Турчы цæрæг ирæтты æхсæнад Алани-йы сæрдар Хъуысаты Садреттин

Турчы ирӕттӕ сæ историон фыдыбæстæн æххуысы тыххæй: уый нæ хæс у

12
(ранӕуӕггонд 10:56 14.05.2020)
Турчы цæрæг ирæтты æхсæнад "Алани"-йы сæрдар Хъуысаты Садреттин куыд банысан кодта, афтæмæй ацы мадзал уыдон æххуысыл нæ нымайынц, фæлæ сæ хæсыл се ‘фсымæрты раз

ЦХИНВАЛ, 14 май — Sputnik. Турчы ирон диаспорæ бакодта гуманитарон æххуыс йæ историон Фыдыбæстæйæн. Ирыстонмæ æрвыст æрцыдысты хъахъхъæнынады фæрæзтæ — 10 мин медицинон маскæйы, цыппар мин хъахъхъæнынадон костюмы, æртæ мин респираторы, хъусын кæны 15 регион.

Турчы цæрæг ирæтты æхсæнад "Алани"-йы сæрдар Хъуысаты Садреттин куыд банысан кодта, афтæмæй ацы мадзал уыдон æххуысыл нæ нымайынц, фæлæ сæ хæсыл се ‘фсымæрты раз.

"Æххуыс, уый сыхаг кæнæ зонгæйæн цавæрдæр уæззау уавæры куы баххуыс кæнай, уый у. Фæлæ уæззау уавæры дæ мад, де ‘фсымæр, дæ хо куы уой, уæд уый æххуыс нæу, фæлæ дæ хæс. Куы йæ сæххæст кæнай, уæд хорз, кæд нæ, уæд та æгаддзинад. Кæд дард цæрæм, уæддæр нæхи Ирыстоныл нымайæм, иу туг, иу стæг стæм. Ахæм бон хъуамæ не ‘фсымæрты фарсмæ балæууæм", — загъта æхсæнады хистæр.

Хъуысаты Садреттин ракодта, гуманитарон уаргъ æрвитгæйæ диаспорæйы минæвæрттæ цы зындзинæдтæ бавзæрстой, уыдон кой. Йæ ныхæстæм гæсгæ, хъахъхъæнынады фæрæзтæ рарвитыныл куыст цы бон райдыдтам, уымæй дыууæ боны раздæр Турчы рацыд закъон, æндæр бæстæтæм гуманитарон æххуыс æрвитæн кæй нал ис, уый тыххæй.

"Уæлбары тыххæй та хицауадмæ баздæхын хъуыд — фарстмæ сæрмагонд хуызы æркæсыны æмæ бар раттыны тыххæй. Нæ тых æмæ амалæй архайдтам хъуыддаг кæронмæ ахæццæ кæныныл. Нæ кадджын хистæртæй иуимæ — Хъаныхъуаты Шерифимæ аныхас кодтон, цæмæй нæм æввонггæнджытæ ссарыны хъуыддагæй фæкæса. Иумæйаг тыхтæй хъуыддаг нæ къухты бафтыд", радзырдта Хъуысаты Садреттин.

Диаспорæйы разамонæг ма уымæй уæлдай куыд фæбæрæг кодта, афтæмæй Турчы ирæтты ‘хсæн ныридæгæн коронавирусæй фæрынчыны иу цау дæр нæ уыд.

"Куыд зонын, афтæмæй ам ирæттæ иууылдæр æнæниз сты. Нæ зæрдæ дарæм, æввахс рæстæджы сымахмæ дæр алцыппæт дæр кæй ахицæн уыдзæн хорзæй, ууыл", — бафтыдта йæ ныхасмæ уый.

12
Цхинвал

Хуссар Иры ӕнӕкусӕгон бонтӕ нӕ адарддӕр кӕндзысты

9
(ранӕуӕггонд 16:08 28.05.2020)
Июны кӕрӕттӕм баззайдзысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм

ЦХИНВАЛ, 28 мая – Sputnik, Козаты Диана. Хуссар Ирыстоны ӕнӕкусӕгон бонтӕ, кӕцытӕ расидтысты коронавирусы пандемийы тасӕй, нӕ адарддӕр кӕндзысты, загъта Sputnik президенты пресс-секретарь Гасситы Дина.

Хуссар Ирыстоны ӕнӕкусӕгон бонтӕ расидтысты 8 апрелы, уый фӕстӕ сӕ дыууӕ хатт адарддӕр кодтой 11 ӕмӕ 28 майы онг.

"Райсгӕ мадзӕлтты руаджы фӕкъаддӕр ис коронавирусы апарахаты тас. Инфекци нӕ рахызт медицинон уагдӕттӕй, цы ран сизоляци кодтой ӕмбӕстӕгты карантины. Уавӕр ис хъусдарды бын. Уый фӕдыл ӕнӕкусӕгон бонтӕ нӕ адарддӕр кодтой", - загъта Гасситы Дина.

Фӕлӕ баззадысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм. Куыстӕй ссӕрибар кодтой ӕвгъӕдджын сылгоймӕгты, 65 азы карӕй хистӕрдӕр адӕмы, ӕмӕ иугӕндзойнон низтӕй рынчын ӕмбӕстӕгты. Уыдонӕн фиддзысты сӕ мызд дӕр.

Афтӕ ма бар ис ссӕрибар кӕнын ныййарджытӕй иуы, кӕцы зилы 10 азы кары онг сывӕллонмӕ.

9
Ветеран

Хуссар Иры фӕмардуӕвӕг ветеранты бинонтӕн бакӕндзысты финансон ӕххуыс

12
(ранӕуӕггонд 14:15 28.05.2020)
Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны, уыдонӕй дыууӕ амардысты Уӕлахизы боны

ЦХИНВАЛ, 28 май – Sputnik, Козаты Диана. Хуссар Ирыстоны хицауады резервон фондӕй хицӕн ӕрцыдысты ӕхцайы фӕрӕзтӕ, ацы аз цы Стыр Фыдыбӕстон хӕсты ветерантӕ амардысты, уыдон бинонтӕн баххуыс кӕныны нысанӕн.

Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны – Кокойты Григорий, Джергаты Василий ӕмӕ Арболишвили Александр. Джергаты Василий йӕ 100-азон юбилеймӕ нӕ фӕцард цалдӕр мӕйы. Ноджы ма иу хӕстон архӕйдтыты хайадисӕг Хуссар Ирыстонӕй йӕ цардӕй ахицӕн ис Санкт-Петербурджы, йӕ мӕрдон буар ын фӕстӕдӕр ӕрластой йӕ райгуырӕн бӕстӕмӕ.

"Мах хъынцъым кӕнӕм уыцы адӕмы амӕлӕты тыххӕй, кӕцытӕ хъӕбатырӕй равдыстой сӕхи Стыр Фыдыбӕстон хӕсты быдырты. Стыр хъыгагӕн, азӕй-азмӕ уыдон кӕнынц къаддӕрӕй-къаддӕр. Майы не ‘хсӕнӕй фӕхъуыд ӕртӕ ветераны. Фӕлӕ мах сараздзыстӕм алцыдӕр, цӕмӕй сӕ ном рох макуы уа", - загъта хицауады сӕргълӕууӕг Пухаты Эрик.

 Дзӕнӕттаг ветеранты бинонтӕн ӕххуысы хуызы рахицӕн кӕндзысты фӕйнӕ сӕдӕ мин сомы.

12