Дзæуджыхъæуы сæнусон кæндзысты Абайты Васойы ном

Лӕвар 120-азон юбилеймӕ: Абайты Васойӕн Дзæуджыхъæуы сӕвӕрдзысты цырт

21
(ранӕуӕггонд 11:49 21.08.2020)
Цырт æвæрд æрцæудзæн генийы райгуырдыл 120 азы сæххæстæн юбилейон мадзæлтты фæлгæтты

ЦХИНВАЛ, 21 авг – Sputnik. Цæгат Ирыстоны столицӕйы 2020 азы гениалон ирон ахуыргонд, ӕвзагзонӕг, этимолог æмæ профессор Абайты Васойӕн сæвæрдзысты цырт. Ахуыргонды ном сæнусон кæндзысты йæ 120 азы юбилеймæ, хъусын кæны Ossetia News.

Абайты Уасо райгуырд 1900 азы 2 декабры. Юбилейон мадзæлттæ нысан æрцыдысты декабрьмӕ.

"Цырт æвæрд æрцæудзæн юбилейон мадзæлтты фæлгæтты, кæцытæ нывонд сты генийы райгуырдыл 120 азы сæххæстæн. Уымæй дарддæр ма рацæудзæн йæ куысты æмбырдгонд æмæ журнал "Nartamongæ-ы сæрмагонд номыр, уагъд цæудзысты конференцитæ, лекцитæ æвзонг ахуыргондтæ æмæ студенттæн, скъолаты цæудзæн сæрмагонд уроктæ", - дзырдæуы хъусинаджы.

Абайты Уасойæн ис ын бирӕнымӕц бындурон куыстытӕ. Дунейы иууыл тынгдӕр йӕ ном айхъуыст, куыд ирон ӕвзаджы историкон-этимологон дзырдуаты автор, цы ран уый сахуыр кодта ирон дзырдты ратӕдзӕнтӕ, раиртӕста ирон ӕвзаджы бастдзинӕдтӕ ирайнаг ӕмӕ индоевропейаг ӕвзӕгтимӕ. Ирыстоны зонады иууыл ирддӕр минӕвары ном хӕссынц уынгтӕ Цхинвалы ӕмӕ Дзӕуджыхъӕуы.

21
Хуыгаты Алан

Алцыдӕр сараздзӕн уӕлахизӕн: Хуыгаты Алан Дзӕуджыхъӕуы боксы изӕрмӕ цӕттӕкӕнынады тыххӕй

0
Боксер Хуыгаты Алан радзырдта Sputnik, кӕй у цӕттӕ алкӕцы раундмӕ дӕр, фӕлӕ уӕддӕр нывӕнды фӕуын тох нокаутӕй

ЦХИНВАЛ, 4 дек – Sputnik, Хъуылымбегты Азӕмӕт. Ирон боксер Хуыгаты Алан, кӕцы нырма иу хатт дӕр нӕ фембылд, хайад райсдзӕн боксы изӕры Дзӕуджыхъӕуы 10 декабры.

"Ӕз цӕттӕ дӕн алкӕцы раундмӕ дӕр, фӕлӕ уӕддӕр нывӕндын фӕуын тох ӕмгъуыдӕй раздӕр. Тох цӕудзӕн мӕ райгуырӕн горӕты, ӕмӕ ӕз алцыдӕр сараздзӕн, цӕмӕй рамбулон", - радзырдта Хуыгаты Алан.

Спортсмены тренер Сланты Виталий фехъусын кодта Sputnik, Хуыгаты Алан кӕй у цӕттӕ ӕмӕ нӕ сараздзӕн рӕдыдтытӕ ацы тохы.

"Алан у иууыл тӕссагдӕр боксертӕй сӕ иу йӕ уӕзы категорийы – мах нӕ дызӕрдыг кӕнӕм йӕ уӕлахизы", - банысан кодта Сланты Виталий.

Алан архайы 63 килограммы уӕзы категорийы. Боксер ис 20-ӕм бынатыл Уӕрӕсейы Боксы федерацийы рейтингы йӕхи уӕзы категорийы.

0
Цӕгат Иры райдыдтой Ног азмӕ цӕттӕ кӕнын

Цӕгат Иры райдыдтой Ног азмӕ цӕттӕ кӕнын

2
(ранӕуӕггонд 10:44 04.12.2020)
Дзæуджыхъæуы фæнд кæнынц Ног азы 20 фæзы байгом кæнын. 1-æм декабры уал горæты фæзындысты фыццаг аив цырæгътæ

ЦХИНВАЛ, 4 дек - Sputnik. Цӕгат Ирыстоны райдыдой Ног азмæ цæттæ кæнын. Бæлвырддæр та — аив кæнынц уæнгтæ, хъусын кӕны ПТРК "Алания".

Дзæуджыхъæуы фæнд кæнынц Ног азы 20 фæзы байгом кæнын. 1-æм декабры уал горæты фæзындысты фыццаг аив цырæгътæ.

"Ног азмæ саив кæндзысты Сæрибары, Адæмы хæттыты хæлардзинады, Фонтанты, Хетæгкаты Къостайы номыл парчы фæзтæ. Стæй Кировы, Цæнгæт æмæ Пожарскийы уынджы хидтæ. Уымæй уæлдай аив цырæгътæй сæрттивдзысты горæты бирæ уынгтæ", - дзырдӕуы хъусинаджы.

Столицӕйы Центрон парчы уыдзæнис бæрæгбоны сæйраг зонæ, Митын Дадайы ног хæдзаримæ. Уым ма уыдзæн хуызистытæн сæрмагонд бынат дæр. Ног азы бæрæгбонты фæзтæ байгом кæныны тыххæй горæты администраци хъусын кæндзæн рагагъоммæ.

2