Хуссар Ирыстон бамбал уыдзæн æппæтуæрæсейон акци Горсть памяти-мæ

Хуссар Ир бамбал уыдзæн æппæтуæрæсейон акци "Горсть памяти"-мæ

26
(ранӕуӕггонд 11:25 29.01.2020)
Мадзал уадзы Уæрæсейы хъахъхъæнынады министрад Стыр Фыдыбæстон хæсты 75-азы юбилеймæ

ЦХИНВАЛ, 29 янв — Sputnik, Плиты Фатимæ. Хуссар Ирыстон бамбал уыдзæн æппæтуæрæсейон æфсæддон-патриотикон акци "Горсть памяти"-мæ. Мадзалы фæлгæтты Хуссар Ирыстонæй рацæугæ Советон Цæдисы хъайтарты ингæнтæй зæххы муртæ иу гильзæйы бахæсдзысты УФ Подмосковьейы аргъуаны мемориалон комплекс "Дорога памяти"-мæ, фехъусын кодтой Sputnik культурæйы министрады пресс-службæйы.

Акци уадзы УФ хъахъхъæнынады министрад Стыр Фыдыбæстон хæсты 75-азы юбилеймæ.

"31 январы 11 сахатыл Хуссар Иры культурæйы министрад æмæ змæлд "Ӕнæмæлгæ полк", хъахъхъæнынады министрад æмæ районты æмæ горæтты разамонджыты æмархайдæй ацæудзæн зæххы цытджын сист Советон Цæдисы хъайтарты ингæнтæй. Уыцы бон Уæрæсейы минæварады æххуысæй зæхх æрвыст æрцæудзæн Подмосковьемæ. Хонæм æппæт цæрджыты дæр майрæмбоны 15:00 сахатыл Театралон фæзуатмæ церемонимæ", - загътой министрады.

Уæрæсейы æфсæддон уагдоны информацимæ гæсгæ, мæримæ кисеттæ фæхæццæ кæндзысты Ӕфсæддон цытимæ Подмосковьемæ, уым сæ нывæрдзысты артиллерион нæмгуыты гильзæты æмæ сæ бынат ссардзысты УФ Гарзджын тыхты аргъуаны территорийыл.

26