Театр хоны Уанеты Ӕхсары юбилейон изæрмæ

Хуссар Иры театр хоны Уанеты Ӕхсары юбилейон изæрмæ

152
(ранӕуӕггонд 12:00 29.01.2020)
Сфæлдыстадон изæры фæлгæтты кæсæг хуыздæр базонгæ уыдзæн Адæмон артисты цардвæндаг, актерон æмæ режиссерон куыстытимæ

ЦХИНВАЛ, 29 янв — Sputnik, Плиты Фатимæ. Хуссар Ирыстоны паддзахадон театр хоны бæстæйы Адæмон артист æмæ Цæгат Ирыстоны адæмон артист Уанеты Ӕхсары 70-азон юбилейы цытæн сфæлдыстадон изæрмæ. Мадзалы хайадисæг уыдзæн актер йæхæдæг, æвдыст цæудзысты спектакльтæй скъуыддзæгтæ, актертæ дзурдзысты сæ мысинæгтæ.

Хуссар Ирыстоны адæмон артист Уанеты Ӕхсар сценæйыл сæххæст кодта 50 фæлгонцæй фылдæр.

"Цыппæрæмы, 30 январы ПДТ сценæйыл ацæудзæн Уанеты Ӕхсары юбилейон изæр. Мадзалы режиссæр уыдзæн йæ коллегæ Хъæцæмæзты Фатимæ. Изæры бацархайдзысты курдиатджын актеры райхалын алыварсонæй, æвдыст цæудзысты Беппиты Изольдайы ист кадртæ. Актер йæхæдæг уыдзæн сценæйыл, йæ хæлæрттæ радзурдзысты сæ мысинæгтæ", - загътой пресс-службæйы.

Уанеты Ӕхсары сæххæстгонд фæлгонцты ахадгæ хай сты комедион, йæ карьерæйы тæмæн æрхауд ивгъуыд æнусы 90-æм æзты уæззау рæстæгмæ. Актер хъазыд сценæйыл, фæлæ йæ нæ рох кодта Фыдыбæстæ хъахъхъæнæджы хæс. Фæсспектакль-иу йæ хæцæнгарзимæ тындзыдта постмæ.

Уанеты Ӕхсар ма æмрæстæджы архайы Цхинвалы районы дæлбар уæвæг адæмон театры дæр. Уый зындгонд у куыд режиссер афтæ дæр, йæ куыстыты нымæцы "Расыггæнджытæ", "Чъребайаг сомихæгтæ" æмæ æндæртæ, æмткæй дæс спектаклы. Уыд 6-æм æрсидты депутат.

152
Донуадзæн

Куыстыты фӕстаг этап: Цхинвалы кӕрон ӕрцӕудзӕн нуазыны доны цухдзинадӕн

3
(ранӕуӕггонд 14:41 24.09.2020)
Донуадзæн ныридæгæн иу у горæты доны хызæгтæм, фæлæ нырма æххæст хъомысадæй нæ кусы - резервуартæ йедзаг кæнынц дыууæ-æртæ къуыримæ

ЦХИНВАЛ, 24 сен — Sputnik, Дриаты Лейла. Хуссар Ирыстоны кӕронмӕ фӕхӕццӕ кӕны донуадзæн Уанат - Цхинвлы арæзтад. Куыстытӕ цыдысты дыууæ этапæй.

Ахсджиаг проект æххæст цæуы 2019-2020 азты РХИ-йы социалон-экономикоен рæзтæн ахъазгæнæг инвестицион программæйы фæлгæтты. Куыстытæ æххæст кæны арæзтадон компани арæнгонд бæрндзинады æхсæнад "СТМ-ЮГ".

Фыццаг рады арæзт æрцыдысты дыууæ резервуары, кæцыты цæуы 3,5 мин кубикон метры дон. Уымæй дарддæр ма горæтмæ рауагъдæуыд донуадзæн хахх. Ныр та куыст цæуы донæмбырдгæнæны арæзтадыл æмæ технологион ифтонггæрзтæ монтаж кæныныл.

