Нарты эпос

Белграды мыхуыры рацыд Нарты эпос сербаг ӕвзагыл

33
(ранӕуӕггонд 13:11 22.06.2020)
Сербаг фыссæг Момо Селичы Ирыстоны истори æмæ Нарты эпос афтæ сцымыдис кодтой, æмæ йæм фæзынд нартимæ баст сæйраг чиныг сербаг æвзагмæ ратæлмац кæныны фæнд

ЦХИНВАЛ, 22 июн – Sputnik. Сербийы сæйраг горӕт — Белграды мыхуыры рацыд Нарты кадджыты фыццаг том,  хъусын кӕны телеканал Осетия-Ирыстон.

Чиныджы тæлмацыл æмæ йæ рауадзыныл куыст цыди 10 азы бæрц. Фыццаг сигналон тираж - 500 экземпляры къуыримæ æрцыд æлхæд.

Хъусинагӕй куыд бӕрӕг у, афтӕмӕй сербаг фыссæг Момо Селич йæ райгуырæн Белградæй автобусыл рараст Кавказмæ алайнаг уидæгтæ агурæг. Ирыстоны истори æмæ йæ Нарты эпос афтæ сцымыдис кодтой, æмæ йæм фæзынд нартимæ баст сæйраг чиныг сербаг æвзагмæ ратæлмац кæныны фæнд.

"Нарты эпос у ахӕм чиныг, цыран фенӕн ис ӕцӕг дуне, диссаджы дуне. Уым иу ран дӕр дзырд нӕ цӕуы уый тыххӕй, зӕгъгӕ, мах иу клеткӕйонтӕй кӕй равзӕрдыстӕм. Фыццаджыдӕр мӕн фӕндыд ацы чиныгимӕ базонгӕ кӕнын мӕ адӕмы Балхъанты. Агуырдтон рауагъдад", - радзырдта Момо Селич.

Йӕ ныхӕстӕм гӕсгӕ, йӕ бӕллиц сӕххӕст кӕныны хъуыддаджы йæм тынг фæкаст йæ цардæмбал, тæлмацгæнæг Анна.

Нарты кадджытӕй дарддӕр ма сербаг фыссӕг иттӕг хорз сахуыр кодта аланты истори, сӕ цардуаг ӕмӕ культурӕ. Тӕтӕр-мангойлаг ӕфсады раздзог Тамерланы ныббырст алайнаг зӕхмӕ та Селич схуыдта "ӕцӕг геноцид".

33
Хуссар Иры ссардзысты Зары трагедийы амӕттӕгты рухс нӕмттӕ

Хуссар Иры ссардзысты Зары трагедийы амӕттӕгты рухс нӕмттӕ

1
(ранӕуӕггонд 15:30 17.05.2021)
Фыдохы мадзӕлттӕ ацӕудзысты 29 азы размӕ ӕвирхъау трагеди кӕм ӕрцыд, уыцы бынаты цур

ЦХИНВАЛ, 17 мая – Sputnik, Хъуылымбегты Азӕмӕт. Хуссар Ирыстоны цыппӕрӕмы, 20 майы, ацӕудзӕн фыдохы акци, кӕцы нывонд у Зары трагедийы амӕттӕгты мысӕнӕн, фехъусын кодтой Sputnik культурӕйы министрады пресс-службӕйы.

Зары трагеди нымад æрцыд Хуссар Ирыстоны ног историйы иууыл æгъатырдæртæй сæ иуыл, йæ амæттаг баисты 36 адæймаджы, 12 райстой цæфтæ. Фæмардуæвджытæй иууыл кæстæр уыд 11-аздзыд сывæллон, иууыл хистæрыл та цыд 76 азы.

"Ацы бон Зары хъӕумӕ бахизӕны ацӕудзӕн мысӕн акци "Зажги свечу в память о погибших! В душе зажги и никогда не задувай!". 12.03 сахатыл республикӕйы расидтдзысты Ӕппӕтнацион ӕдзӕмӕй алӕугӕйӕ уысм", - фехъусын кодтой культурӕйы министрады.

Фыдохы датӕмӕ паддзахадон телеуыныннад бацӕттӕ кодта тематикон алӕвӕрдты сери Цхинвалы цӕрджыты мысинӕгтимӕ ацы боны фӕдыл.

1
Хуссар Ирыстоны паддзахадон драмон театр

Ӕрхонгӕ режиссер Цхинвалы бавдисдзӕн комеди "Дон Жуан"

15
(ранӕуӕггонд 16:52 17.05.2021)
Спектакль Дон Жуан"-ы фыццаг хатт паддзахадон драмон театры сценӕйыл сӕ архӕстдзинад равдисдзысты ХИПУ театралон факультеты студенттӕ

ЦХИНВАЛ, 17 май — Sputnik, Плиты Фатимæ. Хуссар Ирыстоны паддзахадон драмон театр сцӕттӕ кодта спектакль "Дон Жуан" рауадзынмӕ. Дыгуры театры сӕйраг режиссер Джелиты Хъазыбеджы бакастӕй комеди уыдзӕн драмӕйы ӕууӕлтимӕ, фехъусын кодтой Sputnik ПДТ пресс-службӕйы.

Уагдоны банысан кодтой, къорд кӕй архайы, цӕмӕй къуырийы кӕрон спектакль бавдисой аивадон советӕн.

"Ӕвзонг курдиатджын режиссер Джелиты Хъазыбегӕн ис ӕндӕрхуызон бакаст Мольеры комедимӕ, уый у психологон драмӕ, алкӕцы  адӕймаг дӕр арф ахъуыды кӕндзӕн ӕмӕ фӕхуддзӕн йӕхи ӕппӕрццаг миниуджытыл. Репетицитӕ цӕуынц бон дыууӕ хатты", - загътой пресс-службӕйы.

Уым ма бафтыдтой, спектакль "Дон Жуан"-ӕн кӕй бацӕттӕ кодтой диссаджы дарӕс ӕмӕ декорацитӕ.

"Тынг ӕхсызгон нын у ацы премьерӕйы тыххӕй фехъусын кӕнын. Сӕйраг фӕлгонц ӕххӕст кӕны Мамиты Григорий, уый ралӕууыд Дон Жуанӕй, йе 'ххуырсты фӕлгонц та ӕххӕст кӕны Гаглойты Эдуард. Спектаклы ма архайынц адӕмон артист Тъехты Уасил, сгуыхт артисттӕ Уанеты Эдуард, Гаглойты Артур, Хуыгаты Альбина, Натия Чохели ӕмӕ Хаситы Сослан", - бафтыдта уый.

Ацы спектаклы ма фыццаг хатт паддзахадон драмон театры сценӕйыл сӕ архӕстдзинад равдисдзысты ХИПУ театралон факультеты студенттӕ.

 

15