӕ ма ӕвзонг спортсменкӕйы банымадтой турниры иууыл перспективондӕр спортсменкӕйыл

ЦХИНВАЛ, 25 сен — Sputnik. Ӕвзонг теннисисткӕ Хуссар Ирыстонӕй Плиты Алана схызт кады пьедесталы ӕртыккаг къӕпхӕнмӕ Подмосковьейы турниры, хъусын кӕны республикӕйы фӕсивӕдон политикӕ ӕмӕ спорты фӕдыл комитеты пресс-службӕ.

Дунейы дыууӕ хатты чемпионкӕ Зоя Рудневайы мысӕнӕн турниры горӕт Втдноейы тох котой спортсментӕ Мӕскуы, Мӕскуыйы область, Тверь, Калуга, Рязань, Ярославль, Воронеж ӕмӕ Уӕрӕсейы ӕндӕр горӕттӕ ӕмӕ регионтӕй.

Юная теннисистка Алана Плиева из Южной Осетии завоевала бронзу на турнире в Подмосковье
Ӕвзонг теннисисткӕ Цхинвалӕй рамбылдта бронзӕ Подмосковьейы турниры

"Фарастаздзыд Плиты Алана рамбылдта йӕ ныхмӕлӕуджыты Мӕскуы, Мӕскуыйы область ӕмӕ Калугайӕ 3:0, 3:1 ӕмӕ 3:2 хыгъдӕй ӕмӕ бацахста дыккаг бынат ӕвзарӕн этапы. Фӕлӕ уый фӕстӕ ирон спортсменкӕ фембылд 2:3 хыгъдӕй турниры фидӕны уӕлахиздзау Олеся Усовайӕн, кӕцы дзы уыд дыууӕ азы хистӕрдӕр", - дзырдӕуы хъусинаджы.

Плиты Алана уыд турниры иууыл кӕстӕрдӕр хайадисӕг, фӕлӕ уӕддӕр рамбылдта бронзӕйон майдан. Афтӕ ма ӕвзонг спортсменкӕйы банымадтой турниры иууыл перспективондӕр спортсменкӕйыл.

2
ХИПУ студенттӕ Республикӕйы бон банысан кодтой лидзынӕй ерыстӕй

ХИПУ студенттӕ Республикӕйы бон банысан кодтой лидзынӕй ерыстӕй

7
(ранӕуӕггонд 16:26 25.09.2020)
Ерыстӕ цыдысты 800 метры дистанцийыл. Организатортӕй иу Дзабиты Роланды ныхӕстӕм гӕсгӕ, мадзалы ӕдӕппӕтӕй хайад райстой 150 студенты

ЦХИНВАЛ, 25 сен – Sputnik, Хъуылымбегты Азӕмӕт. Цхинвалы фӕбӕрӕг сты Республикӕйы боны цытӕн студентон ерысты уӕлахиздзаутӕ лидзынӕй.

Массовый кросс ко Дню республики
© Sputnik / Азамат Кулумбегов
ХИПУ студенттӕ Республикӕйы бон банысан кодтой лидзынӕй ерыстӕй

Мадзал ацыд Цхинвалы Октябры уынгыл. Фыццаг бынат лӕппуты хсӕн бацахста Мӕргъиты Арсен.

"Ӕрвылбон дӕр лидзын горӕты цады алыварс, науӕд та стадионы. Архайын фидар физикон формӕйы уӕвын. Ерыс кӕнын дӕр фӕцыд мӕ зӕрдӕмӕ", - загъта Мӕргъиты Арсен.

Чызджытӕй та иууыл ӕнтыстджындӕр разынд Гӕбӕраты Мария. Дыккаг призер Джиголаты Аланӕйы дӕр ма чысыл хъуыд уӕлахизмӕ.

"Ӕхсӕз аз цыдтӕн рог атлетикӕмӕ, уымӕ гӕсгӕ мын дистанци алидзын ӕнцон уыд. Фӕлӕ ма мӕ ӕнтыстмӕ чысыл хъуыд", - загъта Sputnik призер.

Массовый кросс ко Дню республики
© Sputnik / Азамат Кулумбегов
ХИПУ студенттӕ Республикӕйы бон банысан кодтой лидзынӕй ерыстӕй

Ерыстӕ цыдысты 800 метры дистанцийыл. Организатортӕй иу Дзабиты Роланды ныхӕстӕм гӕсгӕ, мадзалы ӕдӕппӕтӕй хайад райстой 150 студенты.

7