Арӕныл тобӕ ахицӕн кодта ӕвзонг бинонты Цхинвалӕй

Арӕныл тобӕ ахицӕн кодта ӕвзонг бинонты Цхинвалӕй

1542
(ранӕуӕггонд 15:20 30.06.2020)
Тедеты Артур æмæ Блиты Алена сæ цард баиу кодтой 2019 азы февралы, фæлæ сæ къайад не сфидар кодта, карантины размæ балцы æвзонг чызджы баппæрста цæхæры – уымæн йæ æнахъом сабиимæ æрцæуын фадат нал ис

ЦХИНВАЛ, 30 июн — Sputnik, Плиты Фатимӕ. Блиты Аленайæн йæ бинонтæ æмæ хæдзар сты Цхинвалы, фæлæ йæм Хуссар Иры æмбæстагад кæй нæй, уымæ гæсгæ йын республикæмæ фæндаг у æхгæд. Æвзонг чызг мæйдзыд сабиимæ рахау-бахау кæны адæмы къуымты, бæрнон кусджытæ та йын ныфс дæр нæ дæттынц.

Хуссар Ирыстонмӕ дыццӕджы ӕрцӕуы не мбӕстӕгты стыр къорд. Фӕлӕ ма цӕгаты баззад ахӕмтӕ, кӕцыты ӕрцӕуынвӕд чи кæны, уыдон номхыгъдтӕм дӕр кӕй нӕ хӕссынц.

Коронавирусы фӕдыл Уӕрӕсеимӕ ӕхгӕд арӕнты аххосӕй ныр ӕртыккаг мӕй Хуссар Ирыстонмӕ ӕрӕздӕхын йӕ бон нӕу Блиты Аленайӕн цалдӕр бондзыд сабимӕ. Ӕвзонг ныййарӕг тыхсы цӕрӕн бынатӕй, инстанцитӕй йӕ балцытӕй дӕр райгондӕй никуы баззад.

"Ӕртыккаг скрининг саразынæн мæ хъуыд ӕрцӕуын Дзӕуджыхъӕумӕ. Арӕныл мын уӕд загътой иу къуыримӕ мӕ бон кӕй уыдзӕн раздæхын, фӕлӕ уыцы изӕр фӕндаг ӕрӕхгӕдтой", - загъта Блиты Алена.

Арæн бакæнынмæ æнхъæлмæ кæсгæ цыдысты бонтæ æмæ мæйтæ. Чызгӕн  ацы ӕмгъуыд райгуырд чызг Дина ӕмӕ та ӕвзонг ныййарӕг бацархайдта Цхинвалмӕ ӕрцӕуын.

"12-бондзыд сывӕллонимӕ бацыдтӕн консулон хайадмӕ, уым мын загътой ӕнӕ Хуссар Ирыстоны ӕмбӕстӕгадӕй радты не 'вӕрынц", - бафтыдта уый.

Молодая женщина с ребенком не могут вернутся домой в Южную Осетию
Из личного архива Алёны Блиевой
Блиты Алена

Чызгӕн йӕ ӕнахъом сабиимӕ кӕм цӕрой, уый дӕр нӕй. Йӕ ныййарӕг фӕстаг ӕзты цӕры Сочийы, Алена та ӕрбынат кодта рӕстӕгмӕ къуындӕг уавӕрты йӕ дард хӕстӕгтмӕ.

"Дард хӕстӕджытӕм цӕрын къуындӕг ӕмӕ мӕгуырау уавӕрты, ӕндӕр бон мӕ нӕй. Мӕ мой мын ӕрвиты фӕрӕзтӕ, фӕлӕ афтӕ кӕдмӕ цӕрон, нал фӕразын", - загъта Блиты Алена.

Чызг Дзӕуджыхъӕуы уагдӕтты къӕсӕртӕ ныннадта, лӕг та ам фӕсарӕйнаг хъуыддӕгты министрадмӕ цӕуы, фӕлӕ ӕвзонг бинонтӕн баиу кӕнын не 'нтысы.

"Хуссар Ирыстоны консулы номер ссардтон, уый та сын банхъардта ФХМ-мæ бацӕуын Цхинвалы. Мӕ лӕг та ФХМ-мæ бацыд, фӕлӕ нын ницы баххуыс кодтой", - радзырдта Sputnik чызг.

2019 азы февралы Блиты Алена чындзы ӕрцыд Хуссар Ирыстонмӕ, йӕ цард баиу кодта Тедеты Артуримӕ, фӕлӕ  къайад не сфидар кодтой.

1542

Уӕрӕсейаг ӕфсӕддонтӕ дезинфекци уадзынц Хуссар Иры районты

2
(ранӕуӕггонд 16:24 24.11.2020)
Хуссар Ирыстоны уӕвӕг Уӕрӕсейы ӕфсӕддон госпиталы къорд бацыдысты Знауыры районы рынчындон ӕмӕ скъоламӕ

Уӕрӕсейы ӕфсӕддон-быдырон госпиталы специалисттӕ сдезинфекци кодтой дыууӕ социалон объектты, цӕмӕй ӕруромой коронавирусы дарддӕры апарахат. Сӕ дарддӕры нывӕзты ис ӕнгӕс куыстытӕ ауадзын Ленингоры районы дӕр.

2
Уӕрӕсейы ӕфсӕддонтӕ сдезинфекци кодтой Хуссар Иры МХМ бӕстыхай

Уӕрӕсейы ӕфсӕддонтӕ сдезинфекци кодтой Хуссар Иры МХМ бӕстыхай

2
(ранӕуӕггонд 15:27 24.11.2020)
Цхинвалы уӕрӕсейаг мобилон госпиталы радиацион, химикон ӕмӕ биологон хъахъхъӕнынады дӕлхайады ӕфсӕддонтӕ сдезинфекци кодтой МХМ бӕстыхай

ЦХИНВАЛ, 24 ноя - Sputnik. Уӕрӕсейаг мобилон госпиталы радиацион, химикон ӕмӕ биологон хъахъхъӕнынады дӕлхайады ӕфсӕддонтӕ сдезинфекци кодтой Хуссар Ирыстоны Мидхъуыддӕгты министрады (МХМ) бӕстыхай, цӕмӕй ма ‘руадзой коронавирусы апарахат, хъусын кӕны уагдоны пресс-службӕ.

Ӕфсӕддонтӕ сӕрмагонд ифтоггарзӕй сдезинфекци кодтой службӕйон бӕстыхӕйттӕ ӕмӕ ӕввахс территори, банысан кодтой МХМ.

Российские военнослужащие из войск РХБЗ продезинфицировали здание МВД
Уӕрӕсейы ӕфсӕддонтӕ сдезинфекци кодтой Хуссар Иры МХМ бӕстыхай

Хуссарирыстойнаг медиктӕм ӕххуысмӕ ӕрцыдысты УФ Хъахъхъӕнынады министрады ӕфсӕддон дохтыртӕ. Ӕфсӕддон-быдырон госпиталь сӕвӕрдтой горӕты стадионы территорийыл, уый райдыдта исын пациентты.

Хуссар Ирыстоны пандемийы рӕстӕджы сбӕрӕг кодтой коронавирусӕй 1,8 минмӕ ӕввахс фӕрынчынуӕвӕджы, уыдонӕй сӕнӕниз сты 570 пациенты. Республикӕйы 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ уадзыныл.

2