Уанеты Вадим

Бизнесмен Уанеты Вадим фехъусын кодта банкроты тыххæй

10
(ранӕуӕггонд 15:18 20.08.2020)
Хуссарирыстойнаг 59-аздзыд амалиуæггæнæг Ростовы областы Арбитражон тæрхондонмæ цы куырдиат бадæтта, уым куры, цæмæй йæ банымайой финансон æгъдауæй æвæрæз адæймагыл

ЦХИНВАЛ, 20 авг - Sputnik. Ирон бизнесмен Уанеты Вадим бадæтта куырдиат Ростовы областы Арбитражон тæрхондонмæ - уый куры, цæмæй йæ банымайой банкротыл. Хабары тыххæй хъусын кæны ИА "ДОН 24", Ростовы областы хицауадæй ратæдзæныл æнцойгæнгæйæ.

Цхинвалæй ацæугæ, 59-аздзыд амалиуæггæнæг фехъусын кодта, кæй йын ис 500 мин сомæй фылдæр хæс, кæцыйы хъуамæ бафыстаит æртæ мæйы размæ. Кæд æмæ йын йæ куырдиатæн тæрхондон разыйы дзуапп раттæ, уæд райдайдзæн Уанеты Вадимы хисæрмагонд исад уæй кæныны процедурæ.

Уанеты Вадим - ирон бизнесмен, Уæрæсейы егъау агросæудæджерадон холдинг "Евродоны" бындурæвæрæг æмæ хицау. 2017 азы сæрды уый бакодта Хуссар Ирыстоны столицæйы фыдызгъæлы завлд "Растдон", кæцы йæ куысты фыццаг азы рауагъта 100 тоннæй фылдæр фыдызгъæлон продукци.

 

10
Фӕсарӕйнаг хӕдтулгӕ сӕмбӕлд фӕндаггӕрон цӕджындзыл Цхинвалы

Фӕсарӕйнаг хӕдтулгӕ сӕмбӕлд фӕндаггӕрон цӕджындзыл Цхинвалы

4
(ранӕуӕггонд 16:09 23.09.2020)
Авари ӕрцыд ӕртыццӕджы сихорафон Дзау-Цхинвал фӕндагыл. Развӕлгъау бӕрӕггӕнӕнтӕм гӕсгӕ, машинӕйы шофыр уӕззау цӕфтӕ нӕ фӕцис

ЦХИНВАЛ, 23 сен — Sputnik, Хъуылымбегты Азӕмӕт. Хуссар Ирыстоны столицӕйы цӕгаттаг фарс ӕртыццӕджы ӕрцыд фӕндагон-транспортон цау - рог хӕдтулгӕ "Volkswagen Jetta-йы шофыр сӕмбӕлд фӕндагон нысаны цӕджындзыл ӕртагкӕнӕн станцмӕ базилӕны. Мидхъуыддӕгты министрады пресс-службӕйы кусӕг Джиоты Алик куыд фехъусын кодта, афтӕмӕй автоинспекцийы кусджытӕ бӕрӕг кӕнынц цауы ӕууӕлтӕ.

"Развӕлгъау бӕрӕггӕнӕнтӕм гӕсгӕ, аварийы фӕстиуӕгӕн зианбаййафджытӕ нӕй, - загъта уый.

Хӕдтулгӕ, бафтыдта пресс-службӕйы кусӕг, дзӕвгар ныппырхытӕ ис, уый сэвакуаци кодтой цауы бынатӕй.

