Медойы Вадим

Хуссар Ирыстонӕй рацӕугӕ дохтыры схорзӕхджын кодта Путин

248
(ранӕуӕггонд 13:51 25.06.2020)
Хуссар Иры 2008 азы хӕсты рӕстӕджы Медойты Вадим Цхинвалы рынчындоны ныккӕнды, къуындӕг уавӕрты бынӕттон дохтыртимӕ арӕзта опеацитӕ, ирвӕзын кодта цӕфты

ЦХИНВАЛ, 25 июн – Sputnik, Плиты Фатимӕ. Хуссар Ирыстонӕй рацӕугӕ дохтыр, Цӕгат Ирыстоны тагъд ӕххуысы клиникон рынчындоны хирургийы хайады хистӕр, медицинон зонӕдты кандидат Медойты Вадимы Владимир Путин схорзӕхджын кодта Пироговы Орденӕй. Ирон медикы хорзӕх Хуссар Иры дохтыртӕ нымайынц сӕхи ӕнтыстыл, загъта Sputnik РХИ сӕйраг анестезиолог ӕмӕ реаниматолог Плиты Александр.

Медойты Вадимы схъомыл ис Хуссар Ирыстоны, каст фӕцис фӕндзӕм астӕуккаг скъола. Уый фӕстӕ Цӕгат Ирыстоны медицинон академи каст фӕцис сырх дипломимӕ.

"Хуссар Иры дохтыртӕн уый уыд тынг ӕхсызгон хабар - ахӕм аккаг ӕмӕ разагъта хирургы схорзӕхджын кодтой Уӕрӕсейы. Хорзӕхыл цин кӕны Хуссар Иры ӕппӕт медицинон ӕхсӕнад. Арфӕ кӕнын ӕз дӕр мӕ хӕларӕн", - загъта йе ʻмгар Плиты Александр.

2008 азы хӕсты рӕстӕджы Медойты Вадим уыд Цхинвалы ӕмӕ бацыд рынчындонмӕ йӕ коллегӕтӕн ӕххуыс кӕнынмӕ. Уыдон иумӕ архайдтой фӕцӕфуӕвджыты фервӕзын кӕныныл. Операцитӕ цыдысты рынчындоны ныккӕнды, къуындӕг уавӕрты, фӕлӕ уымӕ ӕнӕкӕсгӕйӕ уыдысты нывыл арӕзт. Хӕсты фӕстӕ дӕр Медойты Вадим йӕ архайды тыххӕй райста бӕрзонд хорзӕх.

"2008 азы уый равдыста хъайтардзинад ӕмӕ дӕсныйады дӕнцӕг. Бирӕ хӕстонты ӕмӕ сабыр цӕрджыты цард аирвӕзын кодта. Хӕсты йӕ архайды тыххӕй уый рахицӕн кодтой медицинӕйы фадыджы Уӕрӕсейы иууыл бӕрзонддӕр хорзӕх "Призвание"-йӕ", - бафтыдта хуссарирыстойнаг реаниматолог.

Йӕ коллегӕты хъуыдымӕ гӕсгӕ, Медойты лӕппу у ацы хорзӕхы аккаг.

"Пироговы орден ссардта аккаг хицауы, уый алкӕддӕр уыд хуыздӕр дохтыр. Фыццаг курсӕй йӕ зонын. Ахуыры рӕстӕджы дӕр хицӕн кодта аннӕтӕй, ӕнӕхъӕн бон фӕрсгӕйӕ-иу ӕй басихор кӕнын дӕр айрох. У хорз ӕмгар, алы хъуыддаджы дӕр дзы вӕййынц сӕрыстыр", - загъта Цӕгат Ирыстоны РКР-ы сывӕллӕтты дохтыр-реанимотолог Табуты Фатимӕ.

Пирогововы орден Медойты Вадимӕн лӕвӕрд ӕрцыд коронавирусимӕ тох кӕныны тыххӕй.

248
Фӕсарӕйнаг хӕдтулгӕ сӕмбӕлд фӕндаггӕрон цӕджындзыл Цхинвалы

Фӕсарӕйнаг хӕдтулгӕ сӕмбӕлд фӕндаггӕрон цӕджындзыл Цхинвалы

4
(ранӕуӕггонд 16:09 23.09.2020)
Авари ӕрцыд ӕртыццӕджы сихорафон Дзау-Цхинвал фӕндагыл. Развӕлгъау бӕрӕггӕнӕнтӕм гӕсгӕ, машинӕйы шофыр уӕззау цӕфтӕ нӕ фӕцис

ЦХИНВАЛ, 23 сен — Sputnik, Хъуылымбегты Азӕмӕт. Хуссар Ирыстоны столицӕйы цӕгаттаг фарс ӕртыццӕджы ӕрцыд фӕндагон-транспортон цау - рог хӕдтулгӕ "Volkswagen Jetta-йы шофыр сӕмбӕлд фӕндагон нысаны цӕджындзыл ӕртагкӕнӕн станцмӕ базилӕны. Мидхъуыддӕгты министрады пресс-службӕйы кусӕг Джиоты Алик куыд фехъусын кодта, афтӕмӕй автоинспекцийы кусджытӕ бӕрӕг кӕнынц цауы ӕууӕлтӕ.

