Театр

Хуссар Иры студенттæ равдисдзысты "Фатима" Дзæуджыхъæуы фестивалы

53
(ранӕуӕггонд 11:46 13.03.2020)
Спектаклы архайынц Къуылыхты Анна, Бестауты Александр, Мулдарты Александр, Елошвили Георгий æмæ Гæбæраты Индира

ЦХИНВАЛ, 12 мар – Sputnik, Плиты Фатимæ. Хуссар Ирыстоны паддзахадон университеты сфæлдыстадон къорд бавдисдзӕн Хетæгкаты Къостайы поэмæ "Фатима"-мæ гæсгæ спектакль Дзæуджыхъæуы театрты фестиваль "Амыраны рухс 2020"-мæ, фехъусын кодта Sputnik Ирон филологийы факультеты декан Тыбылты Инга.

Фестиваль ныр арæзт цæуы цыппæрæм хатт. Хуссар Ирæй дзы бавдисдзысты дыууæ спектаклы.

"Фæсивæдон комитеты уылты нæм æрбарвыстой хуынды фыстæг, ректораты бафæндыд, цæмæй дзы райсæм хайад. Поэмæ "Фатима"-йæ скъуыддзаг мах сæвæрдтам æндæраз, ацы аз йæ фæуæрӕхдæр кодтам æмæ нæ фæнды йæ равдисын фестивалы", - загъта декан.

Уый ма бафтыдта, спектаклы архайджытæ кӕй сты ХИПУ-йы студенттæ хицæн факульеттæй.

"Ирон филологийӕ дарддæр ма дзы ис æндæр факультеттæй дæр студенттæ. Бестауты Александр æрлæудзæн Наибы фæлгонцы, Мулдарты Александр Ибрагимы, Елошвили Георгий та у Дзамболат, Косерханы хъазы Гæбæраты Индира. Сæйраг Фатимайы фæлгонц сæххæст кæндзæн Къуылыхты Анна. Равдысты ма хайад исы Ӕлборты Гемиры къухдариуæгадæй университеты кафты ансамбль, уыдон равдисдзысты симд æмæ æнæцудгæ кафт", - ранымадта Тыбылты Инга.

Уый ма бузныджы ныхæстæ загъта, чи сын баххуыс кодта, уыдонæн – ректоратӕн, ССГ къухдариуæггæнæг Джиоты Арианайӕн, Аивæдты лицейы ахуыргæнджытæ Быценты Геннадий æмæ Тедеты Валентинайӕн, Цхинвалы скъола-интернаты директор Тедеты Роландæн.

Хуссар Ирыстонæй ма фестивалы хайад райсдзысты фестиваль "Ожившие картины Коста"-йы уæлахиздзаутæй иу къорд. Равдисдзысты спектакль Къостайы ныв "Хъынцъымгæнæг зæд"-мæ гæсгæ спектакль.

Фестиваль уагъд æрцæудзæн 20-21 марты. Мадзал аразынц Цæгат Ирыстоны фæсивæды хъуыддæгты фæдыл Комитет æмæ æхсæнадон организаци "Амыран".

53
Милици

Хуссар Иры ПАИ сног кодта скъӕрыны бартӕ ӕмӕ номыртӕ дӕттыны куыст

1
Республикӕйы фӕстаг рӕстӕджы сӕвзӕрд проблемӕтӕ ацы бланктӕ аразын ӕмӕ республикӕмӕ ӕрласыны фӕдыл. Мидхъуыддӕгты министрад ныфс ӕвӕрдтой цыбыр ӕмгъуыдмӕ аскъуыддзаг кӕнын фарст

ЦХИНВАЛ, 14 апр - Sputnik, Козаты Диана. Хуссар Ирыстоны Паддзахадон автоинспекцийы сног кодтой хӕдтулгӕтӕн номырон нысӕнттӕ, скъӕрыны бартӕ ӕмӕ транспортон фӕрӕзты регистрацийы фӕдыл документтӕ дӕттын. Уый тыххӕй хъусын кӕны республикӕйы Мидхъуыддӕгты министрады (МХМ) пресс-службӕ.

Республикӕйы фӕстаг рӕстӕджы сӕвзӕрд проблемӕтӕ ацы бланктӕ аразын ӕмӕ республикӕмӕ ӕрласыны фӕдыл. Мидхъуыддӕгты министрад ныфс ӕвӕрдтой цыбыр ӕмгъуыдмӕ аскъуыддзаг кӕнын фарст.