Арæзтадон фадыджы хистæр Гуырцъыты Эльбрус куыд радзырдта, афтæмæй ивгъуыд азы æххæст æрцыдысты сæйрагдæр куыстытæ.

"Уанаты хъæуæй Цхинвалмæ уагъд æрцыд магистралон донуадзæн, кæцыйæн йæ дæргъ у 15 километры. Присы хъæумæ хæстæг та сарæзтой дыууæ резервуары. Донуадзæн ныридæгæн иу у горæты доны хызæгтæм, фæлæ нырма æххæст хъомысадæй нæ кусы. Резервуартæ йедзаг кæнынц дыууæ-æртæ къуыримæ", - банысан кодта уый.

Специалисты ныхӕстӕм гӕсгӕ, проектон хъомысадмæ донуадзæн рахиздзæн, донæмбырдгæнæны капиталон сцалцæг кæныны, дренажон системæ саразыны, санитарон хъахъхъæнæн зонæ æрбæстон кæнын æмæ технологион ифтонггæрзтæ самал æмæ смонтаж кæныны фæстæ.

Дыккаг этапы куыстытæм арæзтадон компанийы кусджытæ хъуамæ æрывнæлдтаиккой уалдзæджы, фæлæ коронавирусон инфекцийы пандемийы аххосæй афæстиат сты.

"Объекты ныртæккæ цæуынц развæлгъау куыстытæ донуадзæны алыварс ссыгъдæг кæныны фæдыл. Ам æрвылбон дæр кусынц 10 адæймагæй фылдæр æмæ æртæ иуæджы уæззау техникæ. Уыдон нырма фаг сты, фæлæ куыстыты гуырахст куыд фылдæр кæна, афтæ кусджыты нымæц дæр фылдæр кæндзæн", - загъта Гуырцъыты Эльбрус.

Уый ныфс бавæрдта, сæ хæс сфидаргонд æмгъуыдтæм кæй сæххæст кæндзысты ӕмæ ног азы райдианы донуадзæн хахх æххæст хъомысадæй кæй райдайдзæн кусын.

Уанаты донуадзæн суткæйы дæргъы дæтдзæн 15 мин кубикон метры дон. Горæт та иста 20 мин кубикон метры. Афтæмæй горæт райдайдзæн исын суткæйы дæргъы 35 кубикон метры нуазыны дон. Уый фаг уыдзæн горæты цæрджыты æнæкъуылымпыйæ донæй ифтонг кæнынæн.

3
Гасситы Сослан стох кæндзæн Уæрæсейы кубокы ерысты армспортæй

Гасситы Сослан стох кæндзæн Уæрæсейы кубокы ерысты армспортæй

13
(ранӕуӕггонд 14:41 24.09.2020)
Гасситы Сослан хистæр кары категоримæ ахызты агъоммæ æхсæз азы дæргъы уыд æппынæдзух лидер æрыгæтты хсæн. Хорз бæрæггæнæнтæ æвдисы профессионалты рæнхъыты дæр

ЦХИНВАЛ, 24 сен — Sputnik, Плиты Фатимӕ. Хуссар Иры иууыл æнтыстджындæр архайгæ æрмхæцæг Гасситы Сослан хайад райсдзæн Уæрæсейы кубокы ерысты. Ирон спортсмен тох кæндзæн ног уæзы категорийы, загъта Sputnik спортсмены тренер Джиоты Валерий.

Ерыстæ цæудзысты 25-29 сентябры Севастополы.

"Гасситы Сослан ахызт иууыл стырдæр уæзы категоримæ – тох кæндзæн 110 килограммы. Хорз цæттæ у, архайы Цæгат Ирыстоны командæйы сконды. Уый иунæгæй хъахъхъæндзæн Хуссар Иры спортивон кад ацы турниры", - загъта Джиоты Валерий.

Гасситы Сослан у Хуссар Ирыстоны иууыл æнтыстджындæр æрмхæцæг, хистæр кары категоримæ ахызты агъоммæ æхсæз азы дæргъы уыд æппынæдзух лидер æрыгæтты хсæн. Хорз бæрæггæнæнтæ æвдисы профессионалты рæнхъыты дæр.

13