"Развӕлгъау бӕрӕггӕнӕнтӕм гӕсгӕ, аварийы фӕстиуӕгӕн зианбаййафджытӕ нӕй, - загъта уый.

Хӕдтулгӕ, бафтыдта пресс-службӕйы кусӕг, дзӕвгар ныппырхытӕ ис, уый сэвакуаци кодтой цауы бынатӕй.

4
РХИ парламент

Парламент радон хатт не ‘ркаст Хуссар Иры премьеры кандидатурӕмӕ

4
(ранӕуӕггонд 15:30 23.09.2020)
Ӕртыццӕджы фӕуд кӕны закондӕттӕг органы ӕркасты ӕмгъуыд президенты æнхърæнмæ Хуссар Ирыстоны хицауады сӕрдар снысан кӕнынӕн. Профилон комитеты рабадт нӕ ацыд ӕртыккаг хатт

ЦХИНВАЛ, 23 сен - Sputnik. Кворум кӕй нӕ ӕрымбырд, уый тыххӕй нӕ ацыд парламенты законад ӕмӕ бынӕттон хӕдразамынады комитеты рабадт, кӕцыйы рӕстӕджы хъуамӕ ӕркастаиккой Бекъойты Геннадийы кандидатурӕмӕ бӕстӕйы премьер-министры бынатмӕ. Уый тыххӕй хъусын кӕны парламенты пресс-службӕ.

16 сентябры президент Бибылты Анатолий парламенты ӕркастмӕ бавдыста Бекъойты Геннадийы кандидатурӕ премьер-министры бынатмӕ. Конституцимӕ гӕсгӕ, фарстмæ сессийы агъоммӕ ӕркӕсынц комитет æмæ президиумы. Закондӕттӕг органӕн уыд иу къуыри хицауады сӕрдары кандидатурӕмӕ ӕркӕсынмӕ, ӕмгъуыд фӕуд кӕны ӕртыццӕджы. Уый размӕ комитеты дыууӕ рабадты дӕр нӕ ацыдысты кворум кӕй нӕ ӕрӕмбырд, уый тыххӕй.

"Нӕ комитеты уӕнгтӕ – депутаттӕ Гаглойты Алан ӕмӕ Диакъонты Амиран – не ‘рбацыдысты рабадтмӕ. Уыдон ӕртыккаг хатт нӕ исынц хайад комитеты рабадты, уый фӕдыл ӕй нӕй фадат ауадзын ацы фарстмӕ ӕркӕсыны тыххӕй. Абон ӕз ныффысдзӕн службӕйон фыстӕг парламенты сӕрдармӕ ацы фарсты фӕдыл, цы ран ӕз фехъусын кӕндзӕн, депутаттӕ ӕртыккаг хатт кӕй нӕ ӕрбацыдысты комитеты рабадтмӕ, ӕмӕ уый фӕдыл нӕ фадат ауадзын рабадт ацы фарсты фӕдыл", - банысан кодта комитеты сӕрдар Габатты Алан.

Президенты минӕвар парламенты Куымӕридтаты Анна фехъусын кодта президенты номӕй, депутаттӕ парламенты куысты хайад кӕй нӕ исынц, уымӕн нӕй барадон бындур.

Парламенты спикер Тадтаты Алан схуыдта депутатты позици закондӕттӕг органы куысты ӕргом саботаж.

Раздӕры хицауад ацыд отставкӕйы Цхинвалы митингты фӕстӕ. Столицӕйы адӕм се 'неразыдзинад равдыстой Цхинвалы цӕрӕг Дзабиты Иналы мӕлӕты фӕстӕ, кӕцы амард Мидхъуыддӕгты министрады криминалон милицийы рӕстӕгмӕ дарӕн изоляторы нады фæстиуæгæн.

Уый фæстæ митингты адӕм домдтой МХМ хистӕр ӕмӕ Генералон прокуроры отставкӕтӕ. 16 сентябры президент йӕ пресс-конференцийы комкоммӕ эфиры фехъусын кодта йӕ дзуапп депутаттӕн, генералон прокуроры йӕ бынатӕй ссӕрибар кӕнынӕн кӕй нӕй бындур. Уымӕй размӕ закондӕттӕг органты депутатты ӕмбис сӕ куыст ӕххӕст кӕныныл нал саразы сты, цалынмӕ президент сӕххӕст кӕна сӕ домӕн.

18 сентябры парламентон фракци "Иугонд Ирыстон"-ы скондæй йæ рахызты тыххæй фехъусын кодта депутат Мулдарты Гарри, уымæй уый равдыста йе ʻнæразыдзинад депутатты фылдæр хайы домæн æххæст кæй не ʻрцыд, уый тыххæй.

4