"Ацы проблемӕ фӕзынд уый тыххӕй, ӕмӕ бланктӕ цы компани цӕттӕ кӕны, уый кусджытӕ иууылдӕр фӕрынчын сты коронавирусӕй. Ныр ногӕй райдыдтам дӕттын скъӕрыны бартӕ, номыртӕ ӕмӕ техпаспорттӕ", - радзырдтой МХМ.

Уагдоны бафтыдтой, транспорт срегистраци кӕныны фӕдыл ӕвдисӕндар бланктӕ республикӕмӕ кӕй ӕрхӕццӕ уыдзысты ӕввахс 2-3 боны.

1
Пресс-конференци

Ныссастам стереотиптæ: Хуссар Иры театры директор Мæскуыйы фыццаг гастрольты тыххæй

2
(ранӕуӕггонд 15:17 14.04.2021)
Хетæгкаты Къостайы номыл паддзахадон театры актертæ æмæ директор радзырдтой, куыд сæмбæлдысты хуссарирыстойнаг труппæйыл Мæскуыйы æмæ сæ дарддæры нывæзты тыххæй

ЦХИНВАЛ, 14 апр – Sputnik, Козаты Диана. Хуссарирыстойнаг театры труппæйы гастрольтæ Мæскуыйы ныссастой стереотиптæ æмæ "атыдтой культурон информацион блокадæ", загъта пресс-конференцийы Sputnik уагдоны директор Уалыты Мæдинæ.

Пресс-конференци нывонд уыд Хетæгкаты Къостайы номыл Хуссар Ирыстоны паддзахадон драмон театры труппæйы фыццаг гастрольтæн Мæскуыйы. Уæрæсейаг столицæйы театралты размæ рахастæуыд спектакльтæ "Антигона", "Фандо æмæ Лис" æмæ "Юлий Цезарь". Гастрольтæ ацыдысты "Арбаты ирон культурæйы бонты" фæлгæтты.

Мадина Валиева
© Sputnik / Natalia Airiyan
Уалыты Мæдинæ

Уалыты Мæдинæйы ныхæстæм гæсгæ, сæйраг мадзæлттæ ацыдысты Актеры централон хæдзары, кæсджытæ фылдæр бæрцæй уыдысты ирон æмбæстæгтæ.

"Уыдонæн тынг æхсызгон уыд ирон ныхас фехъусын, нæ спектакльтæ фенын. Кæй зæгъын æй хъæуы, уыдис дзы Мæскуыйы цæрджытæ дæр, уыдонæн та мах аластам сæрмагонд аппаратурæ, цæмæй спектакльтæ фехъуыстаиккой тæлмацæй", - загъта уый.

Культурон уагдоны директор ма банысан кодта, ахæм гастрольтæ хуымæтæг хъуыддаг кæй нæу, уыдон бацæттæ кæнынæн хъæуы бирæ æмæ зæрдиагæй кусын.

"Махæн уый бантыст, мах ныссастам стереотиптæ æмæ атыдтам культурон информацион блокадæ. Нæ театры тыххæй базыдтой æмæ нæ ныр хондзысты", - бахахх кодта Уалыты Мæдинæ.

Уый ма бафтыдта, ныртæккæ кæй цæуындз бадзырдтæ ног гастрольтæ æмæ стыр сценæты тыххæй.

Василий Техов
© Sputnik / Natalia Airiyan
Тъехты Василий

Хуссар Ирыстоны адæмон артист Тъехты Василий, кæцы архайдта æртæ спектаклы дæр, нымайы, гастрольтæ æцæгдæр кæй ацыдысты тынг бæрзонд æмвæзадыл.

"Алыхатт дæр иу рахатыдтæн, кæсджытæ-иу дисы кæй ныххаудысты. Уыдон æнхъæл нæ уыдысты, Хуссар Ирыстоны ахæм æмвæзадыл театр æмæ ахæм профессионалон актертæ кæ ис. Нæ спектакльтæй иумæ фæуазæг Гоша Куценко, кæцы стыр аргъ скодта хуссарирыстойнаг коллекæты профессионалондзинадæн", - радзырдта адæмон артист.

Хуссар Иры сгуыхт артисткæ Натия Чохели дæр банысан кодта, æддæмæ хæссын кæй хъæуы националон драматургийы.

"Уымæй мах фæдис кæндзыстæм æмæ бацымыдис кæндзыстæм фæсарæйнаг кæсджыты", - бахахх кодта уый.

Натиа Чохели
© Sputnik / Natalia Airiyan
Натия Чохели
2