Аудитори

Уӕрӕсейаг ахуыргӕнӕндӕтты домдзысты COVID-тесттӕ фӕсарӕйнаг студенттӕй

9
(ранӕуӕггонд 10:06 31.08.2020)
Уӕрӕсейаг ахуыргӕнӕндӕтты студенттӕ ӕмӕ кусджытӕ ахуырадон азы райдайӕны размӕ нӕ хъӕудзӕн дӕттын анализтӕ коронавирусы фӕдыл

ЦХИНВАЛ, 31 авг - Sputnik. Фӕсарӕйнаг студенттӕ райдайдзысты ахуыр кӕнын Уӕрӕсемӕ ӕрбацыдӕй дыууӕкъуырион изоляци рацӕуыны фӕстӕ, уый фӕстӕ уыдон ратдзысты анализ коронавирус рабӕрӕг кӕныны фӕстӕ, радзырдта УФ зонад ӕмӕ уӕлдӕр ахуырады министр Валерий Фальков йӕ интервьюйы РИА Новостийӕн.

"Тесттӕ саразын хъӕудзӕн ӕрмӕстдӕр фӕсарӕйнаг студенттӕн, кӕцытӕ ӕрцӕудзысты Уӕрӕйы территоримӕ", - банысан кодта Фальков.

Афтӕ ма министр банысан кодта, фӕсарӕйнаг студентты ӕртыккаг хай, кӕцытӕ ахуыр кӕнынц уӕрӕсейаг ахыргӕнӕндӕтты, баззадысты сӕрды Уӕрӕсейы ӕмӕ уыдонмӕ ацы арӕнӕвӕрдтӕ нӕ хауынц.

Уӕрӕсейы 1-3 сентябры ахуыр райдайдзысты 699 уӕлдӕр ахуыргӕнӕндоны, ноджы 20 ахуыр райдайдзысты фӕстӕдӕр, сентябры дӕргъы.

9
Теннис

Хуссарирыстойнаг теннисисттæ хайад исынц Уæрæсейы чемпионаты сахъатты хсæн

2
(ранӕуӕггонд 15:10 28.09.2020)
Арæнæвæрд уавæртимæ спортсменты хсæн уæлыстол теннисæй ерыстæ уагъд цæуынц 25-æй 30-æм сентябрьмæ Чебоксарты

ЦХИНВАЛ, 28 сен - Sputnik. Хуссар Ирыстоны минæвæрттæ хайад исынц Уæрæсейы чемпионаты уæлыстол столы теннисæй, кæцы уагъд цæуы арæнæвæрд уавæртимæ спорсменты хсæн. Ерыстæ райдыдтой Чебоксарты 25 сентябры æмæ адарддæр уыдзысты 30 сентябры онг, хъусын кæны РХИ фæсивæдон политикæ æмæ спорты комитеты пресс-службæ.

Хуссар Иры уæлыстол теннисы федерацийы сæргълæууæг Джиоты Мириан куыд радзырдта, афтæмæй ерысты хайад исынц Куыдзеты Игорь æмæ Козаты Олег.

"Куыдзеты Игорь у фæлтæрдджын спортсмен æмæ хауы йæ классы уæрæсейы 15 хуыздæр теннисистты номхыгъды. Козаты Олег та фыццаг хатт архайы Уæрæсейы чемпионаты. Уый у ерысты иууыл æвзонгдæр спортсмен, цæуы йыл æрмæстдæр 14 азы", - загъта тренер.

Уый бафтыдта, зæгъгæ, йæ кармæ æнæкæсгæйæ, Козаты лæппу хъазы Уæрæсейы хуыздæр теннисисты æмрæнхъ. Олег, йæ къухдариуæггæнæджы ныхæстæм гæсгæ, тынг фæцыд Уæрæсейы æмбырдгонды эксперттæ æмæ тренерты зæрдæмæ.

2
Бокс

Ирыстойнаг боксертӕ ссисты ӕппӕтуӕрӕсейон ерысты призертӕ

3
(ранӕуӕггонд 15:06 28.09.2020)
Дыууӕ хатты олимпиаг чемпион Борис Лагутины призтыл турнир 15-16 азы кары фӕсивӕды хсӕн балхынцъ ис Мӕскуыйы ивгъуыд улӕфт бонты

ЦХИНВАЛ, 28 сен — Sputnik. Цӕгат Ирыстоны боксы олимпиаг резервы спортивон скъолайы хъомылгӕнинӕгтӕ Золойты Станислав ӕмӕ Дойаты Хетӕг ссисты Ӕппӕтуӕрӕсейон ерысты призертӕ боксӕй, хъусын кӕны республикӕйы спорты министрад.

Дыууӕ хатты олимпиаг чемпион Борис Лагутины призтыл турнир 15-16 азы кары фӕсивӕды хсӕн балхынцъ ис Мӕскуыйы ивгъуыд улӕфт бонты.

"Золойты Станислав 60 килограммы уӕзы категорийы рамбылдта ӕртӕ тохы, фӕлӕ финалы фембылд боксерӕн Свердловскы областӕй. Дойаты Хетӕг архайдта 75 килограммы уӕзы категорийы ӕмӕ рамбылдта ӕртӕ тохы, уыдонӕй дыууӕ нокаутӕй. Финалы уый фембылд Европӕйы фыццагады уӕлахиздзауӕн Ростовы областӕй", - дзырдӕуы хъусинаджы.

Уагдоны бафтыдтой, спортсментӕ кӕй цӕттӕ кодтой ерыстӕм Цӕлойты Георгийы къухдариуӕгады бын.

3