4
РХИ парламент

Парламент радон хатт не ‘ркаст Хуссар Иры премьеры кандидатурӕмӕ

4
(ранӕуӕггонд 15:30 23.09.2020)
Ӕртыццӕджы фӕуд кӕны закондӕттӕг органы ӕркасты ӕмгъуыд президенты æнхърæнмæ Хуссар Ирыстоны хицауады сӕрдар снысан кӕнынӕн. Профилон комитеты рабадт нӕ ацыд ӕртыккаг хатт

ЦХИНВАЛ, 23 сен - Sputnik. Кворум кӕй нӕ ӕрымбырд, уый тыххӕй нӕ ацыд парламенты законад ӕмӕ бынӕттон хӕдразамынады комитеты рабадт, кӕцыйы рӕстӕджы хъуамӕ ӕркастаиккой Бекъойты Геннадийы кандидатурӕмӕ бӕстӕйы премьер-министры бынатмӕ. Уый тыххӕй хъусын кӕны парламенты пресс-службӕ.

16 сентябры президент Бибылты Анатолий парламенты ӕркастмӕ бавдыста Бекъойты Геннадийы кандидатурӕ премьер-министры бынатмӕ. Конституцимӕ гӕсгӕ, фарстмæ сессийы агъоммӕ ӕркӕсынц комитет æмæ президиумы. Закондӕттӕг органӕн уыд иу къуыри хицауады сӕрдары кандидатурӕмӕ ӕркӕсынмӕ, ӕмгъуыд фӕуд кӕны ӕртыццӕджы. Уый размӕ комитеты дыууӕ рабадты дӕр нӕ ацыдысты кворум кӕй нӕ ӕрӕмбырд, уый тыххӕй.

"Нӕ комитеты уӕнгтӕ – депутаттӕ Гаглойты Алан ӕмӕ Диакъонты Амиран – не ‘рбацыдысты рабадтмӕ. Уыдон ӕртыккаг хатт нӕ исынц хайад комитеты рабадты, уый фӕдыл ӕй нӕй фадат ауадзын ацы фарстмӕ ӕркӕсыны тыххӕй. Абон ӕз ныффысдзӕн службӕйон фыстӕг парламенты сӕрдармӕ ацы фарсты фӕдыл, цы ран ӕз фехъусын кӕндзӕн, депутаттӕ ӕртыккаг хатт кӕй нӕ ӕрбацыдысты комитеты рабадтмӕ, ӕмӕ уый фӕдыл нӕ фадат ауадзын рабадт ацы фарсты фӕдыл", - банысан кодта комитеты сӕрдар Габатты Алан.

Президенты минӕвар парламенты Куымӕридтаты Анна фехъусын кодта президенты номӕй, депутаттӕ парламенты куысты хайад кӕй нӕ исынц, уымӕн нӕй барадон бындур.

Парламенты спикер Тадтаты Алан схуыдта депутатты позици закондӕттӕг органы куысты ӕргом саботаж.

Раздӕры хицауад ацыд отставкӕйы Цхинвалы митингты фӕстӕ. Столицӕйы адӕм се 'неразыдзинад равдыстой Цхинвалы цӕрӕг Дзабиты Иналы мӕлӕты фӕстӕ, кӕцы амард Мидхъуыддӕгты министрады криминалон милицийы рӕстӕгмӕ дарӕн изоляторы нады фæстиуæгæн.

Уый фæстæ митингты адӕм домдтой МХМ хистӕр ӕмӕ Генералон прокуроры отставкӕтӕ. 16 сентябры президент йӕ пресс-конференцийы комкоммӕ эфиры фехъусын кодта йӕ дзуапп депутаттӕн, генералон прокуроры йӕ бынатӕй ссӕрибар кӕнынӕн кӕй нӕй бындур. Уымӕй размӕ закондӕттӕг органты депутатты ӕмбис сӕ куыст ӕххӕст кӕныныл нал саразы сты, цалынмӕ президент сӕххӕст кӕна сӕ домӕн.

18 сентябры парламентон фракци "Иугонд Ирыстон"-ы скондæй йæ рахызты тыххæй фехъусын кодта депутат Мулдарты Гарри, уымæй уый равдыста йе ʻнæразыдзинад депутатты фылдæр хайы домæн æххæст кæй не ʻрцыд, уый тыххæй.

4