Джиоты Тимур

Дохтыр Германийӕ Джиоты Тимур ӕрсидт ирӕттӕм баззайын хӕдзӕртты

9
(ранӕуӕггонд 11:06 13.04.2020)
Джиоты Тимур ныффыста видео, кӕцыйы ӕрсидт Ирыстоны цӕрджытӕм эпидемимӕ сӕ уӕлӕнгай ахасты фӕдыл

ЦХИНВАЛ, 13 апр - Sputnik. Дохтыр-анестезиолог Джиоты Тимур, кӕцы бирӕ ӕзты дӕргъы кусы Германийы, ӕрсидт Ирыстоны цӕрджытӕм, цӕмӕй ӕххӕст кӕной хисӕрмагонд изоляцийы режим.

Джиоты Тимур фӕстаг мӕйты куыста коронавирусӕй фӕрынчынуӕвджытимӕ, уымӕн ӕмӕ йын йӕ кардиохирургон центрмӕ Германийы райдыдтой кӕнын COVID-19-ӕй рынчынты. Фӕстӕдӕр йӕхӕдӕг дӕр фӕрынчын ис ацы вирусӕй.

"Фӕнды мӕ бамбарын кӕнын COVID-19 вирусы апарахаты уавӕр нӕ республикӕйы цӕрджытӕн куыд адӕймаг, кӕцы хайад исы ацы пациенттӕн хоскӕнынады, афтӕ ма цыппӕрӕм бон мӕхӕдӕг рынчын дӕн коронавирусон инфекцийӕ. Низ мӕнӕн цӕуы рог формӕйы, улӕфыны проблемӕтӕ мын нӕй. Мӕ организм ӕвзонг кӕй у, уый фӕдыл мын ис фидар иммунон системӕ. Мӕ ӕнӕниздзинад кӕй фӕхуыздӕр, уый фӕдыл ӕз абон ныффыстон ацы видео, кӕцыйы сидын республикӕйы цӕрджытӕм фӕкъаддӕр кӕнын сӕрмагонд контакттӕ цалынмӕ пандеми фӕуа, уӕдмӕ", - загъта дохтыр.

Джиоты Тимур банысан кодта, цӕмӕй фӕрынчынуӕвджыты нымӕц ма фылдӕр кӕна, уый тыххӕй хъӕуы баззайын хӕдзӕртты.

9

КТ

Компьютерон томограф Цхинвалы скусдзӕн цыппӕрӕмы

2
(ранӕуӕггонд 11:43 28.05.2020)
Компьютерон томографы куысты згъуыдтытӕ фӕзынд январы. Ӕхсӕнад, рынчындоны ифтонгад кӕй нӕ кусы ӕмбӕлон уагыл, уый тыххӕй базыдта коронавирусы апарахаты фӕстӕ. Ацы низы диагностикӕйӕн ӕнӕмӕнг хъӕуы КТ

ЦХИНВАЛ, 28 май - Sputnik, Козаты Диана. Хуссар Ирыстоны Республикон бирӕпрофилон медицинон центры компьютерон томограф сараздзысты цыппӕрӕмы, загъта хицауады рабадты Ӕнӕниздзинад хъахъхъӕнынады министр Тотчиты Георгий.

Компьютерон томографы куысты згъуыдтытӕ фӕзынд январы. Ӕхсӕнад, рынчындоны ифтонгад кӕй нӕ кусы ӕмбӕлон уагыл, уый тыххӕй базыдта коронавирусы апарахаты фӕстӕ. Ацы низы диагностикӕйӕн ӕнӕмӕнг хъӕуы КТ. 

"Аппараты цалцӕджы куыстытӕ балхынцъ уыдзысты абон. Уый фӕстӕ кусдзысты гемодиализы аппаратыл", - загъта министр.

Хуссар Ирыстоны РБМЦ дохтыр, анестезиолог - реаниматолог Плиты Александр радзырдта Sputnik, ӕртыццӕджы республикӕмӕ кӕй ӕрцыдысты ӕртӕ специалисты ӕхсӕнадӕмон фирмӕйӕ, кӕцытӕ кусынц бӕрзондтехнологион ифтонгадимӕ. Уыдон рахастой, КТ-йӕн цы хъуаг кодта, уыцы деталь.

"Донецкаг фирмӕйы минӕвӕрттӕ, кӕцытӕ сӕхимӕ ӕмӕ ӕппӕт Уӕрӕсейы сӕ хъус дарынц 150 КТ-йы аппаратмӕ, рацыдысты Цхинвалмӕ знон. Уыдон рахастой, цы деталь нӕ фаг кодта КТ-йӕн, уый. Мӕ хъуыдымӕ гӕсгӕ йӕ абон сцалцӕг кӕндзысты", - загъта Плиты Александр.

2
Уӕлахизы бон

Бибылты Анатолий фехъусын кодта, кӕд рацӕудзӕн Хуссар Иры Ӕнӕмӕлгӕ полк

6
(ранӕуӕггонд 11:46 28.05.2020)
Амӕйразмӕ паддзахады сӕргълӕууӕг фехъусын кодта, Цхинвалы Уӕлахизы парад кӕй ацӕудзӕн уӕрӕсейаг столицӕйы парадимӕ иу бон – 24 июны

ЦХИНВАЛ, 28 май - Sputnik, Козаты Диана. Хуссар Ирыстоны президент Бибылты Анатолий фехъусын кодта, акци "Ӕнӕмӕлгӕ полк" республикӕйы кӕй ацӕудзӕн 26 июны.

Паддзахады сӕргълӕууӕг бахӕс кодта хъахъхъӕнынад ӕмӕ культурӕйы министртӕн бакусын организацион фарстытыл.

"Нӕ фыдтӕ ӕмӕ фыды фыдтӕ сӕхи иттӕг хорз равдыстой, ӕмӕ махӕн бар нӕй, цӕмӕй ма банысан кӕнӕм ацы бӕрӕгбон. Мах хъуамӕ бузныг зӕгъӕм, ацы бӕрӕгбон нын чи ӕрхаста, уыдонӕн", - загъта президент.

Амӕйразмӕ фехъусын кодтой Уӕлахизы парад ауадзыны датӕ дӕр, кӕцы аргъӕвтой коронавирусы пандемийы тыххӕй. Цхинвалы Уӕлахизы парад ацӕудзӕн Мӕскуыйы Сырх Фӕзуатыл парадимӕ иу бон – 24 июны.

6