Джиоты Люба

Цхинвайлаг зарӕггӕнӕг Джиоты Любайы концерт ацӕудзӕн Мӕскуыйы

21
(ранӕуӕггонд 12:11 21.08.2020)
Джиоты Люба архайдта конкурс "Азар ма"-йы ӕмӕ дзы бацис кӕсджыты хъӕлӕсты фылдӕр хаййы хицау. Уый Мӕскуыйы йӕ фыццаг солон концерты сӕххӕст кӕнцӕн зарджытӕ ӕртӕ ӕвзагыл

ЦХИНВАЛ, 21 авг - Sputnik, Хъуылымбегты Зӕлинӕ. Мӕскуыйы ацӕудзӕн цхинвайлаг зарӕггӕнӕг Джиоты Любайы солон концерт, фехъусын кодта Sputnik зарӕггӕнӕг йӕхӕдӕг.

Солон концерты инициаторӕй ралӕууыдысты Любайы ӕмзӕххонтӕ - оперон зарӕггӕнӕг Хӕбӕлаты Лали ӕмӕ Битеты Наталья, афтӕ ма кутюрье Орхан Султан. 

"Солон концерт ауадзыны хъуыды сӕм фӕзынд, Мӕскуыйы Хӕбӕлаты Лалиимӕ куы азарыдтӕн, уый фӕстӕ. Фыр цинӕй цы фӕуыдаин, уый нал зыдтон - мӕ фыццаг солон концерт уыдзӕн ӕмӕ тынг тыхсын. Мӕн фӕндыдаид, цӕмӕй мӕ фыццаг концерт ацыдаит мӕ райгуырӕ зӕххыл, фӕлӕ Мӕскуы дӕр тынг у", - загъта Люба.

Зарӕггӕнӕг бафтыдта, концерты кӕй айзӕлдзысты зарджытӕ ӕртӕ ӕвзагыл - ирон, уырыссаг ӕмӕ англисагау. Ныртӕккӕ Люба активонӕй йӕхи цӕттӕ кӕны йӕ ралӕудмӕ.

Мадзал ацӕудзӕн24 сентябры, 19.00 сахатыл ахӕм адресыл: уынг Тверская, 22а.

21
Хуссар Иры ссардзысты Зары трагедийы амӕттӕгты рухс нӕмттӕ

Хуссар Иры ссардзысты Зары трагедийы амӕттӕгты рухс нӕмттӕ

1
(ранӕуӕггонд 15:30 17.05.2021)
Фыдохы мадзӕлттӕ ацӕудзысты 29 азы размӕ ӕвирхъау трагеди кӕм ӕрцыд, уыцы бынаты цур

ЦХИНВАЛ, 17 мая – Sputnik, Хъуылымбегты Азӕмӕт. Хуссар Ирыстоны цыппӕрӕмы, 20 майы, ацӕудзӕн фыдохы акци, кӕцы нывонд у Зары трагедийы амӕттӕгты мысӕнӕн, фехъусын кодтой Sputnik культурӕйы министрады пресс-службӕйы.

Зары трагеди нымад æрцыд Хуссар Ирыстоны ног историйы иууыл æгъатырдæртæй сæ иуыл, йæ амæттаг баисты 36 адæймаджы, 12 райстой цæфтæ. Фæмардуæвджытæй иууыл кæстæр уыд 11-аздзыд сывæллон, иууыл хистæрыл та цыд 76 азы.

"Ацы бон Зары хъӕумӕ бахизӕны ацӕудзӕн мысӕн акци "Зажги свечу в память о погибших! В душе зажги и никогда не задувай!". 12.03 сахатыл республикӕйы расидтдзысты Ӕппӕтнацион ӕдзӕмӕй алӕугӕйӕ уысм", - фехъусын кодтой культурӕйы министрады.

Фыдохы датӕмӕ паддзахадон телеуыныннад бацӕттӕ кодта тематикон алӕвӕрдты сери Цхинвалы цӕрджыты мысинӕгтимӕ ацы боны фӕдыл.

1
Хуссар Ирыстоны паддзахадон драмон театр

Ӕрхонгӕ режиссер Цхинвалы бавдисдзӕн комеди "Дон Жуан"

15
(ранӕуӕггонд 16:52 17.05.2021)
Спектакль Дон Жуан"-ы фыццаг хатт паддзахадон драмон театры сценӕйыл сӕ архӕстдзинад равдисдзысты ХИПУ театралон факультеты студенттӕ

ЦХИНВАЛ, 17 май — Sputnik, Плиты Фатимæ. Хуссар Ирыстоны паддзахадон драмон театр сцӕттӕ кодта спектакль "Дон Жуан" рауадзынмӕ. Дыгуры театры сӕйраг режиссер Джелиты Хъазыбеджы бакастӕй комеди уыдзӕн драмӕйы ӕууӕлтимӕ, фехъусын кодтой Sputnik ПДТ пресс-службӕйы.

Уагдоны банысан кодтой, къорд кӕй архайы, цӕмӕй къуырийы кӕрон спектакль бавдисой аивадон советӕн.

"Ӕвзонг курдиатджын режиссер Джелиты Хъазыбегӕн ис ӕндӕрхуызон бакаст Мольеры комедимӕ, уый у психологон драмӕ, алкӕцы  адӕймаг дӕр арф ахъуыды кӕндзӕн ӕмӕ фӕхуддзӕн йӕхи ӕппӕрццаг миниуджытыл. Репетицитӕ цӕуынц бон дыууӕ хатты", - загътой пресс-службӕйы.

Уым ма бафтыдтой, спектакль "Дон Жуан"-ӕн кӕй бацӕттӕ кодтой диссаджы дарӕс ӕмӕ декорацитӕ.

"Тынг ӕхсызгон нын у ацы премьерӕйы тыххӕй фехъусын кӕнын. Сӕйраг фӕлгонц ӕххӕст кӕны Мамиты Григорий, уый ралӕууыд Дон Жуанӕй, йе 'ххуырсты фӕлгонц та ӕххӕст кӕны Гаглойты Эдуард. Спектаклы ма архайынц адӕмон артист Тъехты Уасил, сгуыхт артисттӕ Уанеты Эдуард, Гаглойты Артур, Хуыгаты Альбина, Натия Чохели ӕмӕ Хаситы Сослан", - бафтыдта уый.

Ацы спектаклы ма фыццаг хатт паддзахадон драмон театры сценӕйыл сӕ архӕстдзинад равдисдзысты ХИПУ театралон факультеты студенттӕ.

 

15